Jonás 3:5 - Bible in Tzeltal de Oxchuc y Tenejapa

⁵ Ta spisil te yajwal te lume, muc'-biq'uitetic, la xch'uunic te Diose, soc la yalic mandal te ya scom swe'elic soc te ya slapic ch'ixal pac'.

Bible in Tzeltal Bachajón

⁵ Te ants-winiquetic yu'un Nínive la sch'uhunic te Diose, la yalic mandar te ya scom swe'elic soc la slapic pac' scuenta mel-o'tan, muc' biq'uitetic.

Jonás 3:5 Referans Kwoze

San Lucas 11:32

Ja' nix jich uuc te niniveetique. Ya me stejc'an sbaic ta yalbeyel smulic te jayeb mach'a cuxulic ta q'uinal ta ora to, te melel te niniveetique la sujt'es yo'tanic yu'un smulic te c'alal albot yaiyic yu'un Jonás te bila yaloj te Diose. Yan te mach'a li' ay to, ja' cajal yu'un te Jonase.

San Mateo 12:41

“Te c'alal ya sta yorail ya x'ilbot yat'elic te jayeb ants-winiquetic cuxulic ta q'uinal ta ora to, tey me ayic uuc a te niniveetique. Ja' me ya yalbeyic ta jamal te smulique, melel te niniveetique la sujt'es yo'tanic yu'un smulic te c'alal la xchol sc'op Dios te Jonase. Yan ta ora to li' ay to te mach'a cajal yu'un te Jonase.

Daniel 9:3

La jc'opon Dios soc la calbey wocol te Cajwaltic Diose, la jcom jwe'el soc la jlap ch'ixal pac', soc la najc'an jba ta stanul c'ajc'.

Joel 1:14

Tsobaic te lume, coma awe'elic; tsobaic ta templo yu'un Cajwaltic, ja' te Dios awu'unique. Tsobaic te ancianoetic soc ta spisil te yajwal lumq'uinale, c'oponaic te Cajwaltique.

2 Crónicas 20:3

Te Josafat xiw yo'tan yu'un, la snop te ya sjojc'obey te Cajwaltique. La spucbey sc'oplal te ya scom swe'elic ta spamal Judá.

Hebreos 11:1

Te bit'il ay xch'uunjel co'tantique jich jc'axel ay ta co'tantic te ya xc'ot ta pasel te bila yacotic ta smaliyele, soc jc'axel ay ta co'tantic manchuc teme ma chicanuc ta ilel ya quiltique.

Hebreos 11:7

Ta swenta xch'uunjel yo'tan te Noé, ac'bot sna' yu'un te Dios te ya xc'ot ta pasel te bila ma to chicanuque. Jich jun yo'tan la xch'uun spasel barco te banti col soc sjunal sna. Jich yu'un ta swenta xch'uunjel yo'tan, la yac'bey ta ilel smulic te mach'atic ayic ta balumilale. Yan te Noé ta swenta nax xch'uunjel yo'tan te toj ilot yu'un te Diose.

Hechos 27:25

Jich yu'un te ja'ex winiquetic, ac'a smuc'ul awo'tanic, melel xch'uunej co'tan te spisil ya xc'ot ta pasel yu'un te Diose, jich nix te bit'il la yalbon te ch'ul abate.

Hechos 8:10

Spisil muc' biq'uit yich'ojbeyic ta muc' te bi ya yale. Jich la yalbeyic sc'oplal: —Ja' in to, ja' mero yich'ojbey te smuc'ul yu'el te Diose —xiic yu'un.

Jeremías 42:8

Jich la yic' tel te Johanán, te snich'an Carea, te mach'atic capitanetic yu'un te soldadoetic te sjoinejique, soc spisil te lume, manchuc me muc'-biq'uit.

Jeremías 42:1

Ta spisil capitán yu'un soldadoetic, soc tey ay a te Johanán snich'an Carea, te Azarías snich'an Osaías soc spisil lum, muc'-biq'uit, noptsajic tel

Jeremías 36:9

Ta sbalunebal u ta yo'ebal ja'wil yat'el ta ajwalil a te Joacim, snich'an Josías, te muc' ajwalil yu'un Judá, la yich' pucbeyel sc'oplal te ya spasic ayuno ta stojol Cajwaltic ta spisilic te mach'atic yajwal Jerusalén soc mach'atic ay talemic ta yantic lumetic yu'un Judá.

Jeremías 31:34

Ma'yuquix mach'a ya xp'ijubtesot yu'un sjo'tac ni spat-xujc' ta swenta sna'belonic jba, melel spisilic me, bay muc'-biq'uit, ya me sna'bonic jba. Ya jpasbey perdón te bila amen spasoje, soc ma ba ya jna'bey xan te smulique. Jo'on Ajwalilon, jich ya cal —xi' te Cajwaltique.

Esdras 8:21

Patil la cal mandal ta comel we'elil ta sts'eel muc'ja' Ahava, swenta yu'un ya me caltic ta jamal te jmultic ta stojol te Dios cu'untique, soc yu'un ya jc'anbeytic te lecuc ya yic'otic bael jo'otic soc mach'atic ay cu'untic, soc bitic ay cu'untic.

Apocalipsis 11:3

Soc ya me jticun cheb testigoetic cu'un te ya xc'opojic ta j'alwanej cu'un oxbajc' soc oxwinic (1,260) c'aal te slapojic ch'ixal pac' swenta mel-o'tan —xi' la caiy.

Ester 4:1

Te c'alal la yaiy te Mardoqueo te bila c'otix ta pasel, la xch'i' sc'u' swenta seña mel-o'tan, la slap ch'ixal pac' soc la smojt'es tanul c'ajc' ta sjol. Jajch' sbeentay te lume, yac ta tulan aw soc xc'uxul mel-o'tan.

Jonás 3:7

Te muc' ajwalil soc te sjo'tac ta ajwalil ay bila la xchapic ta stojol te slumalique, jich la yalic: —Ma me ayuc mach'a ay bila ya swe', soc ma me xyac'beyic swe'el soc ma me xyac'beyic yuch' ja' te swacaxic soc te chijetic yu'unique.

Éxodo 33:6

Jich yu'un te c'alal loq'uic bael ta wits Horeb te israeletic, ma ba la xch'al sbaiquix.

2 Reyes 19:1

C'alal la yaiy te muc' ajwalil Ezequías te jich aye, la sjats sc'u' yu'un. La slap c'u'il pasbil ta ch'ixal pac', bajt' ta templo yu'un Cajwaltic.