Jonás 2:9 - Bible in Tzeltal de Oxchuc y Tenejapa

⁹ yan te jo'one bin nax co'tan ya calbat yutsil ac'oplal soc ya cac'bat milbil amajt'an. Jich me ya xc'ot ta pasel a te bila caloj ta atojole. Ja'at nax atuquel Cajwal, te ya xju' ya xcoltaywanate —xi' te Jonase.

Bible in Tzeltal Bachajón

⁹ Pero te ho'one, ta scuenta yalel wocol, ya ca'bat milbil mahtanil; ya jpas te bin caloj ta jamal ta atojol. ¡Yu'un Jehová te colele! xchi ta sc'oponel Dios.

Jonás 2:9 Referans Kwoze

Salmos 3:8

Te ja'at, Cajwal, ya xcoltaywanat; jich yu'un ac'beya bendición te lum awu'une.

Salmos 50:14

Ja'uc me jmajt'an awu'un te ya awalbon wocol ta jtojol; ac'a me c'otuc ta pasel awu'un te bila awaloj ta jtojol jo'on te mero Toyolone.

Hebreos 13:15

Jich yu'un ya sc'an te spisil ora ya calbeytic yutsilal Dios ta swenta te Jesucristoe. Ja' milbil smajt'an Dios cu'untic te ya caltic ta jti'tic te yutsil sbiile.

Salmos 50:23

Te mach'a ya yal wocol ta jtojol, ja' ya yac'on ta ich'el ta muc', ja' me jmajt'an yu'un te ya sc'ajintayone. Jo'on te Diosone, ya me jcoltay te mach'a toj ya yac' sba ta jtojole”, xi' te Cajwaltique.

Oseas 14:2

Sujt'esa awo'tanic ta stojol te Cajwaltique, jich me ya awalic ta sc'oponel te Diose: —Pasbotic perdón yu'un spisil te jmultique; tsacbotic soc yutsil awo'tan te amajt'an te ya caltic loq'uel ta quetique.

Salmos 68:20

Te Dios cu'untic ja' nax stuquel te ya xcoltaywan, ya xju' ya scoltayotic ta lajel.

Romanos 12:1

Jich yu'un, quermanotac, ya calbeyex wocol ta swenta bit'il bayal c'uxtaybilex yu'un te Diose, ac'a me abaic ta sc'ab Dios soc te abaq'uetalique. Ja'uc me cuxul smajt'an Dios ya xc'oex ta stojol, te ch'ultesbilex soc te lec yo'tan yu'un te Diose. Yu'un jich ya sc'an ch'uunel awu'unic te Diose.

Isaías 45:17

Ja'uc me to, te Israel coltayotix yu'un te Cajwaltique, sbajt'el q'uinal te coltayel la yac'beye; mero ma xjilic ta q'uexlal stuquelic, ni ma me peq'ueluc ya xjilic yu'un.

Apocalipsis 7:10

Spisilic tulan yacalic ta aw. Jich yacalic ta yalel: “Te colele ay ta swenta te Dios cu'untic te nacal ta smuc'ul nactijibe soc ta swenta te Alalchije”, xiic.

San Juan 4:22

Te ja'exe ma x'ana'ic te mach'a ya alajin abaic ta stojole. Yan te jo'otique ya jna'tic te mach'a ya jlajin jbatic ta stojole, melel ta swenta nax judioetic te ya xchicnaj colele.

Jeremías 33:11

c'ayojetic yu'un q'uin, soc sbujts-o'tanil, soc te c'ayojetic yu'un nujbinel, soc ya me xchicnaj ta alel: “Albeyaic wocol te Cajwaltic te Spisil ya xju' yu'une, melel te Cajwaltic lec yo'tan stuquel, te xc'uxul yo'tan stalel ay sbajt'el q'uinal”, xiic me. Yu'un ya me yich'ic tel majt'anil ta templo yu'un yalel wocol. Melel ya cac'bey xan yutsilal in lumq'uinal to, swenta yu'un jich ya xcha'c'ot xan te bit'il ay ta xjajch'ibale. Jo'on Ajwalilon, jich ya cal —xi'.

Job 22:27

Teme ay bila ya ac'anbeye, ya me yaiybat te ac'op, soc ya me apasbey te bila ya awalbey ta stojole.

Génesis 35:3

Jajch'ucotic ta beel ta ora, conic ta Betel. Tey me ya xc'o jpasbey scajtijib ta chiq'uel smajt'an Dios a te bit'il la scoltayon c'alal ayon ta wocole, soc la sjoinon te bayuc beenone —xi'.

Hechos 4:12

Ma'yuc yan te mach'a ay colel ta swenta, melel ma'yuc yan ta spamal balumilal te yac'ojbotic sbiil te Diose te ya xju' ya xcolotic ta swentae —xi' te Pedroe.

Salmos 107:22

Ac'beyaic milbil smajt'an swenta yalel wocol; bayaluc me yutsil awo'tanic xawalbeyic yutsil yat'el te Cajwaltique.

2 Samuel 15:7

C'alal loc' chaneb ja'wil, te Absalón jich la yalbey te muc' ajwalil: —Ya calbat wocol ta atojol, ac'awon bael ta Hebrón. Ya xba cac' c'otuc ta pasel te bi la cal ya jpasbey ta stojol te Cajwaltique.

Deuteronomio 23:18

Ma me xawac' permiso teme winic o teme ants te ya yich' tel ta templo yu'un Cajwaltic Dios te taq'uin staoj ta swenta mulil ta stojel bila chapal yu'unic. Melel ilaybil me yu'un Cajwaltic stuquel.

Salmos 27:1

Sacuben q'uinal ta jtojol yu'un te Cajwale, soc ja' Jcoltaywanej cu'un stuquel. ¿Mach'a a te ya jxi'e? ja' ya xc'opoj te Cajwal yu'un te jcuxlejale; ¿mach'a a jiche te ya jxi'e?

Salmos 95:2

Ochucotic bael ta stojol ta yalel wocol, soc ac'a jc'ajintaytic c'ayojetic ta yich'el ta muc'.

1 Samuel 12:21

Ma xach'uunic lotil diosetic te melel ma'yuc bi ya yac'beyex soc ma xcoltaywan, melel ma Diosuc stuquelic.