Josué 1:14 - Bible in Tzeltal de Oxchuc y Tenejapa

¹⁴ Ijq'uitayaic li'to ta q'uinal te awinamic, te anich'nabic soc te achambalamique, te la yac'beyex te Moisés ta jejch' ja' Jordán. Yan te winiquetic, ja' te mach'atic ya xju' yu'unic guerra, spisil ac'a stsac te yat'ejibique. Ya me xneelajex bael yu'un te awermanotac ta scoltayel ta guerra,

Bible in Tzeltal Bachajón

¹⁴ Te awihnamic, anich'nabic soc awacaxic ya xhilic ta q'uinal la ya'beyex te Moisés li' ta jehch Jordán; yan te ha'exe, apisilic te ay yip awo'tanic soc te ay awipic, awich'oj awa'tejibic yu'un guerra a ya me xnahilijex bahel yu'un te awermanotac soc ya me acoltayic,

Josué 1:14 Referans Kwoze

Apocalipsis 17:4

Te sc'u' slapoj te antse, tsaj soc tsaj'aman. Xch'aloj sba ta oro soc ta t'ujbil lequil tonetic soc ta perlaetic. Yich'oj ta sc'ab copa te pasbil ta oro te nojel tey a te bila ya yilay te Diose, capal soc sbolil te smulweje.

Deuteronomio 20:8

“Patil te jwentainwanejetic ya me xc'opoj yan buelta ta stojol te soldadoetic, jich ya yalic: “Teme ay mach'a buen xiwel ya yaiye, ac'a bajt'uc ta sna, swenta yu'un jich ma xyac' ta xiwel a te yantic sjo'taque”, xi' me.

Éxodo 13:18

Ja' swentail te la yac'bey spas buelta ta sbelal muc'ul jochol taquin q'uinal te stojol bael Mar Rojo. Te c'alal loq'uic bael israeletic ta Egipto, xtiq'uet nax loq'uel ta spisilic.

Números 32:26

Te quinamtic, te jnich'nabtic te tsailic to, te wacaxetic soc spisil te chambalametic ya me xjilic li'to ta lumetic yu'un Galaad.

Deuteronomio 3:19

Ja' nax me ya xjilic tey ta lumetic la cac'beyex, te antsetic awu'unic, te alaletic soc te chambalametic te jna'oj te ayix awu'unique.

Josué 1:13

—Na'aic me te sc'op Moisés, te yabat Cajwaltic, te bit'il la yalbeyex te ya yac'beyex te q'uinal te Cajwaltic Dios cu'untic, ta bay ya acux awo'tanique.

Josué 1:15

ja' to me c'alal ya x'ac'botic ta bay ya xcux yo'tanic yu'un te Cajwaltique. Ta patil ya me sujt'ex bael ta bay aq'uinal te la yac'beyex te Moisés te yabat te Cajwaltique, ja' ta jejch' ja' Jordán ta bay stojol sloq'uib c'aale. Ja' me ya awu'uninic ta jc'axel —xi' te Josué.

Deuteronomio 33:21

Te Gad jil ta swenta mero lequil q'uinal, ja' snujp' te ja'uc ya yich' te mach'a tulan yat'ele. C'opoj ta yolilal te slumale, c'ot ta pasel yu'un te bila la sc'an te Cajwaltique, mero stojil at'ej ta Israel —xi'.

Josué 4:12

C'axic bael ta taquejem ja' uuc te mach'atic chapalic yu'un guerra te ayic ta swenta sts'umbal Rubén soc sts'umbal Gad soc te olil sts'umbal te Manasés. Neelajic bael yu'un te yantic israeletic, jich te bit'il albil jilel mandal yu'un Moisés.