Joel 2:28 - Bible in Tzeltal de Oxchuc y Tenejapa

²⁸ Jich ya yal te Cajwaltic: —C'alal ya xc'ax ta spisil te bitic la cale, spisil te ants-winiquetic ya me jmalbey ta stojolic te espíritu cu'une. Te aquerem-nich'nabic, te awantsil-nich'nabic ay me bi ya yalic ta jwenta, te mamaletic ay me bila ya swaichinic, te queremetic ay bitic ya x'ac'bot yilic ya yaiyic.

Bible in Tzeltal Bachajón

²⁸ Ta patil ya jmal cohel te Espíritu cu'un ta stojol spisil ants-winiquetic, ya me yalic sc'op-jalwanej te aquerem-nich'nabic soc te awantsil-nich'nabic; te mamaletic awu'unic ay bin ya swayichtayic, soc te queremetic awu'unic ya me yilic nahalsitiletic.

Joel 2:28 Referans Kwoze

Ezequiel 39:29

Te jo'one, ma'yuquix bi ora ya jwalac'patiyix, soc la jmalix bael yip cu'el ta stojol te lum Israele. Jo'on Ajwalilon te jich caloje —xi' te Cajwaltique.

Hechos 2:39

Melel ja' awu'unic te albil sc'oplale, soc uuc te awal-anich'anique, soc ta spisil te mach'atic c'ubul ayique, chican te jayeb mach'a ya x'ic'ot yu'un te Cajwaltic Diose —xi'.

Isaías 32:15

Ja'uc me to, te Cajwaltic te jchicnanteswanej, ya me xcha'tal ta jtojoltic soc yu'el. Te jochol taquin q'uinale ya xc'atp'uj ta lequil lum yu'un; te lum te ay yutsile, c'axem to xan ay yutsil ya xc'ot.

Isaías 44:3

Melel ya me cac' oquinuc ja' ta jochol taquin q'uinal, bebe-ja'etic ya xc'ot ta bay te taquin q'uinale. Jo'on ya cac'bey yach'il xcuxlejal te ats'umbale, te bendición cu'une ya jticunbey ta stojol.

Zacarías 12:10

“Ya me jnojesbey ta yo'tanic yutsil-o'tanil ta sc'oponel Dios, te patil alnich'anetic yu'un David soc te mach'atic nainemic ta Jerusalén. Jich me ora ya yilic te mach'a la slowique. Ya me smel yo'tanic yu'un, ya me x'oq'uic yu'un, jich me ta yo'tanic te bit'il laj te jip jtul snich'an, o teme ja' te ba alale.

Proverbios 1:23

Aiybon awaiyic te tojtesel cu'une, jo'on me ya calbeyex lequil consejo; ya me cac'beyex ana'ic te bila ya yal te co'tane.

San Juan 7:39

Te bit'il jich la yale, ja' la yalbey sc'oplal te Ch'ul Espíritu te ya x'ac'botic te mach'atic ya xch'uunic te Jesuse. Melel ma to xtal a te Ch'ul Espiritue, yu'un ma to x'ac'ot ta ilel yutsilal te Jesuse.

Hechos 2:33

Ic'ot moel c'alal ta swa'el sc'ab te Diose, soc ac'bot ta swenta te Ch'ul Espíritu yu'un te State. Jich la smalix ta jtojoltic te bit'il albil sc'oplale. Ja' meix te yacalex ta yilele soc te yacalex ta yaiyel stojole.

San Lucas 3:6

Spisil ants-winiquetic ya me yilic ta sitic te bit'il ay colel yu'un te Diose’, xi' me ta aw”, xi' te Isaiase.

Gálatas 3:28

Jich ma'yuquix judio, o griego, soc ma'yuquix moso o teme ay ta libre, soc ma'yuquix sc'oplal teme winic o teme antse. Melel jun nax c'oemex ta apisilic ta stojol te Cristo Jesuse.

Isaías 40:5

Jich yu'un te Cajwaltic ya me yac' ta ilel te jelawen yutsilal, spisil ants-winiquetic pajal me ya yilic. Te Cajwaltic ja' nix la yal —xi' me ta yalel.

Números 12:6

te Cajwaltic, soc jich albotic yu'un: —Aiya awaiyic stojol te bila ya calbeyex: Te c'alal ay jtul j'alwanej cu'un ta awolilic ja'ex, ya jc'opon ta swenta bitic ya cac'bey yil, soc ya jc'opon ta swaich.

Isaías 49:6

Jich ya yalbon: —Ma tic'uc a te ja' nax cabat yu'un te ya anajc'an xan te jayeb ta jchajp sts'umbal Jacob, soc te ya apas te ya sujt' xan tel te mach'atic cuxulic xan ta Israel. Jo'on ya jpas te ya sacub q'uinal awu'un ta stojol te nacionetique, ja' te ya awich'bon bael te colel cu'un ja' to ta bay c'ubul q'uinal bael yu'un te balumilale —xi'.

Hechos 21:9

Te Felipe ay chantul yantsil-nich'nab te ma ba nujbinemic te ya yaiyic j'alwanej yu'un te Diose.

Jeremías 23:28

Teme ay jtul j'alwanej ay swaich, ac'a yal te ay swaiche; teme yu'unix yaiyojbon te jc'ope, jich toj ta alel yu'un. Ma pajaluc soc taquin ac te trigoe. Te jc'ope jich bit'il c'ajc', soc jich bit'il martillo te ya swuy te tone. Jo'on Ajwalilon, jich ya cal.

Isaías 54:13

Jo'on ya jp'ijubtesbat ta spisil te awalataque, spisil me ya staic muc' yutsilalic.

San Lucas 1:67

Te Zacariase, te stat te alale, noj ta yo'tan te Ch'ul Espiritue. Jajch' ta yalel te sc'op Diose:

Hebreos 1:1

Ta namey q'uinal Dios la sc'opon te namey q'uinal jme'-jtatic ta swenta te j'alwanejetic yu'une. Ma junuc nax buelta te la sc'opone, soc yanyan te bit'il la sc'opone.

Números 11:17

Ya xcoon tel, ya xc'opojotic. Ya quich'bat oliluc te espíritu te awich'oje, ya cac'bey ta stojolic swenta yu'un ma atuqueluc ya awic' bael te lume, jich me ma atuqueluquix abi.

1 Samuel 19:20

la sticun bael swinictac yu'un ya xchuquic tel. C'alal c'otic te swinictac Saúl, la yilic jchajp j'alwanejetic yacalic ta aq'uel ta c'op yu'un Dios, ja' neel ta ic'aw te Samuele. Ja' nix jich, ora nax noj ta yo'tanic te yip yu'el Dios te swinictac Saúl, ochic ta aq'uel ta c'op yu'un Dios.

1 Samuel 28:6

Ja' yu'un la sjojc'obey te Cajwaltic. Pero ma ba jac'bot yu'un, soc ni ayuc bi ac'bot swaichin, ni ta swenta Urim, ni ta swenta j'alwanejetic.

Isaías 49:26

Ya me jsuj te j'uts'inwanejetic awu'un te ya xjajch' sti'ic te sbaq'uetalique; soc ja' ya cac' te ya xyacubic soc te xch'ich'elique, jich me ta yo'tanic te bit'il trago. Jich me ya sna'ic spisil te ants-winiquetic ta balumilal te jo'on Ajwalilon te Jcoltaywanejon awu'une; te jo'one, ja' Yipon Jacob, jo'on J'ac'wanejon ta libre awu'un —xi' te Cajwaltique.

Jeremías 23:25

“Caiyojbey slotic te j'alwanejetic to te ya xjelawic, te ja' ya xc'opojic ta jwenta ta sc'opique, soc te la jc'opon ta swaichic ta sc'opique.

Ezequiel 36:27

Ya me cac'beyex ta awo'tanic te espíritu cu'une, ya me cac' te ya apasic te bila ya yal spisil te mandaliletic cu'une.

Ezequiel 37:14

Ya me cac'beyex ta atojolic te ic' cu'un te ya yac' cuxlejale, jich me ya xcha'cuxex xan a. Ya me cac' nainan ta mero alumalic. Jich me ya ana'ic te jo'on Ajwalilone. La me calix soc la jpasix. Jo'on Ajwalilon te jich caloje’, xi' me”, uta me —xi' te Cajwaltique.

Daniel 7:1

Ta sbabial ja'wil yat'el ta mandalteswanej a te Belsasar ta Babilonia, ta jun ajc'ubal ay bitic la yil la yaiy ta swaich te Daniel. Te c'alal wijc' sit ta wayele, la sts'ibuy te bitic tulan sc'oplal la yil ta swaiche. Ja' la sts'ibuy in to:

1 Samuel 19:21

C'alal la yaiy te Saúl, la sticun xan yan winiquetic, pero ja' nix jich ochic ta aq'uel ta c'op yu'un Dios. Swenta yoxebal buelta, te Saúl la sticun xan yan winiquetic, ja' nix jich c'ot ta swentaic.