Joel 3:4 - Bible in Tzeltal de Oxchuc y Tenejapa

⁴ “¿Bi ya ac'anic ta jtojol, Tiro, Sidón, soc Filistea? ¿Ya bal asujt'esbonic spacol? ¿Ay bal bila ya ac'anbonic stojol? Nopol ya cac'beyex te bila ja'ex nix lebil awu'unique.

Bible in Tzeltal Bachajón

⁴ ¿Bin cochelex a, Tiro, Sidón, soc spisil sq'uinal Filistea? ¿Ya bal ac'an yac asutbonic spacol? Teme yac asutbonic spacol, ho'on ya cac' c'ohtuc ta atojolic ta ora te bin yac apasique.

Joel 3:4 Referans Kwoze

Jeremías 47:4

Melel c'otix sc'aalelal te ya xtub ta jc'axel te filisteoetique; te ya xpojbot Tiro soc Sidón te scoltayel te ay xan yu'unique —xi'. Te Cajwaltic ya slajin te filisteoetic, te loq'uic tel ta Creta, te q'uinal joytaybil ta mar.

Isaías 59:18

Te Cajwaltic ya me yac'bey stoj juju-jtul jich te bit'il ya sc'ane; ya me yac'bey castigo te scontrotaque. Te mach'atic ya yilay te Cajwaltic, ya me yac'bey stoj jich te bit'il ya sc'ane; soc me te ants-winiquetic te nainemic ta ti'mar.

Isaías 34:8

Ja' me sc'aalelal ya xc'ot yu'un Cajwaltic te ya yac'bey spacol te Edom; ja' ya'wilal ya xc'ot te ya x'ac'bot stoj, ta scaj te lum Sión.

2 Tesalonicenses 1:6

Melel te Diose, ja' stojil te ya yac'bey stoj ta woclajel te mach'atic ya scontroinexe.

Hechos 9:4

Jich te Sauloe t'uxaj coel ta lum. Ay mach'a c'opoj la yaiy te jich la yale: —Saulo, Saulo, ¿bistuc ya awuts'inon? —xi'.

San Lucas 18:7

Ja' xan te Diose ¿ma bal yacuc scoltay te mach'a tsabil yu'un te ya x'albot wocol yu'un c'aal ajc'ubale? ¿Ya bal smaliy bayal c'aal te ya xcoltaywane?

San Mateo 11:21

—¡Lum Corazín, ya me awil awocolic! ¡Lum Betsaida, ya me awil awocolic uuc! Melel te teyuc la yich' pasel jchajp at'eliletic ta bay lum Tiro soc ta lum Sidón jich bit'il te la yich'ix pasel ta atojolique, ora la slapic ch'ixal pac', soc la snajc'an sbaic ta stanul c'ajc' ta sujt'esel yo'tanic te jichuque.

Jeremías 51:6

“Ananic loq'uel ta Babilonia, coltaya abaic te mach'a ya xju' yu'une. Ma me xlajex yu'un te smulic stuquelique. Ja' yorail te ya cac'bey spacole, soc ya cac'bey stoj te bit'il ya sc'an te yat'ele.

2 Crónicas 21:16

Jich yu'un te Cajwaltic la yac'bey sc'ajc'al yo'tanic ta stojol Joram te filisteoetic, soc árabeetic te jun smojón soc te sq'uinal Cus.

Jueces 11:12

Ta patil la sticun bael c'op ta stojol te ajwalil yu'un te amonetic ta sjojc'oyel te sc'ope: “¿Bi swentailuc ta awo'tan te ya xtal awac'botic guerra soc te jlumale?” xi' bael sc'op.

Deuteronomio 32:35

yu'un ya xtuun te c'alal ya jsujt'esbey spacole, te ya cac'bey te bila lebil yu'unique; ja' te c'alal ya xc'ot yorail te ya x'ochic ta c'abale. ¡Nopolix yorail te ya yich'ic lajinel, nopolix yorail te ya xlajique!’, xi' te Cajwaltique.

San Mateo 11:22

Ya calbeyex te bayal me castigo ya awich'ic ja'ex lum Corazín soc lum Betsaida te c'alal Dios ya yilbeyex awat'elique. Yan te lum Tiro soc te lum Sidón ma sta jich castigo ya yich' stuquelic.

San Lucas 10:13

“¡Lum Corazín ya me awil awocol! ¡Lum Betsaida ya me awil awocol uuc! Melel te teyuc la yich' pasel jchajp at'eliletic ta bay lum Tiro soc ta lum Sidón jich bit'il te la yich'ix pasel ta atojolique, ora la sujt'es yo'tanic te jichuque. La me slapic ch'ixal pac', soc la me snajc'an sbaic ta stanul c'ajc' ta smelel yo'tanic te jichuque.

San Lucas 10:14

Ja'uc me to, te c'alal ya sta yorail yu'un te Dios te ya yilbeyex awat'elique, bayal me castigo ya awich'ic. Yan te lum Tiro soc te lum Sidón, ma sta jich castigo ya yich' stuquelic.

Isaías 14:29

Ma me xbujts'naj awo'tan yu'un, nación filistea, te la yich'ix wuyel te wajch' te la awich' castigo a. Melel te chan ya x'alaj loq'uel jcojt' jti'awal chan, ya xloc' jun mero c'ajc'al chan te ya xwile.

Jeremías 47:1

Ja' sc'op Cajwaltic te la yalbey te j'alwanej Jeremías te sc'oplal filisteoetique, te c'alal ma to bay yac'ojbey guerra te lum Gaza te faraón. Jich la yal:

Joel 2:2

Sc'aalelal te ijc' q'uinale, sc'aalelal te tocaletic soc xiweltic sba axinal. Jchajp soldadoetic c'oem, mero bayal, soc mero bayal yipic, la spuc sbaic ta ba witsetic, jich bit'il saquil q'uinal ya xchicnaj te c'alal ya sacube. Ma'yuc jich chicnajem ta ilel soc ma'yuc bi ora ya xchicnajix, ma'yuquix pajal soc ya xchicnaj.

Joel 2:10

Te lumq'uinal ya stij sba ta stojolic, te ch'ulchan ya syuc' sba yu'unic, te c'aal te u ya xch'ay xojobil, te eq'uetic ya x'ijc'ub yu'unic.