Jonás 2:10 - Bible in Tzeltal de Oxchuc y Tenejapa

¹⁰ Jich yu'un te Cajwaltic la spas ta mandal te muc'ul chaye, tey ba xejtay loq'uel a te Jonás ta ti'mar.

Bible in Tzeltal Bachajón

¹⁰ Te Jehová la yalbe mandar te muc'ul chay, hich la xehtay loq'uel ta lumq'uinal te Jonás.

Jonás 2:10 Referans Kwoze

Salmos 33:9

C'alal c'opoj te Cajwaltique, jich pastaj ta spisil; ja' la spas mandal stuquel, jich toj ts'unaj jilel ta spisil.

Jonás 1:17

Pero te Cajwaltic ay xchajbanejix jcojt' muc'ul chay te ya xbic'ot yu'un te Jonás. Oxeb c'aal soc oxeb ajc'ubal ay ta xch'ujt' te chaye.

Isaías 50:2

¿Bi yu'un, te c'alal talone, ma'yuc mach'a la jta? ¿Bi yu'un, te c'alal ay mach'a la quic', ma'yuc mach'a la sjac'bon? ¿La bal acuyic te mero ma xju' cu'un pojbelex loq'uel tele? ¿La bal acuyic te ma xju' cu'un caq'uex ta libre? Ta jp'al nax mandal cu'un, tic' ya xtaquej a te mare, soc te beja'etic ya xc'atp'ujic ta taquin q'uinal, swenta yu'un ya me xlajic ta taquinti'il te chayetique, soc ya me xc'a'ic yu'un te ma'yuc ya'lele.

Génesis 1:3

La yal te Diose: “Ac'a sacubuc q'uinal”,, xi'. Jich a sacub te q'uinale.

Salmos 105:34

C'opoj te Diose, tal bayal c'ulubetic, ma xju' ta ajtayel yu'unic.

Salmos 105:31

C'opoj te Diose, la yac' ochuc bayal jaetic soc us, pujq'uic ta spamal sq'uinal Egipto.

Génesis 1:14

La yal te Diose: “Ac'a chicnajuc bitic xlemlajanic ta xyaxal te ch'ulchane, swenta yu'un ya xchicnaj q'uinal ta balumilal yu'un, parte ya xc'ot te c'aaleltique, soc parte ya xc'ot te ajc'ubale swenta yu'un ya yich' ajtayel a te jujun c'aal, te jujun u, soc te jujun ja'wile”, xi'. Jich pastaj yu'un.

Génesis 1:11

jich yu'un la yal: “Ac'a ch'iuc te'etic soc ch'in wamaletic ta lumq'uinal: te wamal te ya yac' sbaq'ue, soc te'etic te ya yac' site, chican bi yilel sit te juju-jchajp”, xi'. Jich pastaj yu'un.

Génesis 1:9

Soc la yal te Diose: “Te ja' te ay ta yanil xyaxal te ch'ulchane, jun nax yawil ac'a c'otuc, ac'a chicnajuc te lumq'uinale”, xi'. Jich pastaj yu'un.

Génesis 1:7

Jich la xchicnantes moel xyaxal ch'ulchan te Diose, parte la yac' te ja' te ay ta yet'al te xyaxal ch'ulchane, parte la yac' te ja' te ay ta sba.

Jonás 3:1

Te Cajwaltic la xcha'c'opon xan swenta xchebal buelta te Jonás, jich la yalbey:

Salmos 22:26

We'anic, ja'ex te tenbilex ta uts'inele, ja' to me c'alal ya xnoj ta lec te ach'ujt'ique; albeyaic yutsil sc'oplal Cajwaltic ja'ex te ya aleique, cuxinanic bayal ja'wil.

Isaías 38:20

Te Cajwale li' ay ta scoltabelon. Ya me jtijtic te arpaetic cu'untic soc ya me xc'ajinotic ta templo yu'un Cajwaltic te jayeb c'aal cuxulotique”, xi' te salmo yu'un Ezequías. (La yich' loq'uesel te versículo 21 soc 22, neel la yich' ochesel te cheb versiculoetic yu'un te versículo 7.)

Isaías 43:11

Jo'on nax jtuquel te Ajwalilone; ma'yuc yan mach'a ya xju' ya xcoltaywan, jo'on nax jtuquel —xi'.

Oseas 13:4

Ya yal te Cajwaltique: —Jo'on Ajwalilon, Dioson awu'un c'alal ayat to ta Egipto. Ma me ayuc yan mach'a ya acuy ta Dios, jo'on nax me jtuquel; melel jo'on nax me jcoltaywanejon awu'un.

Oseas 14:3

Asiria ma xju' ya scoltayotic; soc ma xju' xcolotic yu'un te caballoetique. “Dios cu'untic”, ma me xoocotic ta stojol te bila jpasojtic ta jc'abtique. Melel ja'at nax atuquel, Cajwal, te ya ana'bon yo'bolil jba te me'ba alalone —xaat me ta stojol te Diose.