Jonás 1:3 - Bible in Tzeltal de Oxchuc y Tenejapa

³ Pero te Jonás ma jichuc la spas. Loc' ta anel ta stojol Cajwaltic, c'an bajt'uc ta Tarsis. Jich bajt' ta banti ya xloc' barcoetic ta Jope. Tey c'o sta jun barco a te baelix ta Tarsis. Jich la stoj spasaje ta ora. Och ta barco, bajt' te Jonase. Jich c'an loc'uc ta anel ta stojol te Cajwaltique.

Bible in Tzeltal Bachajón

³ Pero te Jonás loc' ta ahnel ta stojol Jehová, ya c'an bahtuc ta Tarsis. Hich co bahel ta Jope banti la sta jun barco te ya xbaht ta Tarsis. La stoj spasaje, och ta barco, yu'un ya sjoquin bahel ta Tarsis, namal ta stojol te Jehová.

Jonás 1:3 Referans Kwoze

Josué 19:46

Mejarcón soc Racón, soc nix te q'uinal yelawinej sba soc Jope.

Génesis 4:16

Jich a loc' ta stojol Dios te Caín, ba nainuc ta Nod ay ta stojol sloq'uib c'aal yu'un Edén.

Hechos 9:36

Ta lum Jope ay jtul jnopojel tey a te Tabita sbiil te Dorcas sbiil ta griego-c'ope. Yat'elinej spasel lequil at'elil soc la sq'uebanbey me'baetic te sbiluque.

Hechos 9:43

Te Pedro bayal c'aal jalaj ta lum Jope ta bay sna te Simón te jc'a'tesej-nujc'ule.

Jonás 4:2

La sc'opon te Cajwaltic, jich la yal ta sc'oponel: —Cajwal, la nix jna' te c'alal ayon to ta jlumal a te bila ya xc'ot ta pasele. Ja' swentail te c'an anucon bael ta Tarsis. Melel jna'oj te ja'at Diosat te mero bayal yutsil awo'tan, te bayal ya ana' yo'bolil jbajtique, soc te ma orauc ya x'ilinate. Mero bayal te xc'uxul awo'tan. Manchuc me ya awal ya awac' castigo, pero patil ma ba ya awac' c'otuc ta pasel.

Isaías 23:6

Baanic ta Tarsis, ajc'anajuc awo'tanic te yajwalex ti'mar.

Isaías 23:1

J'alwanej c'op ta stojol Tiro: Te muc'ul barcoetic swenta Tarsis yacal ta ajc'an; melel te bay ya xjul ta loq'uele, jinbilix. Te bay jul ta loq'uel te tal ta Chipre, la yich'ix jinel.

1 Reyes 19:3

Elías la yaiy te nopol ya xlajix ta milele. Swenta yu'un jich ma xlajinbot xcuxlejal a, bajt' ta lum Beerseba te ay ta sq'uinal Judá. Tey la yijq'uitay a te yabate.

2 Tesalonicenses 1:9

Ya me xc'ax swocolic ta castigo ta ch'ayel sbajt'el q'uinal. Ya me yich'ic ch'ojel loq'uel ta stojol te Cajwaltique soc ta bay yutsilal yu'el te Cajwaltique.

1 Corintios 9:16

Te bit'il ya cat'elin xcholel te lec yach'il c'ope, ma spas te ya jtoy jba yu'une, te melel ja' mandal te alboton te ya jpase. ¡Obol me jba teme ma ba ya jchol te lec yach'il c'ope!

Hechos 26:19

“Jich yu'un, muc' ajwalil Agripa, ma la jch'aybey smandal te mach'a la quil ta stelemal yilel te chicnaj tel ta ch'ulchane.

Ezequiel 27:12

Mero bayal te ac'ulejale, te ja' tal yaiy manbajel chonbajel ta atojol te Tarsis. Te bitic la achonbeye la ajelic ta plata, hierro, estaño soc plomo.

Isaías 23:10

Te ja'at lum Tarsis, ac'a me aba ta yutstesel te lumq'uinal, melel ma me ayuquix bila ya xju' awu'un.

Job 1:12

Te Cajwaltic jich la yalbey te Satanase: —Lec ay jiche, pasa spisil te bila ya sc'an awo'tan ta stojol te sbiluc te Job, pero ma me ayuc bila amen xapasbey stuquel —la yut. Jich te Satanás loc' bael ta stojol te Cajwaltique.

2 Crónicas 2:16

Yan te jo'otic ya me jts'etic ta Líbano spisil te te'etic ya xtuun awu'une, soc ya me cac'tic bael ta cuchel bael ta mar ta balsa, ja' to c'alal ta lum Jope. Ja'at me ya awentainix te ya awac' bael ta tasel ta Jerusalén”, xi' te muc' ajwalil Hiram.

Hechos 15:38

Yan te Pabloe la yal te ma spas ya yic' bael sjoin te mach'a ijq'uitayotic jilel yu'un ta bay sq'uinal Panfilia te ma la sc'an sjoin bael ta spasel soc te at'ele.

San Lucas 9:62

Te Jesús la yalbey: —Te mach'a ayix ta at'el soc te aradoe, teme ya yil sujt'el te spate, ma xtuun ta abatinel tey a ta banti ay ta ajwalinel te Diose —xi' te Jesuse.

Ezequiel 3:14

Te yip yu'el te Dios la sjachon jajch'el, la sloq'ueson tey a. Pero yacon ta mel-o'tan bael, soc jchajp la caiy a te co'tane, pero te Cajwaltic tulan la stsacon ta sc'ab.

Isaías 60:9

Barcoetic yilelic te pajal yacalic ta talele, soc te muc'ul barcoetic yu'un Tarsis te neel ay tel yu'une. Yacal ta yiq'uel tel ta c'ubul te anich'nab, soc oro soc plata, ta yich'el ta muc' te Awajwale, te Ch'ul Dios yu'un Israel, te mach'a t'ujbil awutsilal la spasate.

Isaías 2:16

ta yilbeyel yo'tan spisil te mach'atic jich scuyoj sbaic te bit'il barcoetic yu'un Tarsis, o jich bit'il t'ujbil barcoetic.

Job 2:7

Te Satanás loc' bael ta stojol te Cajwaltique, la sticunbey buen tulan sac'al chin ta snujc'ulel te Job, jajch' ta yacan c'alal ta sjol, potsot yu'un te chamele.

1 Reyes 19:9

C'alal c'ot, och bael ta nailch'en, tey c'ax yu'un a te ajc'ubale. Pero te Cajwaltic c'oponot yu'un, jich albot: —¿Bi ya apas li'to, Elías? —xi' sc'oplal.

Génesis 3:8

Te c'alal yaquix ta malel c'aal a, te winic soc te antse la yaiybeyic sc'op te Cajwaltic Dios te yac ta beel ta awalts'unubile. Ora c'an snac' sbaic ta sit Cajwaltic Dios ta bay yolil te'etic te ayic ta awalts'unubile.

Hechos 9:38

Te lum Jope nopol yiloj sba soc te Lida. Te jch'uunjeletique, yaiyojiquix stojol te tey ay a te Pedroe. Jich la sticunic bael cheb winiquetic ta yalel wocol: —Wocoluc, ya me xtalat ta ora te banti ayotique —xiic.

Hechos 9:42

Spisil te yajwal lum Jope la yaiyic stojol te bila c'ot ta pasele. Jich ay tsobol la xch'uunic te Cajwaltique.

Esdras 3:7

Jajch' yac'beyic taq'uin te albañiletic, soc te carpinteroetic. Soc te winiquetic ta Tiro soc ta Sidón la yac'beyic swe'el yuch'elic soc aceite, swenta yu'un ya me yich'ic jajch'el cedroetic ta Líbano, ya me yich'ic bael ta mar c'alal ta Jope, jich te bit'il ac'botic permiso yu'un Ciro te muc' ajwalil ta Persia.

Salmos 107:23

Te jchonbajeletic coic bael ta mar, c'axic ta ja' soc te sbarcoique.

Jeremías 10:9

Te awajcananic, plata nax ich'bil tel ta Tarsis soc oro te ich'bil tel ta Ufaz; ja' te pasbilic yu'un te mach'atic ya sna'ic spasele, ja' te jpas-plata-taq'uinetique. Te sc'u'ic, te morada sbonilic soc te tsaje, ta spisilic chajbanbilic ta swenta te mach'atic c'aemic ta spasele.

Jonás 1:10

Soc la yal ta jamal te yac ta anel ta stojol te Cajwaltic. Te c'alal la yaiybeyic sc'op, soc te bit'il la yilic te mar te tulan yac ta ixlanel yu'un te iq'ue, te j'at'eletic ta barco xiw yo'tanic yu'un.

2 Crónicas 2:15

Jich yu'un, cajwal, ticunbotic tel ta jtojoltic jo'otic te abatetic awu'un, te trigo, cebada, aceite soc te ya'lel ts'usub te awalojbey sc'oplal te ya awaq'ue.

2 Crónicas 9:21

Melel te barcoetic yu'un te muc' ajwalil te xtal xbajt' ta Tarsis soc te winiquetic te ayic ta abatinel yu'un Hiram, jun nax buelta ya sujt'ic ta swenta ox'oxeb ja'wil. La yich'ic tel oro, plata, marfil, maxetic soc pavoreal-mutetic.

Ezequiel 2:8

Aiya me awaiy ta lec te bila ya calbate: Ma me ja'uc te mero tulan ya awac' aba ta jtojol uuque, jich te bit'il ya spasic te yantique. Jama te awee, we'a te bila ya cac'bate —xi'.