Jonás 3:6 - Bible in Tzeltal de Oxchuc y Tenejapa

⁶ Te c'alal la yaiy stojol te muc' ajwalil yu'un Nínive, co ta smuc'ul nactijib. La sloq'ues te sc'u' nixe, la slap uuc te ch'ixal paq'ue, la snajc'an sba ta stanul c'ajc'.

Bible in Tzeltal Bachajón

⁶ Te c'alal c'oht te c'op ta stojol te ajwalil yu'un Nínive, la stehc'an sba ta banti hucul, la schol loq'uel te sc'u', la slap pac' scuenta mel-o'tan soc la shuhcan sba ta tan.

Jonás 3:6 Referans Kwoze

Daniel 9:3

La jc'opon Dios soc la calbey wocol te Cajwaltic Diose, la jcom jwe'el soc la jlap ch'ixal pac', soc la najc'an jba ta stanul c'ajc'.

Job 2:8

Ja' yu'un te Job, ba snajc'an sba ta c'ajc'al tan soc la stsac xejt'elul c'a'oxom, la sjux sba a.

San Lucas 10:13

“¡Lum Corazín ya me awil awocol! ¡Lum Betsaida ya me awil awocol uuc! Melel te teyuc la yich' pasel jchajp at'eliletic ta bay lum Tiro soc ta lum Sidón jich bit'il te la yich'ix pasel ta atojolique, ora la sujt'es yo'tanic te jichuque. La me slapic ch'ixal pac', soc la me snajc'an sbaic ta stanul c'ajc' ta smelel yo'tanic te jichuque.

San Mateo 11:21

—¡Lum Corazín, ya me awil awocolic! ¡Lum Betsaida, ya me awil awocolic uuc! Melel te teyuc la yich' pasel jchajp at'eliletic ta bay lum Tiro soc ta lum Sidón jich bit'il te la yich'ix pasel ta atojolique, ora la slapic ch'ixal pac', soc la snajc'an sbaic ta stanul c'ajc' ta sujt'esel yo'tanic te jichuque.

Jeremías 6:26

Lum cu'un, lapa ch'ixal paq'uetic ta señail te xc'uxul ya awaiyique, balana aba ta c'ajc'al tan, lapa c'u'il yu'un, soc oc'an ta bay nax c'alal, jich bit'il te ya xlaj te jip jtul anich'ane. Melel te mach'a ya xtal sjinotique, ora nax me ya xtal ta jtojoltic.

Jeremías 13:18

La yalbon te Cajwaltic: —Albeya te muc' ajwalil soc sme': “Coanic ta amuc'ul nactijibic, naclanic ta lum, melel ch'ayemix coel ta ajol te acorona te xch'alojate”, uta me.

Miqueas 1:10

Ma me xawalbeyic te yajwal lum Gat; ma me xawaq'uic ta ilel oq'uel. Baletanic ta ts'ubil lum yu'un xc'uxul mel-o'tan ta lum Bet-le-afra.

Lamentaciones 3:29

Ya sc'an peq'ueluc ya yac' sba asta ya sbujts'iy coel te lume; repente ya to sta c'uxtayel a.

Job 42:6

Ja' yu'un jc'axel me ya jsujt'esix co'tan, ya me jnajc'an jba ta tan soc ta ts'ubil lum —xi' te Job.

Isaías 15:3

Te ants-winiquetic ya me xbeenic bael ta calleetic, slapojic ta beel ch'ixal paq'uetic, awunic yu'un te jinel ta bay yamac'ul sba snaique. Ta parqueetic spisilic ya x'ajc'anaj yo'tanic ta oq'uel, lajelix ya yaiyic yu'un te ya'lel sitique.

Jeremías 36:24

Te muc' ajwalil soc te mach'atic toyol yat'elic te la yaiyic stojole, ma ba nijc' yo'tanic yu'un, ni seña xc'uxul mel-o'tan la yaq'uic ta ilel.

Lamentaciones 2:10

Te jtsobwanej-mamaletic ta Sión, ch'abalic nax, nacalic ta ts'ubil lum, ya yac' tan ta sjolic soc ya slapic ch'ixal paq'uetic. Te ach'ixetic ta Jerusalén ya snijan sbaic coel c'alal ta lum ta mel-o'tan.

Ezequiel 26:16

Spisil te muc' ajwaliletic te ayic ta ti'ti'mar ya me xc'oic ta smuc'ul nactijibic, ya me sloq'uesic te snajt'il c'u'ic, soc ya me sloq'uesic te sc'u'ic bayal xch'alile. Mero bayal me xiwen yo'tanic ya snajc'an sbaic ta lum, spisil me ora ya xnijq'uic yu'un xiwel, ta scaj te ya yilbat te awocole.

1 Reyes 21:27

C'alal te Acab la yaiy spisil, la xch'i' sc'u', la slap ch'ixal pac' soc la scom swe'el. La slap ta wayel te ch'ixal paq'uetic, soc bayal la smel yo'tan spisil ora yu'un.

Jeremías 36:13

Te Micaías la yalbey yaiyic spisil te bila la yaiy stojol yu'un Baruc te la yil te balbil jun ta stojol te lume.