Josué 1:1 - Bible in Tzeltal de Oxchuc y Tenejapa

¹ Te c'alal lajix a te Moisés te yabat Cajwaltique, te Cajwaltic la sc'opon te Josué te snich'an Nun te sjoy ta at'el Moisés, jich la yalbey:

Bible in Tzeltal Bachajón

¹ Te c'alal chamix a te Moisés te a'bat yu'un Jehová, te Jehová la sc'opon te Josué snich'an Nun, ha te mach'a la scoltay ta a'tel te Moisés, hich la yalbe:

Josué 1:1 Referans Kwoze

Deuteronomio 34:9

Te Josué snich'an Nun la yich' sp'ijil yo'tan ta stojol te Moisés, yu'un la scajanbey sc'ab ta sjol Josué te Moisés. Ja' yu'un te israeletic la xch'uunbeyic smandal, jich nix la spasic te bit'il yaloj mandal ta stojol Moisés te Cajwaltique.

Deuteronomio 31:23

Te Josué te snich'an Nun, ac'bot yu'un Cajwaltic te mandal in to: —Ma me xiwat, ayuc me yip awo'tan. Melel ja'at me te ya awic' ochel te israeletic tey ta lumq'uinal te calojbeye. Jo'on me ya x'ainon ta ats'eel —xi' sc'oplal te Josué.

Deuteronomio 31:3

Pero te Cajwaltic Dios ya me xneelaj awu'unic. Te c'alal ya xc'axexe, ya me slajin te nacionetic ya ataic tey a, swenta yu'un ya me awich'beyic te slum-sq'uinalique. Ja' me ya xneelaj ta atojolic te Josué, melel ja' me jtsobwanej awu'unic, jich nix te bit'il la yalix te Cajwaltique.

Deuteronomio 1:38

Ja' me ya x'och bael ta ajelol te ajoy ta at'el Josué, te snich'an Nun. Ac'beya xan yich' yip yo'tan ta lec, melel ja' me ya yac'bey te israeletic te lumq'uinale.

Éxodo 24:13

Jich mo bael ta wits te Moisés soc te sjoy ta at'ele, ja' te Josué. Bajt'ic ta bay wits yu'un Dios.

Romanos 1:1

Jo'on Pabloon, yabaton te Jesucristoe. La yic'on ta jpuc-c'op, tsabilon ta swenta yalel te lec yach'il c'op yu'un te Diose.

Hechos 7:45

Ac'bot ta swentaic te antiguo tatiletic cu'untic. Soc Josué la sq'uechic ochel te nailpac' yu'un te trato te c'alal och sq'uinalinbeyic sq'uinal te jyanlumetic te la yich'ic loq'uesel yu'un te Diose. Tey jil te nailpac' yu'un te trato ja' to c'alal ay ta q'uinal te Davide.

Deuteronomio 34:5

Jich laj ta sq'uinal Moab te Moisés te abat yu'un Dios, jich nix te bit'il albot yu'un te Cajwaltique.

2 Reyes 3:11

La sjac' te Josafat: —¿Ma bal ayuc j'alwanej yu'un Cajwaltic li'to te ya xju' ya sjojc'obotic te Cajwaltic? —xi'. Jtul capitán yu'un soldadoetic yu'un te muc' ajwalil ta Israel, jich la yal: —Li' ay te Eliseo, te snich'an Safat, te abat yu'un Elías —xi'.

1 Reyes 19:16

soc te Jehú te smam Nimsi te ja' ya x'och ta muc' ajwalil ta Israel, soc nix te Eliseo te snich'an Safat ta lum Abel-mehola ac'beya aceite ta sjol swenta seña te ya x'och ta j'alwanej, ta swenta ajelol ya xjil.

Josué 12:6

Te Moisés soc te israeletic la stsalic ta jc'axel te ajwaliletique. Te q'uinaletic yac'ojbeyix Moisés sq'uinalinic te sts'umbal Rubén, sts'umbal Gad soc te olil sts'umbal Manasés.

Deuteronomio 33:1

Te c'alal nopol ya xlajix a te Moisés, ja' te swinic Dios, la yalbey yutsil sc'oplal te israeletic,

Números 13:16

Ja' sbiilic te winiquetic te la sticun bael Moisés ta stsajtayel te q'uinale. Te Oseas, te snich'an Nun la sjelbey sbiil, Josué c'ot yu'un.

Números 13:8

Oseas, snich'an Nun, te sts'umbal Efraín;

Números 12:7

Yan te cabat Moisés ma jichuc ya jpasbey stuquel. Jun yo'tan ta jtojol, c'ax jich a te bit'il spisil te yantic abatetic cu'une,

Números 11:28

Jich yu'un te Josué te snich'an Nun, ta squeremil to jajch' sjoin ta at'el te Moisés, jich la yal: —Moisés, cajwal cu'un, Moisés, ma xawac'bey spasic —xi'.

Apocalipsis 1:18

Jtalel cuxulon. Lajon, ja'uc me to, cuxulonix sbajt'el q'uinal. Jichuc. Quich'oj te sllaveil te lajele soc uuc te stsojbjibal animaetique.

Santiago 1:1

Jo'on Santiagoon, yabaton te Diose soc uuc te Cajwaltic Jesucristoe. Ya jpatbeyex awo'tanic ja'ex te lajchaychajbex te sts'umbalex Israel te pujq'uemex ta spamal balumilale.

Tito 1:1

Jo'on Pabloon te abaton yu'un te Diose, soc jpuc-c'opon yu'un te Jesucristoe, ticunbilon yu'un jich me ya staic xch'uunjel yo'tanic te mach'atic tsabilic yu'un te Diose, soc te jich ya cac'bey snopic te bit'il ay te smelelil c'ope,

San Lucas 16:10

“Te mach'a jun yo'tan ya swentain te bila ya x'ac'bot ta swenta jtebuque, ja' nanix jich jun yo'tan ya swentain teme ay bila bayal ya x'ac'bot ta swentae. Yan te mach'a ma junuc yo'tan ya swentain te bila ya x'ac'bot ta swenta jtebuque, ja' nanix jich ma junuc yo'tan ya swentain teme ay bi bayal ya x'ac'bot ta swentae.

Deuteronomio 34:12

Ma'yuc yan mach'a la spajbey xan yip yat'el, soc ta spasel bila muq'uic sc'oplal ta pasel, jich te bit'il la spas ta ilel ta stojol te Israele.

Josué 1:2

—Te cabat Moisés lajix, jich yu'un ta ora to ja'at me ya awic' c'axel ta muc'ja' Jordán te lum Israele. Tey me ay a te q'uinal ya cac'beyex te ja'exe.

Josué 1:15

ja' to me c'alal ya x'ac'botic ta bay ya xcux yo'tanic yu'un te Cajwaltique. Ta patil ya me sujt'ex bael ta bay aq'uinal te la yac'beyex te Moisés te yabat te Cajwaltique, ja' ta jejch' ja' Jordán ta bay stojol sloq'uib c'aale. Ja' me ya awu'uninic ta jc'axel —xi' te Josué.

Nehemías 8:17

Ta spisilic te sujt'ic tel te ac'bot yijq'uitay slumalique, la spasic snailwamalic, soc ochic ta nainel tey a. Melel te c'alal cuxul ta q'uinal a te Josué snich'an Nun c'alal ora, ma'yuc yan jich yutsil yo'tanic ta spasel a te bit'il c'ot ta pasel ta ora in to. Mero bayal yutsil q'uinal la yaiyic yu'un.