Joel 3:17 - Bible in Tzeltal de Oxchuc y Tenejapa

¹⁷ Jich ya yal te Cajwaltic: —Te ja'ex ya me ana'ic te Ajwalilon te Dioson awu'unique, nainemon ta Sión, ja' te ch'ul wits cu'une. Te Jerusalén ch'ul lum ya xc'ot; ma me ayuquix bi ora ya x'u'uninotix yu'un jyanlumetic.

Bible in Tzeltal Bachajón

¹⁷ Hich me yac ana'ic a te ho'on Jehovahon te Dioson awu'unic, te nahinemon ta Sión, te ch'ul wits cu'une. Te Jerusalén ha ch'ul pueblo ya xc'oht, ma me ayuquix bin ora ya x'u'untayotix yu'un jyanlumetic.

Joel 3:17 Referans Kwoze

Joel 2:27

Ja'ex israeletic, ya me sc'an ya ana'ic te joinejex jo'on te Ajwalilon, te jo'on Dioson awu'unic te ma'yuc mach'a yan ay awu'unic. Ma'yuquix bi ora ya xtaotic yu'un q'uexlal te lum cu'une —xi'.

Nahúm 1:15

¡Ilawilic! Ya xtalix ta sba witstiquil te mach'a ya xtal yalbey sc'oplal te lamal q'uinale. Ja'at Judá, pasa te q'uinetic awu'une; c'otesa ta pasel te bitic awaloj ta jamale. Mero ma me xyochintayatix te mach'atic amen yo'tanique; jc'axel la yich'iquix jinel.

Isaías 52:1

Wic'a asit, ja'at Sión, wic'a asit, chajbana aba soc awip; ja'at ch'ul lum, Jerusalén, lapa ac'u' te mero c'ax jelawen yutsile. Melel te ants-winiquetic te ma pocbiluc yo'tanic, te ma'yuquic ta stojol te Diose, ma ba ya xcha'ochic xan bael ta awolil.

Apocalipsis 21:27

Ja'uc me to, ma xju' ya x'och xujt'uc tey a te bila ma lecuque, soc ma xju' ya x'och te mach'a ilaybil sba te bila ya spase, soc te mach'a ya spas lote. Ja' nax ya x'och tey a te mach'atic ts'ibubil sbiilic ta bay te lista yu'un cuxinel te yich'oj te Alalchije.

Isaías 4:3

Ja' te mach'atic cuxul ya xjilic ta lum Sión, ja' te mach'atic ayic to xan ta lum Jerusalén, te ya yich'ic xan permiso te ya x'ainic tey a, “Ch'ultesbilic yu'un te Cajwaltique”, xi' me sc'oplalic.

Jeremías 31:23

Te Cajwaltic te Spisil ya xju' yu'une, te Dios yu'un Israel, ya yal: —C'alal ya cac'bey xan yutsilal te ants-winiquetic yu'un Judá, te ayiquix ta yan buelta ta sq'uinalic soc ta lumetic yu'unic, jich me ya yalic ta yan buelta: “Te Cajwaltic ac'a yac'bey bendición te ch'ul wits te bay ya xnain te stojil chajbanele”, xiic me.

Zacarías 8:3

Ya me xcha'sujt'on xan bael ta nainel ta Jerusalén, tey me ya xnainon a. Ja' yu'un te Jerusalén, “Lum-Jun-Yo'tan”, xi' me sbiil ya xc'ot. Te wits yu'un Cajwaltic te Spisil ya xju' yu'une, “Ch'ul Wits” me sbiil ya xc'ot.

Daniel 11:45

Ya me xba spas scampamento ta yolilic te mar soc te ch'ul wits yu'un te T'ujbil Lumq'uinal te xi' sbiile. Pero tey ni me ya staix yorail ya xlajix jilel a, ma me ayuc mach'a ya xcoltayotix yu'un.

Ezequiel 48:35

Te joyob ts'ajq'ue ay me balunmil metro snajt'il ta spisil. Te sbiil te lum jich me ya xc'ot bael: “Li' ay te Cajwaltique”, xi' te sbiile —xi' te Cajwaltique.

Ezequiel 43:12

Ja' te mandalil yu'un templo: Ta spisil te q'uinal ay ta sjoyobal templo te ay ta ba witse, mero ch'ul awilal stuquel —xi' la caiy.

Isaías 35:8

Soc ay me pamanbil be tey a, “Ch'ul be”, xi' me te sbiile. Te mach'atic ma ba pocbil yo'tanique, ma xju' ya xc'axic tey a; te mach'atic bol yo'tanique, ma xbeenic tey a.

Isaías 12:6

Awunanic yu'un sbujts' awo'tanic, ja'ex te yajwalex Sión, melel te Ch'ul Dios yu'un Israel, ay ta awolilic te ja'exe soc spisil te smuc'ul yu'ele”, xaex me ta c'ayoj.

Salmos 76:2

Te templo yu'un ay ta sba wits Sión, ay ta Jerusalén.

Salmos 9:11

C'ajintaya ta c'ayoj te Cajwaltic, te yac ta mandal ta Sión; albeya yaiy spisil lumetic te bila spasoje.

Éxodo 16:12

—Yacon ta yaiyel stojol te yacalic ta ch'inlajanel ta c'op te israeletique. Baan c'opojan soc, jich me ya awalbey: “Jich la yal te Diose: ‘Ta xmal c'aal ya me ati'ic ti'bal. Yan te jujun sab ya me awe'ic waj ja' to chican bay c'alal ya sc'an awo'tanic. Jich me ya ana'ic te jo'on Ajwalilon te Dioson awu'unique’, xi' te Diose”, uta me —xi' me sc'op te Cajwaltique.

Isaías 11:9

Ta spisil te ch'ul wits cu'une, ma me ayuc mach'a ya x'uts'inwan tey a; melel jich bit'il nojel ta ja' te mar, jich me ya xna'bot sba ta spamal q'uinal te Cajwaltique.

Isaías 46:13

Jo'on ya cac' te ya xnoptsaj tel te ya x'ac'awanon ta libre; te colel cu'une ma ba ya xjalajix, ma ba bayalix c'aal ya sc'an. Jo'on ya cac'bey Sión te colele; ja' ya cac'bey Israel te cutsilale —xi' te Cajwaltique.

Isaías 56:7

ya me quic' tel ta ch'ul wits cu'un, soc ya me cac'bey yutsil yo'tanic ta jna te banti ya quich' c'oponele. Ya me jtsacbey te chambalam te scojt'ol chic'bil, soc te yantic milbil majt'anil ya yac'bonic ta scajtijib cu'une. Melel te jna jamal ya x'albot sc'oplal te ja' jnae yu'un spisil lumetic te ya sc'opononic tey a, xi' me sc'oplal.

Jeremías 31:40

Spisil te xatlejal te bay ya yich' muquel te animaetic soc te bay ya yich' ch'ojel bael te c'ajc'al tane, soc spisil te q'uinal ay ta sba beja' yu'un te Cedrón, ja' to ta bay la spas tel buelta, ta Yochibal Caballoetic, ta stojol sloq'uib c'aal, ac'bilon cu'unin. Soc spisil ma ba ya yich' xan tijel, ni jinel —xi' te Cajwaltique.

Ezequiel 20:40

Ta spisil Israel ya me xch'uunonic ta ch'ul wits cu'un, tey ta toyol wits yu'un Israel te ay ta lumq'uinal cu'une. Jo'on Ajwalilon, te jich caloje. Bin nax me co'tan ya quiq'uex ta jtojol a. Tey me ya jc'anbeyex a te majt'aniletic awu'unique, soc ya me jc'anbeyex te ya awich'bonic tel te sba sit bila ya xloc' awu'unique, soc ta spisil te bitic ch'ultesbil awu'unic, yu'un jo'on cu'un.

Ezequiel 37:6

Ya me cac'beyex xan stulanil achialic, ya me jnojesex xan ta baq'uet, ya me cac' spotsex xan ta nujc'ul, ya me cac'beyex xan awich'ic ic', jich me ya xcuxinex xan. Jich me ya ana'ic a te jo'on Ajwalilon’, xi' me”, uta me —xi'.

Ezequiel 44:9

“Ja' yu'un jo'on te Ajwalilon ya cal: Ma xju' ya x'och jtuluc jyanlum ta templo cu'un, te ma'yuc yich'oj ta yo'tan ni ta sbaq'uetal te marca yu'un te trato cu'une. Ni ja'uc te nainemic ta yolil israeletic te jyanlumetique.

Daniel 9:16

Cajwal, ya jna'tic te mero lec awo'tane. Wocoluc a, loq'uesaix ta Jerusalén te awilimba soc te sc'ajc'al awo'tane, melel ja' lum awu'un, soc ja' ch'ul wits awu'un. Ta spisil te yajwal yantic nacionetic te nopol ayotic soque, ya slabanic te Jerusalén, ja' te lum awu'une, ta scaj te jmultique, soc nix te smulic te antiguo jme'-jtatique.

Job 15:19

ja'ic te mach'atic ac'botic te lumq'uinale, ja'ic te ma ba capalic soc jyanlumetique.