Jonás 1:14 - Bible in Tzeltal de Oxchuc y Tenejapa

¹⁴ Jich jajch' sc'oponic te Cajwaltique, jich la yalic: —Cajwaltic, ma xawac' lajucotic ta swenta smul te winique. O teme ma'yuc smule, ma me xawac' jmulintic te bit'il ya xlaje. Melel te ja'at Cajwaltic, ja' chican bi ya smulan awo'tan ya apas —xiic.

Bible in Tzeltal Bachajón

¹⁴ Ha yu'un la yawtayic te Jehová, hich la yalic: Awocoluc, Jehová, manchuc ya xlajucotic ta scuenta scuxlejal te winic ini; ma xawac' ta jtojolcotic te sch'ich'el te mach'a mayuc smule; como ha'at, Jehová, la apas te bin la sc'an awo'tan, xchihic.

Jonás 1:14 Referans Kwoze

Salmos 115:3

Te Dios cu'untic ay ta ch'ulchan; ja' la spas spisil stuquel te bitic la sc'an yo'tane.

Salmos 135:6

Te Cajwaltic ya spas spisil te bitic ya smulan spasel, ja' nix jich ta ch'ulchan, soc ja' nix jich ta balumilal, jich nix ta mar, soc ja' nix jich ta sc'ubulil mar.

Deuteronomio 21:8

Cajwal, pasbeya perdón te lum Israel awu'un te ja'at acoltayej loq'uel tel ta Egipto. Ma me xawac'bey smulinic te bit'il laj te mach'a ma'yuc bila amen spasoje”, xaex me. Jich me ma ba ya yac'beyex amulinic a te bit'il laj te mach'a lajeme.

Efesios 1:11

Ta swenta bit'il jun c'oemotic soc Cristo, namey tsabilotic yu'un Dios te ya yac'botic quich'tic soc Cristo te sc'ulejale. Jich la xchap ta xjajch'ibal te Diose, soc ya yac' c'otuc ta pasel te sc'anjel yo'tan stuquele.

Salmos 107:28

Pero te c'alal c'ux obol sba la yaiyic, la sc'oponic te Cajwaltique, jich coltayotic loq'uel ta woclajel.

San Mateo 11:26

Jich, Jtat, te melel jich la sc'an awo'tan atuquel —xi'.

Jonás 1:16

Te c'alal la yilic te jtij-barcoetic te bila c'ot ta pasel, xiw yo'tanic yu'un. La yich'ic ta muc' te Cajwaltique. La yalic te ya yac'beyic milbil smajt'an, soc ay bi la yal ya spasbeyic xan ta stojol.

Jonás 1:5

Jich te jtij-barcoetic jajch'ic ta buen xiwel. Juju-jtul jajch' sc'opon te dios yu'unique, soc la xch'ojic ochel ta ja' te ijc'atsiletic, swenta yu'un jich ma ba alix ya xjil a te barco. Te Jonás coem bael ta yawil ijc'atsiletic, jun yo'tan ochem swayel tey a.

Efesios 1:9

La yac'botiquix jna'tic stojol te sc'anjel yo'tan te muquen aye, ja' bi, ja' te bila la xchap stuquele.

Hechos 28:4

La yilic te mach'atic ainemic tey a te bit'il jipil ta sc'ab jti'awal chan te Pabloe. Jich caj yalbey sbaic yu'un: —Ja' in winic to, mero jmilawal niwan. Manchuc teme colix ta lajel ta mar, ja'uc me to, ma x'ac'ot cuxinuc xan yu'un te chajbanel yu'un te dios cu'untique —xiic.

Isaías 26:16

Te c'alal ayotic ta woclajel, Cajwal, la jleticat atuquel; te tojtesel la awac'botique, jich nax te bit'il sajsaj c'ope.

Génesis 9:6

Teme ay mach'a ya smil jtul winic, ja' ni me jich ya xmilot yu'un yan winic, melel te ants-winique la yich' pasel swenta yu'un pajal yilel soc te Diose.

Jonás 1:13

Te jtij-barcoetic la yaq'uic xan puersa ta stijel te barco, swenta yu'un ya xc'otic ta bay lumq'uinal, pero ma ba ju' yu'unic, scaj te mero tulan xan yac ta ixlanel te mare.

Jonás 3:8

Ja' lec ac'a me slapic te ch'ixal paq'ue, soc ac'a me sc'oponic Dios ta mero spisil yo'tanic. Ac'a me yijq'uitayic ta juju-jtul te sbolilic soc yeleq'uic, spisil soc bitic amen yacalic ta spasel.