Jonás 1:7 - Bible in Tzeltal de Oxchuc y Tenejapa

⁷ Te mach'atic ayic ta barco jich la yalbey sbaic: —La', jpasbeytic snumeroil ta na'el mach'a ta smul te ay jwocoltique —xiic. Jich la spasbeyic snumeroil ta na'el. Ja' c'ot ta swenta te Jonase.

Bible in Tzeltal Bachajón

⁷ Talel c'axel hich la yalbe sbahic te j'a'teliletic ta barco: La', ya jpasbetic seña ta na'el yu'un hich ya jna'tic a mach'a ta scuenta te talem ta jtojoltic te wocole, xchihic. Hich la spasic seña ta na'el, ha c'oht ta scuenta Jonás.

Jonás 1:7 Referans Kwoze

Proverbios 16:33

Ay mach'a ya spas número ta na'el; pero ja' ya yac' número te Cajwaltique.

Josué 7:10

Te Cajwaltic la sjac': —Jajch'an, ¿bi ya apas te pacalat ta lume?

Números 32:23

Teme ma jichuc ya apasic, ya me ana'ic te la ataix amulic ta stojol Cajwaltic a. Ya me sta yorail te ya xtal castigo ta atojolic yu'un te amulique.

Hechos 13:19

Soc la sjin te jucchajp nacionetic te ayic ta sq'uinal Canaán, yu'un la yac'bey ta swentaic te q'uinale.

San Mateo 27:35

Te c'alal la sjijp'aniquix ta cruz, te soldadoetic caj spasic ta número yilic te bila ya xc'ot ta swentaic juju-jtul yu'un te sc'u'-spac' te Jesuse. Jich c'ot ta pasel te bila yaloj jilel te j'alwanej yu'un te Diose: “La spucbey sbaic te jc'u'-jpaq'ue. La spasic ta número yilic te mach'a ya xc'ot ta swenta te jc'u'e”, te xie.

Salmos 22:18

te jc'u'-jpaq'ue la spuc sbaic a, la spasbeyic snumeroil ta na'el te mach'a ya xc'ot ta swentae.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

Job 10:2

Dios cu'un, ma me xaucat ta jtojol: “Ay amul”. Albon te bila jmulinej awu'un.

Ester 3:7

Ta u swenta xjajch'ibal ja'wil, ja' nix te u Nisán, ta slajchayebal ja'wil yochel ta muc' ajwalil a te Asuero, la spasbeyic snúmeroil ta na'el ta stojol te Amán, swenta yu'un ya yich' na'el te bi c'aalil soc te bi uil te ya xju' ya spas te bila chapal yu'une. Ja' loc' te yoxlajunebal c'aal te slajchayebal u, ja' nix te u Adar.