Jonás 3:8 - Bible in Tzeltal de Oxchuc y Tenejapa

⁸ Ja' lec ac'a me slapic te ch'ixal paq'ue, soc ac'a me sc'oponic Dios ta mero spisil yo'tanic. Ac'a me yijq'uitayic ta juju-jtul te sbolilic soc yeleq'uic, spisil soc bitic amen yacalic ta spasel.

Bible in Tzeltal Bachajón

⁸ Ac'a smuc sbahic ta pac' scuenta mel-o'tan, ants-winiquetic soc chambahlametic, soc ac'a yawtayic te Dios ta spisil yip yo'tanic. Jujutuhl ac'a yihquitayic hilel te chopol be yu'un soc te uts'inel ya spasique.

Jonás 3:8 Referans Kwoze

Jonás 1:6

Pero bajt' ta ilel yu'un te mach'a swentainej te jtij-barcoe, jich albot: —¿Bistuc te jun awo'tan wayalate? Jajch'an ta ora, c'opona te Dios awu'une. Repente ya sna' yo'bolil jbajtic. Jich ma ba ya xlajotic —la yut.

Hechos 3:19

Jich yu'un sujt'esa awo'tanic ta stojol te Diose, soc ch'uunaic. Jich me ya stup'beyex te amulique. Jich me ya sta yorail te ya yac'beyex xan yip awo'tanic te Diose

Jonás 1:14

Jich jajch' sc'oponic te Cajwaltique, jich la yalic: —Cajwaltic, ma xawac' lajucotic ta swenta smul te winique. O teme ma'yuc smule, ma me xawac' jmulintic te bit'il ya xlaje. Melel te ja'at Cajwaltic, ja' chican bi ya smulan awo'tan ya apas —xiic.

Isaías 59:6

Te sna ametic ma xju' ta pasel c'u'iletic a; ma'yuc mach'a ya sc'u'inbey te bila ya sjalic. Spisil te yat'elique ma lecuc ta jyalel, te yat'el sc'abique, swenta uts'inwanej.

Hechos 26:20

Ja' sbabial la cal ta lum Damasco, soc ta patil ta lum Jerusalén, soc ta spamal sq'uinal Judea, soc ta stojol te jyanlumetique. La calbey te ya sc'an te ya yijq'uitayic te smulique, soc te ya sujt'es yo'tanic ta stojol te Diose, soc te ya sc'an xyanaj xcuxlejalic ta stojol te Diose, soc te ya sc'an ya xchicnaj ta yat'elic te bit'il sujt'emix yo'tanic ta melele.

San Mateo 3:8

Ac'a me chicnajuc ta ilel sit te awat'elic te bit'il sujt'emix awo'tanic ta mero melel yu'un te amulique.

Daniel 4:27

Ja' yu'un, muc' ajwalil, ja' me xat'un jiche te tojtesel cu'un in to: Mero stojil me xapasix te awat'ele, ma me xaleix amul. Jc'axel x'alajinbey sc'oplal te bila amene, soc at'elina scoltayel te me'baetique. Teme repente jich spisil ora lamal q'uinal ta atojol, soc ya me x'esmaj xan bael biluc awu'un’, xi' ta jtojol te Beltsasar”, xi' sc'op te Nabucodonosore.

Ezequiel 33:11

Melel jo'on te cuxul Ajwalilon, ya cal ta jamal: Ma jc'an te ya xlaj te mach'a amen yo'tane, ja' ya jc'an te ya stojtes te yat'el soc te ya xcuxin xane. Israel, ijq'uitaya te apocol acuxlejal awich'oj ta ora in to. ¿Bi yu'un jiche te ya xlajate?” uta me.

Jeremías 18:11

“Albeya te ants-winiquetic ta Judá soc te yajwal Jerusalén: “Jich ya yal te Cajwaltique: ‘Yacon ta xchajbanel ac'oplalic ta jcontroinbelex; yacon ta snopel te ya cac'beyex castigo. Ijq'uitayaic jilel te be te amene; tojtesaic te awo'tanic soc te awat'elique’, xi' me”, ya me awut.

Isaías 58:6

Ya calbeyex te ma me ja'uc. Te spasel ayuno te ya smulan co'tane, jich ya sc'an bit'il in to: ja' te ya atuch'bey scadenail te uts'inel, soc te ya acoltay te mach'a chucul ta yugo; ja' te ya awac' ta libre te mach'atic tenbilic ta uts'inele, soc teme ya alajinbey sc'oplal ta spisil te bila ay wocol yu'une;

Apocalipsis 11:3

Soc ya me jticun cheb testigoetic cu'un te ya xc'opojic ta j'alwanej cu'un oxbajc' soc oxwinic (1,260) c'aal te slapojic ch'ixal pac' swenta mel-o'tan —xi' la caiy.

Job 16:17

Manchuc me ma'yuc mach'a ay bila amen jpasojbey, manchuc me mero lequil c'op la jc'opon a te Diose.

Job 36:10

Ya sc'opon swenta stojtesel, soc swenta yu'un ya yalbey te yacuc yijq'uitayic te sbolilique.

Jeremías 25:5

Ja'ic la yalbeyex awaiyic: “Ijq'uitaya jilel te amen-o'tanil soc te amen at'eliletic awu'une; yu'un jich me ya xju' ya x'ainex ta lumq'uinal te la yac'beyex awu'unin sbajt'el q'uinal te Cajwaltic te ja'ex soc te ame'-atatique.

Jeremías 26:3

Te ayuc bit'il ya yich'bat ta muc', te ya yijq'uitayic te bila amen ya spasique, te toj ya yac' sbaique, jich me ya jnop te ma ba ya cac'bey castigo yu'un sbolil te yat'elique, te jnopojix ya cac'beye.

Jeremías 36:3

Te ayuc bit'il ya xc'ot ta yo'tanic te mach'atic ayic ta Judá spisil te woclajel te jnopoj ya jticunbey tele, te yacuc yijq'uitay te bila amen ya spasique, jich ya jpasbey perdón yu'un —xi'.

Joel 1:14

Tsobaic te lume, coma awe'elic; tsobaic ta templo yu'un Cajwaltic, ja' te Dios awu'unique. Tsobaic te ancianoetic soc ta spisil te yajwal lumq'uinale, c'oponaic te Cajwaltique.