Josué 1:15 - Bible in Tzeltal de Oxchuc y Tenejapa

¹⁵ ja' to me c'alal ya x'ac'botic ta bay ya xcux yo'tanic yu'un te Cajwaltique. Ta patil ya me sujt'ex bael ta bay aq'uinal te la yac'beyex te Moisés te yabat te Cajwaltique, ja' ta jejch' ja' Jordán ta bay stojol sloq'uib c'aale. Ja' me ya awu'uninic ta jc'axel —xi' te Josué.

Bible in Tzeltal Bachajón

¹⁵ ha to c'alal ya x'a'bot scux yo'tanic yu'un Jehová hich te bin ut'il ha'ex, soc te hich nix ya yu'untayic te q'uinal ya x'a'botic yu'un Jehová te Dios awu'unique. Patil ya suhtex bahel te q'uinal te a'botex awich'ic, te la ya'beyex Moisés te a'bat yu'un Jehová li' ta jehch Jordán ta stojol banti ya xloc' tal c'ahc'al, xchi.

Josué 1:15 Referans Kwoze

Filipenses 2:4

Ma me ayuc jtuluquex te atuquel nax ya ale te awutsilale; ya me sc'an ya alebeyic yutsilalic uuc te yantique.

Gálatas 5:13

Melel te ja'ex quermanotac, Dios la yiq'uex ta stojol swenta yu'un jich me jc'axel libre ya x'ainex yu'un. In te bit'il libre ayexe, ¿yu'un bal lec teme ya xjajch' apasic spisil te bila stalel ya smulan spasel te jmulawil jbaq'uetaltique? Ja' lec teme talel c'axel ya awac' abaic ta abatinel ta swenta bit'il c'ux ya awaiy abaic ta awo'tanic.

1 Corintios 13:5

Ma spas te bila ma lecuque, soc ma stuqueluc nax ya sle te bila ya sc'an yo'tane. Ma x'ilin, soc ma xcupetuc slab yo'tan.

1 Corintios 12:26

Teme ay swocol junuc te bila ay ta jbaq'uetaltique, pajal ya yaiybeyic xc'uxul ta scojt'ol. Soc teme ya sta yutsilal junuque, pajal ya yaiybeyic yutsilal ta scojt'ol.

Gálatas 6:2

Juju-jtul jech cuchbeya abaic te awijc'atsique. Jich me ts'acal ya xc'ot ta ch'uunel awu'unic a te smandal te Cristoe.

Deuteronomio 3:20

Te Cajwaltic ya me yac'bey ta banti ya xcux yo'tanic ta nainel uuc te awermanotaque. Jich nix te bit'il te la yac'beyexix te ja'exe, jich ni me ya yac'bey yu'uninic te q'uinal, ya me yac'bey sq'uinalic ta jejch' ja' Jordán. Teme jich c'ote, ja' to me ya sujt'ex bael a ta aq'uinalic te la cac'beyexe, chican banti ayex ta juju-jtul”, la cutex.

Josué 1:1

Te c'alal lajix a te Moisés te yabat Cajwaltique, te Cajwaltic la sc'opon te Josué te snich'an Nun te sjoy ta at'el Moisés, jich la yalbey:

Josué 1:14

Ijq'uitayaic li'to ta q'uinal te awinamic, te anich'nabic soc te achambalamique, te la yac'beyex te Moisés ta jejch' ja' Jordán. Yan te winiquetic, ja' te mach'atic ya xju' yu'unic guerra, spisil ac'a stsac te yat'ejibique. Ya me xneelajex bael yu'un te awermanotac ta scoltayel ta guerra,

Josué 1:16

La sjaq'uic ta spisilic: —Ya me jpastic spisil te bila mandal ya awalbotique, ya me xbootic ta bay ya aticunotique.

Deuteronomio 3:18

“Ta sc'aalelal in to, la calbeyex mandal: “Te Cajwaltic Dios cu'untic ya yac'beyex awu'uninic te lumq'uinal in to. Ta apisilic ja'ex te ya ana'ic yaq'uel guerra, tsacaic te awat'ejibic yu'un guerra, baanic soc te alumale, ja' te israeletique.

Deuteronomio 9:1

“Aiya awaiyic, israeletic: C'otix yorail te ya xc'axex bael ta jejch' ja' Jordán, soc te ya xjajch'ex ta at'el ta spisil awipic ta stsalel ta guerra yantic nacionetic, te c'axem jich smuc'ulic soc c'axem jich yipic a te bit'il ja'exe. Ya me atsalic niwac lumetic te buen toyolic sjoyob ts'ajc'ule.

Josué 22:1

Te Josué la yic' tel te sts'umbal Rubén, Gad soc te olil sts'umbal Manasés,