Joel 2:27 - Bible in Tzeltal de Oxchuc y Tenejapa

²⁷ Ja'ex israeletic, ya me sc'an ya ana'ic te joinejex jo'on te Ajwalilon, te jo'on Dioson awu'unic te ma'yuc mach'a yan ay awu'unic. Ma'yuquix bi ora ya xtaotic yu'un q'uexlal te lum cu'une —xi'.

Bible in Tzeltal Bachajón

²⁷ Ya me ana'ic te ayon ta yohlil te Israel, soc te ho'on Jehovahon te Dioson awu'unic, mayuc yan; mayuquix bin ora ya xtahot yu'un q'uexlal te pueblo cu'une.

Joel 2:27 Referans Kwoze

Sofonías 3:17

Te Cajwaltic te Dios awu'une, ay me ta awolilic; ay yu'el stuquel soc ya scoltayat. Te Cajwaltic bin nax me yo'tan awu'un. Ta swenta xc'uxul yo'tan ya yac'bat yach'il acuxlejal; ya me xbujts'naj awo'tan ta c'ayoj

Isaías 45:5

Jo'on nax Ajwalilon jtuquel, ma'yuc yan; ma'yuc yan Dios jich te bit'ilone. Jo'on jchajbanejatix soc awip, manchuc me ma x'ana'bon jba,

Joel 3:17

Jich ya yal te Cajwaltic: —Te ja'ex ya me ana'ic te Ajwalilon te Dioson awu'unique, nainemon ta Sión, ja' te ch'ul wits cu'une. Te Jerusalén ch'ul lum ya xc'ot; ma me ayuquix bi ora ya x'u'uninotix yu'un jyanlumetic.

Ezequiel 39:28

Jo'on la cac'bey bael ta mosoil, la cac' bael ta yan nacionetic, pero jo'on ni me ya jcha'tsojp xan tel ta slum-sq'uinalic. Ma me ayuc ni jtuluc ya quijq'uitay jilel ta slumal jyanlumetic. Jich me ora ya sna'ic te jo'on Ajwalilon te Dioson yu'unique.

Joel 2:26

Te ja'exe, ya me xwe'ex ta lec, ja' to teme noj ach'ujt'ique. Jich me ya awalbonic yutsil jc'oplal jo'on te Ajwalilon te Dioson awu'unique, melel te jo'on ay bayal jchajp at'eliletic muq'uic la jpas ta awentaic. Ma me ayuquix bi ora ya xtaot yu'un q'uexlal te lum cu'une.

Salmos 46:5

Te Diose ay ta yolil te lum yu'une, yac ta swentainel; Dios me ya xcoltayot yu'un ta jujun sacubel q'uinal.

Deuteronomio 23:14

Melel te Cajwaltic te Dios cu'untic ya xbeen ta awolilic ta banti campamento awu'unic, ya me sc'an te ch'ultesbil awu'unic te yawil, swenta yu'un ma me ayuc bila amen ya yil tey a te Diose. Teme ma ba ya ach'uunic spasele, ya me xch'ayex jilel te Diose.

Isaías 12:6

Awunanic yu'un sbujts' awo'tanic, ja'ex te yajwalex Sión, melel te Ch'ul Dios yu'un Israel, ay ta awolilic te ja'exe soc spisil te smuc'ul yu'ele”, xaex me ta c'ayoj.

Apocalipsis 21:3

Soc la caiy stojol te ay mach'a tulan c'opoj tel ta ch'ulchan te jich la yale: “Aiya awaiy stojol, Dios nainemix ta yolil te ants-winiquetique. Ayix sna ta yolilic. Ja' me lum yu'un Dios ya xc'otic, soc ja' nix Dios ya xc'ot yu'unic te Diose.

1 Pedro 2:6

Ja' swentail te jich ts'ibubil jilel ta Sjun te Diose: “Jo'on ya cac' ta wits Sión te muc'ul ton te tsabil cu'une, ja' te ton te c'ax bayal yutsil stuquel te ja' yiptajib chiquin-na ya xc'ote. Te mach'a ya xch'uune, ma'yuc ta q'uexlal ya xc'ot yu'un”, te xie.

Salmos 68:18

Dios cu'un, moat bael, ta mero toyol la awic' bael ta chuquel te jchuqueletique; la awich'bey spatan te ants-winiquetique, soc te mach'atic stoyoj sbaic la yac' sbaic ta atojol, Cajwal.

2 Corintios 6:16

¿Ya bal snujp'in sba te ya x'ain loc'ombaetic ta bay te templo yu'un te Diose? Melel ja'ex temploex yu'un te cuxul Diose, jich te bit'il la yal te Diose: “Ya me xnainon ta yolilic, tey me ya xbeenon a. Jo'on Dioson yu'unic soc lum cu'un ya me xc'otic”, te xie.

Ezequiel 39:22

Te Israel, jich ora ya xjajch' sna'ix a te jo'on Ajwalilon te Dioson yu'une.

Isaías 53:6

Jpisiltic jowejemotic, jich bit'il ya spas chijetic, juju-jtul la jle jbetic jtuqueltic. Ja'uc me to, te Cajwaltic la yac' scuchbotic jmultic ta jpisiltic.

Isaías 45:18

Te jchicnanteswanej yu'un te ch'ulchane, ja' te Dios te Ajwalil stuquele, ja' te la spas te lumq'uinal soc te la xchajban, ja' te tulan la snajc'ane, te mach'a la xchicnantese, ma yu'unuc la sc'an te jochol ya xjile, ay me yajwal ya xc'ot, jich ya yal: —Jo'on Ajwalilon, ma'yuc yan.

Isaías 44:8

Ja'uc me to, muc'ubuc awo'tanic, ma me xiwex. Te jo'one jich la calbey sc'oplal c'alal to ta namey q'uinal, soc te ja'exe testigoex cu'un. ¿Ay bal yan dios jich te bit'ilone? Ma'yuc yan anjibal; ma'yuc yan quiloj —xi' te Cajwaltique.

Isaías 45:6

swenta yu'un ya me sna'ic ta spisilic, te ayic ta sloq'uib c'aal c'alal ta smalib c'aal, ma me ayuc yan Dios jich te bit'ilone. Jo'on jtuquel Ajwalilon, ma'yuc yan.

Isaías 49:23

Te muc' ajwaliletic jich me ya xc'otic te bit'il atatique, soc te yantsil-nich'nabique jmon-alal me awu'unic. Ya me spajc'an sbaic ta lum ta atojolic; ya me slec'beyic stanil te awacanique. Jich me ya ana'ic te jo'on Ajwalilon; soc te mach'atic ya yac' smuc'ul yo'tanic ta jtojol jich ma ba ya staic q'uexlal —xi' te Cajwaltique.

Ezequiel 37:6

Ya me cac'beyex xan stulanil achialic, ya me jnojesex xan ta baq'uet, ya me cac' spotsex xan ta nujc'ul, ya me cac'beyex xan awich'ic ic', jich me ya xcuxinex xan. Jich me ya ana'ic a te jo'on Ajwalilon’, xi' me”, uta me —xi'.

Sofonías 3:11

Te bi ora ya xc'ote, lum cu'un, ma ba ya xq'uexawatix yu'un ni jchajbuc te at'eliletic te la atoy aba ta jtojol yu'une. Melel ya me jloq'uesbat bael ta atojol te jtoybaetic soc te mach'atic muc' yac'oj sbaique; soc ma ba ya awac' xan ta ilel te muc' ya awac' abaic ta bay ch'ul wits cu'un.

Números 11:29

Te Moisés la sjac': —Ma me xacuy te ya xpejc'aj jc'oplal yu'une. Ja' lec te yacuc yac'bey espíritu spisil lum te Cajwaltic, spisil me j'alwanejetic te jichuque —xi' te Moisese.

Números 23:21

Ma'yuc mach'a yiloj te ya xlo'laywan soc te ya spas te bila amen te Israel te lum yu'un Jacob. Te Cajwaltic te Dios yu'unique sjoinejic, yacalic ta yalel te ja' muc' ajwalil yu'unique.

Proverbios 1:23

Aiybon awaiyic te tojtesel cu'une, jo'on me ya calbeyex lequil consejo; ya me cac'beyex ana'ic te bila ya yal te co'tane.

Isaías 44:3

Melel ya me cac' oquinuc ja' ta jochol taquin q'uinal, bebe-ja'etic ya xc'ot ta bay te taquin q'uinale. Jo'on ya cac'bey yach'il xcuxlejal te ats'umbale, te bendición cu'une ya jticunbey ta stojol.

Isaías 46:9

na'aic me te bitic c'oemic ta pasel ta namey q'uinale. Jo'on nax Dioson, ma'yuc yan; Dioson jtuquel, ma'yuc yan pajalon soc.

Ezequiel 39:29

Te jo'one, ma'yuquix bi ora ya jwalac'patiyix, soc la jmalix bael yip cu'el ta stojol te lum Israele. Jo'on Ajwalilon te jich caloje —xi' te Cajwaltique.