Joel 2:24 - Bible in Tzeltal de Oxchuc y Tenejapa

²⁴ Ya me xloc' lec sit atrigoic, bayal me ya x'esmaj te aceite awu'unic, soc tsobol me ya x'esmaj te vino awu'unique.

Bible in Tzeltal Bachajón

²⁴ Ya xnoj ta trigo te swuyojibaletic, jc'axel ya xnoj te yawil vino soc aceite.

Joel 2:24 Referans Kwoze

Malaquías 3:10

Ich'bonic tel jun ta slajunebal te abiluquic ta bay yawil ta templo, jich me ay we'eliletic ta jna. Pasawonic ta prueba, ya me awilic te ya jambeyex sventanail te ch'ulchane, ya me xco tel ta atojolic bayal te bendicione.

Amós 9:13

—Ya me sta sc'aalelal te yac to nax ta loq'uel trigo a te ya xc'ot yorail ta joq'uel te lume, soc ma to xlaj ta pits'el ta teq'uel ts'usub a, te ya xc'ot yorail ta ts'unel te trigoe. Ta witstiquil soc ch'in witsetic ya me x'oquin coel tel jichuc ja' te vinoe.

Joel 3:18

Te c'alal ya xc'ot sc'aalelal, te vino soc te leche ya me x'oquin c'oem ta tseletic soc ta witstiquil. Te beja'etic yu'un Judá ya me yich'ic bael bayal ja'. Ta templo cu'un ya xchicnaj sloq'uibja' te ya yajts'es te stenlej xatal q'uinal yu'un Sitim.

Joel 3:13

Melel mero jc'axel amen yo'tanic. Set'aic jichuc yijuben trigo, la staix yorail te c'ajoje. Tenaic jichuc ts'usubetic, melel chapalix yu'un ya yich' pasel te vino c'oeme.

Levítico 26:10

Lec to me a ya awe'ic te trigo yich'oj q'uejel ta c'ax ja'wile, asta ya me aloq'uesic swenta yu'un tey me ya awaq'uic a te yach'il trigo awu'unique.

Levítico 25:19

te lumq'uinal ay me bitic ya yac' sit tey a, te ja'ex bin nax me awo'tanic ya x'ainex tey a, ya me awe'ic te bitic ya xloq'ue, buen me ya xnoj ach'ujt'ic yu'un.

Ezequiel 36:8

Pero te ja'exe, witsetic yu'un Israel, ya me spotsex niwac te'etic, soc bayal me sit ya xtuun yu'un te lum Israel cu'une, te mero nopolix ya sujt'ix tele.