Joel 3:14 - Bible in Tzeltal de Oxchuc y Tenejapa

¹⁴ Mero bayalix mach'atic ayic ta stenlej xatal q'uinal yu'un Chajbanel, melel nopolix yorail te sc'aalelal te Cajwaltique.

Bible in Tzeltal Bachajón

¹⁴ C'ax bayel pueblohetic ta spamlej yu'un Chahpanel; como nopolix te sc'ahc'alel yu'un Jehová ta spamlej yu'un Chahpanel.

Joel 3:14 Referans Kwoze

Filipenses 3:2

Tsajtaya me abaic yu'un te mach'atic ts'i'etique, tsajtaya me abaic yu'un te j'at'eletic te amenique, soc tsajtaya me abaic yu'un te mach'atic yat'elinejic sbojel te baq'uete.

Joel 3:2

Ya jtsob spisil te nacionetic, ya me quic' bael ta stenlej xatal q'uinal yu'un Josafat. Tey me ya xc'o cac'bey stojic a te bila la spasbeyic te lum Israel cu'une. Melel la spucbonic bael ta swolol balumilal te israeletic, soc la spucbey sbaic te jlum-jq'uinale.

2 Pedro 3:7

Yan ta ora to, te ch'ulchan balumilal te chicane, quechelic ta lajel ta c'ajq'uel. Ya me xlaj ta c'ajq'uel te bi ora ya x'ich'otic ta c'op te mach'atic ma la xch'uunic te Diose, te jich ya x'ac'otic bael ta lajele.

Joel 2:1

Oq'uesinaic oq'ues ta wits Sión, ac'a ta na'el ta ch'ul wits yu'un Cajwaltic te ya xtal swocolil. Ac'a jajch'icuc ta nijq'uel ta spisilic te mach'atic nainemic ta Judá, melel nopolix sc'aalelal te Cajwaltique:

Joel 1:15

¡Ay! Ya xnoptsajix sc'aalelal te Cajwaltique. Mero xiweltic sba te c'aal in to; ya me yich'botic tel lajel, ja' lajel yu'un te Mach'a Spisil ya xju' yu'une.

Salmos 37:13

Pero ya me stse'luyot yu'un Cajwaltic, na'bil yu'un te nopol ya xlajix yoraile.

Isaías 13:4

Ay chican aw ta bay witstiquil, mero bayal winiquetic yaiyel. Ya xchicnaj sc'opic te nacionetic, ja' te lumetic te stsoboj sbaique. Te Cajwaltic te Spisil ya xju' yu'un, ya xc'axic ta ilel yu'un te soldadoetic te chapalic yu'un guerra.

Isaías 22:1

J'alwanej c'op ta swenta stenlej xatal q'uinal te banti ay bila ay ta ilele: ¿Bi ya apas te apisilic ya xmoex ta yamac'ul ta sba naetique?

Joel 2:11

Te Cajwaltic neel yac'oj sba ta stojol te soldadoetic c'oem yu'une, ya yac' chicnajuc yaw ta mero tulan. Mero bayal te soldadoetic c'oeme, ma x'ajtabaj te mach'atic ya xch'uunbey smandale. Mero muc' soc mero xiweltic sba te sc'aalelal te Cajwaltique. Ma'yuc mach'a ya xcujch' yu'un.

Joel 3:12

Ac'a me stij sbaic te nacionetic, ac'a ochuc bael ta stenlej xatal q'uinal yu'un Josafat. Tey me ya yaiy chajbanwanej a te Cajwaltique, ya xchajban ta spisil te nacionetic te patxujc' ayique.

Sofonías 1:14

Nopol ayix tel smuc'ul sc'aalelal te Cajwaltique; nopol ayix tel, animal nax me ya xtal. Muc' me ya xbulan sc'opic te c'alal ya yilbeyic sc'aalelal te Cajwaltique. Ya me xch'aub q'uinal yaiyic yu'un asta ya x'awunic te mach'atic tulanique.