Jonás 1:17 - Bible in Tzeltal de Oxchuc y Tenejapa

¹⁷ Pero te Cajwaltic ay xchajbanejix jcojt' muc'ul chay te ya xbic'ot yu'un te Jonás. Oxeb c'aal soc oxeb ajc'ubal ay ta xch'ujt' te chaye.

Bible in Tzeltal Bachajón

¹⁷ Pero te Jehová ay schahpanej jcoht muc'ul chay te ya sbic' te Jonás. Oxeb c'ahc'al soc oxeb ahc'abal ay ta sch'uht te chay te Jonás.

Jonás 1:17 Referans Kwoze

San Mateo 12:40

Melel te Jonase ain ta xch'ujt' muc'ul ballena-chay oxeb c'aal soc oxeb ajc'ubal. Ja' nanix jich uuc te Nich'anile ya me x'ain ta muquenal oxeb c'aal soc oxeb ajc'ubal.

San Lucas 11:30

Melel te Jonase, ja' seña c'ot ta stojol te niniveetique. Ja' nanix jich te Nich'anile, ja' seña c'oem ta stojolic uuc te ants-winiquetic te cuxulic ta q'uinal ta ora to.

San Mateo 16:4

In te mach'a cuxulic ta q'uinal ta ora to, amen yo'tanic soc jmulwejetic, ya sc'an seña yilic, ja'uc me to, ma x'ac'botic. Ja' seña ta stojolic te Jonás te namey q'uinal j'alwanej yu'un te Diose —xi'. Jich la yijq'uitay jilel. Q'uejel a bajt'.

Habacuc 3:2

—Te bila caiyojbat stojol ac'oplal, Cajwal, soc spisil te bitic apasoje, ya snojesbon co'tan ta awich'el ta muc'. Pasbotic quiltic yo'tic te smuc'ul awat'el la apas ta namey tel te bit'il cuxulotic ta ora to, swenta yu'un ya me jna'tic te jo'otique. Jich me ya awac'botic quiltic te c'uxbajemotic ta awo'tan, manchuc me ilinemat.

Jonás 4:6

Pero te Cajwaltic Dios la yac' ch'iuc jtejc' ch'opac te' ta sts'eel Jonás, swenta yu'un ya me yac' yaxinal ta sjol, yu'un jich ma'yuc swocol a. Te Jonás bin nax yo'tan yu'un te ch'opac te'e.

Génesis 1:21

Ja' nix jich Dios la xchicnantes muc'ul xchanul ja', soc spisil te bitic ya xcuxinic ta ja' te ya x'ainic tey a te juju-jchajbe, soc spisil ta jchajp mutetic te ya xwilique. Lec la yil te Diose,

Jonás 2:10

Jich yu'un te Cajwaltic la spas ta mandal te muc'ul chaye, tey ba xejtay loq'uel a te Jonás ta ti'mar.