Jonás 2:8 - Bible in Tzeltal de Oxchuc y Tenejapa

⁸ Te mach'atic ya xch'uunic te loc'ombaetic, jich ya xchebaj yo'tanic ta atojol;

Bible in Tzeltal Bachajón

⁸ Te mach'atic ya st'unic loc'ombahetic te tojol ayic, ma ha'uquix jun yo'tanic ta atojol.

Jonás 2:8 Referans Kwoze

Salmos 31:6

Ya quilay te mach'atic ya xch'uunic lotil diosetic te ma xtuunique. Ja' smuc'ulinej co'tan te Cajwale.

Jeremías 2:13

“Te lum cu'une cha'chajp mulil la spas: la yijq'uitayon ta yo'tanic, te cuxul sloq'uibja' c'oemone, soc la spasic pozoetic yu'un stuquelic, lomen pozoetic te ma xpamaj ya'lele.

2 Reyes 17:15

Ja' la xch'aybeyic te mandaliletic yu'un Cajwaltic, soc te c'op xchapoj soc te antiguo sme'-statique, soc te smandal albotic yu'une. La st'unic diosetic te ma'yuc sc'oplale, ja' nix jich ma'yuc swentail bajt'ic yu'un. Ja' la st'unbeyic stalel te nacionetic ayic ta spat-xujq'uic, manchuc me ja' te bi combilic ta spasel yu'un te Cajwaltique.

Jeremías 10:8

Spisilic, bol yo'tanic, ma'yuc ni jtebuc sp'ijilic. Ma xju' ya sp'ijubtesex te smajc'alel te'e.

1 Samuel 12:21

Ma xach'uunic lotil diosetic te melel ma'yuc bi ya yac'beyex soc ma xcoltaywan, melel ma Diosuc stuquelic.

Jeremías 16:19

Cajwal, yipat co'tan soc jcanantaywanejat cu'un, ja' anjibalat cu'un ta ora nax yu'un te bila xiweltic sba te ya xtal ta jtojole. Ya me xtal ta atojol te nacionetique, ya xtalic ta sti'il balumilal, jich me ya yalbat: —Ja' nax lotil diosetic te la yu'uninic te jme'-jtatique te ma'yuc yutsil soc ni ma'yuc yu'el.

Salmos 69:14

Ma me xawac' te ya yac'on ta biq'uel ta ach'al c'oeme. Coltayawon ta sc'ab te mach'atic ay slab yo'tanic cu'un; coltayawon a te manchuc ya smulon te sc'ubulil ja'.

Salmos 142:4

Ya jsujt'es bael jsit ta swa'el jc'ab, ma'yuc mach'a ya quil te ya xtal scoltayone. Ma'yuc mach'a ya xc'opoj cu'un; ma'yuc mach'a ya xtal ta yo'tan te ya scanantayone.

Miqueas 1:2

Apisilic lumetic, aiya awaiyic stojol; yajwalex spisil te lumq'uinal, aiya me awaiyic: Te Cajwaltic ja' testigo ta scontroinbelex te ja'exe, te ya xc'opoj tel ta ch'ul templo yu'un.