Jonás 1:6 - Bible in Tzeltal de Oxchuc y Tenejapa

⁶ Pero bajt' ta ilel yu'un te mach'a swentainej te jtij-barcoe, jich albot: —¿Bistuc te jun awo'tan wayalate? Jajch'an ta ora, c'opona te Dios awu'une. Repente ya sna' yo'bolil jbajtic. Jich ma ba ya xlajotic —la yut.

Bible in Tzeltal Bachajón

⁶ Te capitán yu'un te barco nohpoj tal ta stojol, hich la yalbe: ¿Bin yac apas te wayalate? Hahchan, c'opona te Dios awu'une; ya wan sna'botic yo'bolil jbahtic, hich ma ba ya xlajotic, xchi.

Jonás 1:6 Referans Kwoze

Jonás 3:9

Repente jich ya xlecub yo'tan cu'untic a te Diose, jich ma ba ya yac'otic ta lajel —xi' te ajwalile.

2 Samuel 12:22

La sjac' te David: —Te c'alal cuxul to a te alalquerem, la jcom jwe'el soc oc'on, yu'un la cal: “Te ayuc ya sna'bon yo'bolil jba te Cajwaltique, soc yacuc yac' cuxinuc te alalquereme”, xoon ta co'tan.

Efesios 5:14

Ja' swentail te jich ay ta alele: “Wic'a asit, ja'at te wayalate, jajch'an tel ta bay te animaetique. Ya yac' tiluc saquil q'uinal ta atojol te Cristoe”, te xie.

Amós 5:15

Ilayaic te bila amene, lecuc me awo'tanic yu'un te bila leque. Leaic te bit'il ya yich' chajbanel ta toj te c'opetique; jich te Cajwaltic Dios te Spisil ya xju' yu'une, repente ya xc'uxtay te jayeb xan mach'atic cuxajtic ta Israel.

Hechos 21:13

Ja'uc me to, la yal te Pabloe: —¿Bi yu'un ya x'oq'uex? ¿Bi yu'un ya awac'bonic jmel co'tan? Te jo'one, jun co'tan chican teme chuquel o milel ya xc'o quich' ta Jerusalén ta swenta te Cajwaltic Jesuse —xi'.

Joel 2:11

Te Cajwaltic neel yac'oj sba ta stojol te soldadoetic c'oem yu'une, ya yac' chicnajuc yaw ta mero tulan. Mero bayal te soldadoetic c'oeme, ma x'ajtabaj te mach'atic ya xch'uunbey smandale. Mero muc' soc mero xiweltic sba te sc'aalelal te Cajwaltique. Ma'yuc mach'a ya xcujch' yu'un.

Ezequiel 18:2

—¿Bi yu'un te ma xquejch'aj ta alel ta Israel te p'ijil c'op te jich ya yale: “Ya slo' pajal ts'usub te me'il-tatile, te yal-snich'anic ya stsic'bot yeic yu'un”, te xie?

Isaías 3:15

¿Bi awentaic stenel ta yuts'inel te lum cu'une, soc te ya atec'beyic yelaw te me'baetique? —xi'. Ja' nix te Cajwaltic te Spisil ya xju' yu'un te la yal loq'uel ta ye.

Salmos 107:6

Pero te c'alal c'ux obol sba la yaiyic, la sc'oponic te Cajwaltique, jich coltayotic loq'uel ta woclajel.

Salmos 78:34

Te c'alal Dios ac'otic ta lajel yu'une jich jajch' sleic; sujt'ic ta stojol, spisil yo'tanic la sleic.

Ester 4:16

“Baan tsoba spisilic te judioetic ayic ta Susa, albeya ac'a scom swe'elic cu'un. Ma me ayuc bi ya swe' yuch'ic oxeb c'aal soc oxeb ajc'ubal. Jo'on soc te criadaetic cu'une jich me ya jpastic uuc. Ta patil ya me xba quil te muc' ajwalile, manchuc me ma jichuc ya yal te leye. Teme ya smilon a, ac'a smilon”, xi'.

Romanos 13:11

Spisil in to ja' me ya apasic, yu'un ana'ojic te bin ja'wil ayotic ta ora to. Ac'a wijc'uquix jsitic yu'un te jwayeltique, melel te jcoleltique nopol ayix tel. Ma jichuquix te bit'il najt' to xan sc'an a te c'alal la jch'uuntic te sc'op Diose.

Jonás 3:8

Ja' lec ac'a me slapic te ch'ixal paq'ue, soc ac'a me sc'oponic Dios ta mero spisil yo'tanic. Ac'a me yijq'uitayic ta juju-jtul te sbolilic soc yeleq'uic, spisil soc bitic amen yacalic ta spasel.