Jonás 4:8 - Bible in Tzeltal de Oxchuc y Tenejapa

⁸ C'alal loc' tel c'aal, Dios la yac' taluc q'uixin ic' ta stojol sloq'uib c'aal. Soc te bit'il ja' mero tojlinbot ta xc'uxul c'aal te sjol Jonás, jajch' ta buen wocol yu'un. Ya sc'an ya xlajix ya yaiy. La yal te Jonase: —Ja' mero lequix ya caiy te yacuc xlajonixe, ja' ma jc'anix te ya xcuxinone —xi' te Jonase.

Bible in Tzeltal Bachajón

⁸ C'alal loc' tal te c'ahc'ale, Dios la yac' taluc q'uixin ic' ta stojol banti ya xloc' tal c'ahc'al. Chic'bot sjol te Jonás yu'un te c'ahc'ale, laj yip yu'un. Ya sc'an ya xcham, hich la yal: Ha lec te yacuc xchamon te bin ut'il cuxulon, xchi.

Jonás 4:8 Referans Kwoze

Jonás 4:3

Ja' yu'un, Cajwal, wocoluc lajinbonix te jcuxlejale. Ja' mero lequix ya caiy te ya xlajone, ja' ma jc'anix te cuxulone —xi' ta stojol te Cajwaltique.

Ezequiel 19:12

Pero la sbulic soc slab yo'tanic, la xch'ojic coel c'alal ta lum. Tal ic' ta stojol sloq'uib c'aal, jul ta taquintesel ta xq'uixnal, lubaj te sit yu'une. Te buen tulan sc'abc'abe taquej, te c'alal taqueje, la yaq'uic ochel ta c'ajc'.

Salmos 121:6

Te c'aal ma xju' ya yuts'inat ta c'aaleltic, soc te u ma xyuts'inat ta ajc'ubal.

Apocalipsis 7:16

Ma ba ya xc'axix swocolic ta wi'nal soc ta taquinti'il. Soc ma ba ya yaiybeyiquix xc'uxul te c'aale, soc ma ba ya xwoclajiquix yu'un te xq'uixnale.

Apocalipsis 3:19

Te jo'one ya jp'ijubtes soc ya jtac'uy spisil te mach'a c'ux ya caiy ta co'tane. Junajuc me awo'tan ta jtojol, sujt'esa me awo'tan.

Isaías 49:10

“Ma me ayuc wi'nal, soc ma me ayuc taquinti'il ya yaiyic; ma x'uts'inotic yu'un te c'aale, ni sq'uixnal te q'uinale. Melel c'uxic ta co'tan soc ya xneelajon yu'unic, soc ya quic' bael ta sloq'uibja'etic.

Jonás 1:17

Pero te Cajwaltic ay xchajbanejix jcojt' muc'ul chay te ya xbic'ot yu'un te Jonás. Oxeb c'aal soc oxeb ajc'ubal ay ta xch'ujt' te chaye.

Jonás 1:4

Pero te Cajwaltic la yac' jajch'uc tulan ic' ta yolil mar, mero buen tulan ic'. Jich yilel te bit'il jc'axel ya xlajix te barco.

Cantares 1:6

Ma me ja'uc ay sc'oplal awu'un te bit'il ijc'one, soc ma me ja'uc ay sc'oplal awu'un te bit'il xchic'ojbon jnujc'ulel te c'aale. Te jbanquiltac ilinic ta jtojol, jich la yac'onic ta scanantayel ts'usubiletic; te jts'usubil c'oem ma ba ju' cu'un scanantayel.

Salmos 39:9

“La jcom jba, ma ba la jam que jichuc uma', melel ja'at jich la apasbon.

Job 2:10

La sjac' te Job: —Ants, ma x'ana' q'uinal. Teme jun co'tantic ya quich'tic te bila lec ya yac'botic te Diose, ¿bi yu'un ma ba ya quich'tiquix a jiche te bila amen ya yac'botic tele? —xi' yu'un te Job. Jich ma la sta smul ta stojol Dios te Job. Manchuc me ay swocol, pero ma ba loc' bol c'op ta ye stuquel.

1 Samuel 3:18

Te Samuel la xcholbey yaiy spisil te bitic albot yu'un te Cajwaltic, ma'yuc la smuc ta yo'tan. Te Elí jich la yal ta spisil yo'tan: —Ja' Cajwaltic stuquel. Ac'a spas te bi lec ta pasel ya yaiye —xi'.

Levítico 10:3

Patil te Moisés jich la yalbey te Aarón: —Ja' ay ta yo'tan Cajwaltic te c'alal jich la yale: “Te mach'atic ya xnoptsajic ta jtojol, ya me cac'bey yilic te jo'on te Ch'ul Diosone; ta spisil te israeletic ya me cac'bey yilic te xojobil cutsilale”, te xie —la yut. Te Aarón, ma ba c'opoj yu'un.

San Mateo 20:12

La yalic: “Te winiquetic to te talic ta at'el ta slajibal orae, jip nax jun ora te at'ejique. ¿Bistuc te pajal jtojoltic la awac'botic soque? Melel te jo'otique c'ax jwocoltic ta at'el soc la caiybeytic xc'uxul ta lec te c'aale”, xiic ta c'op.

1 Reyes 19:4

Te Elías toj bael ta jochol taquin q'uinal. Sjunal c'aal been, ja' to c'o snajc'an sba ta ye'tal retama-te'. Mero yo'tanuc ya xlajix, jich la yal: —¡Tiq'uix a, Cajwal! Lajinbonix te jcuxlejale. Ja' mas lec te ya xlajone, jich bit'il lajic te antiguo jme'-jtate —xi'.

Oseas 13:15

Manchuc me ya x'esmaj jichuc ac te Israele, ya me xtal ic' ta sloq'uib c'aal; te tulanil ic' ya xtal ta jochol taquin q'uinal, ya me staquintes soc ya me stub ja'etic soc te sloq'uibja'etique. Te acontro ya me spojbat bael spisil te bitic ay ta yawil ac'ulejal te t'ujbilique.

Jonás 4:9

Pero albot yu'un te Diose: —¿Lec bal ya awaiy te bayal ya x'ilinat yu'un te taquej te jtejc' ch'opac te'? —xi' sc'oplal. La sjac' te Jonase: —Yu'unix lec ya caiy a. ¡Mero ya xlajonix yu'un slab co'tan ya caiy! —xi' xan.

Génesis 41:6

Patil la yil ay sitin xan yan jucchex, puro pujulpat, mero ma'yuc sit te juju-jchexe, soc taquinajem yu'un te c'aale.

1 Reyes 21:4

Te Acab bajt' ta sna, ay ta mel-o'tan soc boloben yo'tan ta swenta te bi albot yu'un te Nabot, ta scaj te albot te ma ba ya x'ac'bot te bila ac'bil jilel yu'un sme'-stat. C'alal c'ot ta sna, la smejts'an sba ta swayib, la sut bael sit ta pajc', soc ma ba we'.

Job 7:15

Ja' wan lec te yacuc asut'bonix te jnuq'ue; ja' ya jc'anix te ya xlajone, ma jc'anix te cuxulone.

Eclesiastés 7:9

Ma me xawac' stsalat ilimba; melel te ilimbae, ja' yu'un stuquelic te ants-winiquetic te ma sna'ic q'uinale.