Joel 3:3 - Bible in Tzeltal de Oxchuc y Tenejapa

³ La spucbey sbaic te lum cu'une, la spasbeyic snumeroil ta na'el mach'a ya xc'ot ta swenta. La xchonic te alalqueremetic soc te alal ach'ixetique. Te stojole la slajinic ta vino, la slajinic ta swenta jmulawil antsetic.

Bible in Tzeltal Bachajón

³ La spasic seña ta na'el ta stojol te pueblo cu'un, la sjelic tut queremetic ta j'antsinel ants, soc la schonic tut ach'ixetic yu'un ya smanic vino a te ya yuch'ique.

Joel 3:3 Referans Kwoze

Nahúm 3:10

Ja'uc me to, te yajwal Tebas ic'ot bael ta mosoil; te alaletic yu'unic la yich'ic majel ta lum ta bay xujc' calleetic. La spasbeyic snumeroil ta na'el te mach'atic muc' sc'oplalique; te jtsobwanejetic yu'unic la xchuquic bael ta cadena.

Abdías 1:11

C'alal la spojbey sc'ulejal te scontroe, soc c'alal la slombeyic ochel yochibal sts'ajc'ul lum Jerusalén te mach'atic soldado-jyanlumetique, te ja'at la aq'uej aba ta jejch'. C'alal la spasbeyic snumeroil ta na'el mach'a ya yich' te bila la spojique, soc te la yich'bey bael sc'ulejalic, ja'at nix jich la apas.

Amós 2:6

Jich ya yal xan te Cajwaltique: —Te mach'a ayic ta Israel bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel la xchonic bael te mach'atic ma'yuc smulique; te mach'a me'baetic, jun nax par zapato la sjelic bael a.

Apocalipsis 18:13

canela, poxil te ay sbujts' yiq'ue, pom, mirra, perfumeetic, vino, aceite, lequil harina, trigo, wacaxetic, chijetic, caballoetic, carretaetic, mosoetic, soc yantic ants-winiquetic.

Job 6:27

Awo'tanicuc ya achapbeyic sc'oplal te me'ba alale, soc awo'tanicuc ya achapbeyic sc'oplal ta chonel te awamigoique.

Ezequiel 27:13

Soc nix te Grecia, Tubal soc Mesec tal yaiy manbajel chonbajel ta atojol. La yaq'uic mosoetic soc te bila pasbil ta bronce.

Joel 1:5

¡Cuxa awo'tanic, ja'ex jyacubeletic! Ochanic ta oq'uel, j'uch'-vinoetic, melel ya me awich'ic pojbeyel te ya'lel ts'usub awu'unique.