Jonás 2:7 - Bible in Tzeltal de Oxchuc y Tenejapa

⁷ Te c'alal la caiy jba te nopol ya xlajonixe, la jna'at, Cajwal; c'ot ta atojol c'alal ta ch'ul templo awu'un te jc'ope.

Bible in Tzeltal Bachajón

⁷ C'alal yac ta lajel yip te jcuxlejal la jna' te Jehová; te bin la jcalbat c'oht ta atojol, c'oht c'alal ta ch'ul templo awu'un.

Jonás 2:7 Referans Kwoze

Salmos 18:6

Te c'alal ayon ta wocol a, la jc'opon te Cajwal, la jc'an coltayel yu'un te Dios cu'une, la yaiybon stojol jc'op c'alal ta templo, c'ot ta xchiquin te cawe.

2 Crónicas 30:27

Ta patil te sacerdoteetic soc te levitaetic stejc'anej sbaic a, te la sc'anbeyic bael bendición te lume. Te Cajwaltic la yaiy stojol te la yich' c'oponele, c'ot c'alal ta ch'ulchan, ja' te ch'ul awilal ta bay nainem te Diose.

Salmos 143:5

Ja' ya jna' te bit'il at'ejat ta namey; soc ya xtal ta co'tan spisil te bitic apasoje.

Salmos 11:4

Te Cajwaltic ay ta ch'ul templo yu'un; ay smuc'ul nactijib ta ch'ulchan. Mero jamal sit ta lec stuquel, yat'elinej scanantayel xcuxlejal te ants-winiquetique.

1 Samuel 30:6

Te David ma sna' bi ya yut sba scaj te yac ta alel te ya yich' xch'ojel ta ton yu'un te swinictaque, melel spisilic ilinem yo'tanic yu'un te bi c'oem ta pasel ta stojol te snich'nabique. Pero ja' la yipin yo'tan te Cajwaltic te Dios yu'une.

Salmos 27:13

Ja'uc me to, xch'uunej co'tan te ya sta yorail te ya quilbey yutsil yo'tan Cajwal te jayeb c'aal ayon ta balumilale.

Salmos 20:7

Ja' yip yo'tanic ta sc'opic te scarretaic yu'un guerra, ay yantic te ja' yip yo'tanic ta sc'opic te scaballoique; yan te jo'otic, ja' yip co'tantic te Cajwaltic te Dios cu'untique.

Salmos 65:4

Bin nax me yutsil te ants-winic te ya atsa soc te ya awic' bael ta nainel ta ats'eel tey ta banti templo awu'une. Nojesa co'tantic a te bila bayal yutsil ta ana, ja' te ch'ul templo awu'une.

Hebreos 12:3

Jich yu'un te ja'exe ja' me x'ana'ic spisil ora te Jesuse, te bayal c'ax swocol ta sc'ab te jmulawiletique. Jich ma ba ya xpejc'aj te awo'tanique soc ma xlaj yip awo'tanic yu'un te awocolique.

Habacuc 2:20

Yan te Cajwaltic ay ta ch'ul templo yu'un. Ch'abanic ta stojol ta apisilic te ayex ta spamal balumilal.

Miqueas 1:2

Apisilic lumetic, aiya awaiyic stojol; yajwalex spisil te lumq'uinal, aiya me awaiyic: Te Cajwaltic ja' testigo ta scontroinbelex te ja'exe, te ya xc'opoj tel ta ch'ul templo yu'un.

Jonás 2:4

Jich c'oemon la caiy te bit'il jc'axel loq'uesbilon ta atojole; soc jich la jcuy te ma'yuc bi ora ya quilix te ch'ul templo awu'une.

Isaías 50:10

Ja'ex te ya awich'ic ta muc' te Cajwaltique soc te ya awaiybeyic stojol sc'op te yabate, teme ya xbeenex ta ijc' q'uinale, teme ma'yuc bay sacuben te q'uinale, ac'a smuc'ul awo'tan ta stojol te Cajwaltique; ipajanic me ta stojol te Dios awu'unique.

Salmos 43:5

¿Bi yu'un ya xpejc'aj co'tan? ¿Bi yu'un te bayal ya x'ayan co'tan? Ja' ya jmaliy te Diose, ya to calbey xan yutsil sc'oplal. Ja' Dios cu'un stuquel, ja' stuquel te jcoltaywanej cu'une.

Salmos 42:11

¿Bi yu'un ya xpejc'aj co'tan? ¿Bi yu'un bayal ya x'ayan co'tan? Ja' ya jmaliy te Diose, ya to calbey xan yutsil sc'oplal. Ja' Dios cu'un stuquel, ja' stuquel te jcoltaywanej cu'une.

Salmos 42:5

¿Bi yu'un ya xpejc'aj co'tan? ¿Bi yu'un te bayal ya x'ayan co'tan? Ja' yacon ta smaliyel te Diose, ya to calbey xan yutsil sc'oplal. Ja' Dios cu'un stuquel, ja' stuquel te jcoltaywanej cu'une.

Salmos 22:14

Jich c'oemon te bit'il ja' te ya xmale; te jbaquel pitc'ujemiquix. Te co'tan jich c'oem te bit'il chabec' te ya x'ulub ta yutil te jbaq'uetale.

Salmos 142:3

te bi ora jc'axel yaquix ta comel q'uinal ya caiye. Cajwal, awiloj te be jt'unoje: ja' ta bay ya xbeenon, la yac'bonic jpejts'ul ta be.

Isaías 38:17

Ya calbat awaiy te ch'auben co'tan ta neelale, ora yo'tic lamal q'uinal ya caiy. Ja'at acanantayejbon te jcuxlejale, ma ba la awac'on bael ta xch'enal lajel, melel la apasbon perdón yu'un spisil te jmule.