Jonás 1:16 - Bible in Tzeltal de Oxchuc y Tenejapa

¹⁶ Te c'alal la yilic te jtij-barcoetic te bila c'ot ta pasel, xiw yo'tanic yu'un. La yich'ic ta muc' te Cajwaltique. La yalic te ya yac'beyic milbil smajt'an, soc ay bi la yal ya spasbeyic xan ta stojol.

Bible in Tzeltal Bachajón

¹⁶ Hich te winiquetic bayel la xi'ic te Jehová; la ya'beyic milbil smahtan soc ay bin la yalic ta jamal ta stojol.

Jonás 1:16 Referans Kwoze

Salmos 107:22

Ac'beyaic milbil smajt'an swenta yalel wocol; bayaluc me yutsil awo'tanic xawalbeyic yutsil yat'el te Cajwaltique.

Salmos 50:14

Ja'uc me jmajt'an awu'un te ya awalbon wocol ta jtojol; ac'a me c'otuc ta pasel awu'un te bila awaloj ta jtojol jo'on te mero Toyolone.

Génesis 8:20

Te Noé la spasbey scajtijib smajt'an Cajwaltic. La stsa te chambalametic soc te mutetic te lec sc'oplale. Juju-jcojt' ta chajbalchajp la smilbey smajt'anin te Diose soc la xchic'bey scojt'ol ta scajtijib.

Hechos 5:11

Bayal xiw yo'tanic yu'un spisil te jch'uunjeletique soc spisil yantic te la yaiyic stojol te bila c'ot ta pasele.

San Marcos 4:31

Ja' pajal c'oem soc te sbac' mostaza te ya yich' ts'unel ta lumq'uinal te biq'uit nax te sbaq'ue. Ma spaj yantic awaliletic te ay ta balumilale.

Jonás 1:10

Soc la yal ta jamal te yac ta anel ta stojol te Cajwaltic. Te c'alal la yaiybeyic sc'op, soc te bit'il la yilic te mar te tulan yac ta ixlanel yu'un te iq'ue, te j'at'eletic ta barco xiw yo'tanic yu'un.

Daniel 6:26

Yo'tic ya cal tulan mandal ta stojol ta spisil te bay c'alal ayic ta jwenta, te ya me yich'ic ta muc' soc ac'a xch'uunic te Dios yu'un Daniel. Melel ja' mero cuxul Dios stuquel, soc sbajt'el q'uinal ay. Te mandalteswanej yu'une, ma'yuc bi ora ya xlaj, soc ma'yuc slajibal te yu'ele.

Isaías 26:9

Ta ajc'ubal spisil co'tan ya jic' co'tan ta awenta; ta mero melel ya jleat. Te c'alal ya awaiy chajbanwanej ta balumilal, te ants-winiquetic tey ya snopic a te bila toje.

Eclesiastés 5:4

Teme ay bila ya awal ya apasbey ta stojol te Diose, ora me xawac' c'otuc ta pasel, melel te Diose ma smulan te mach'a ma sna' q'uinale. Ja' yu'un pasa me te bi ya awal ta jamal ya apas ta stojol te Diose.

Salmos 116:14

Ya me jc'otes ta pasel te bitic caloj ta stojol te Cajwale, ta yolil spisil te lum yu'une.

2 Reyes 5:17

Ja' yu'un te Naamán jich la yal: —Teme jiche, ac'bon permiso te ya quich' bael cheb ta mulail te slumil sq'uinal Israel, melel te jo'on te awabatone ma'yuquix bi ora ya cac'bey chic'bil soc milbil smajt'an yan diosetic, ja' nax stuquel te Cajwaltique.

Génesis 28:20

Jich la yal ta jamal te Jacob: “Teme yu'un ya sjoinon te Diose, soc teme ya scanantayon ta bay ya xboon, soc teme ya yac'bon jwe'el, jc'u'-jpac',

Jonás 1:14

Jich jajch' sc'oponic te Cajwaltique, jich la yalic: —Cajwaltic, ma xawac' lajucotic ta swenta smul te winique. O teme ma'yuc smule, ma me xawac' jmulintic te bit'il ya xlaje. Melel te ja'at Cajwaltic, ja' chican bi ya smulan awo'tan ya apas —xiic.

Job 37:24

Ja' yu'un ya x'ich'ot ta muc' yu'un te ants-winiquetic; ma'yuc swentail c'oemic ta stojol te mach'atic p'ijique —xi' te Eliú.

Jeremías 5:22

Jo'on, Ajwalilon jich ya cal: ¿Yu'un bal ma x'axi'onic te ja'exe? ¿Yu'un bal ma xnijq'uex ta jtojol? Jo'on la jpas te bay ya xquejch'aj te sti'il mar, ja' te sti'il te bay ma xc'ax tel te ja'e. Tulan ya stij sbaic ta jyalel te sbule soc te yipe, soc ya x'awunic; ja'uc me to, ma xju' xc'ax tel.