Joel 2:22 - Bible in Tzeltal de Oxchuc y Tenejapa

²² Ma me xiwex, ja'ex ja'mal chambalametic, melel ya me xyaxubiquix xan te aquiltique. Ya me xcha'yac' xan sit te te'etique, ay me bayal higueraetic soc ts'usubetic.

Bible in Tzeltal Bachajón

²² Ma me xiwex, ha'mal chambahlametic, como ya xyaxubix xan te aquiltic ta jochol taquin q'uinal; ya xcha'ac' xan sit te te'etic, te higuera soc te ts'usubil ya me yac' xan sitic.

Joel 2:22 Referans Kwoze

Zacarías 8:12

Melel te lamal q'uinal ya me yich' ts'unel ta yolilic. Ya me yac' sit te sts'usubilic, soc ya me sitin te bila ya yich' ts'unel a ta lumq'uinale, soc te ch'ulchan ya me yac' coel tel sts'ujulel. Ta spisil, jo'on me ya cac'bey yu'uninic te mach'atic lum cu'un te ya xjilique.

Salmos 65:12

Te yacul te jochol taquin q'uinale yaxubeniquix; te witstiquil ya yich' buen lec sc'u'ic.

Isaías 51:3

Ay me yutsil co'tan ta stojol te Sión, ja' te lum te jinem sts'ajc'ul ta spisile. Ta bay taquin q'uinal ya jc'atp'un ta yaxal q'uinal, jich bit'il t'ujbil te'etic la sts'un Cajwaltic ta Edén. Tey me ay yutsil a te q'uinale, soc bin nax yo'tanic ya xc'ajinic ta yalel yutsilal Dios soc música.

Salmos 67:6

La yac' sit te bitic la yich' ts'unel ta lumq'uinale; te Dios cu'untique la yac'botic bendición.

1 Corintios 3:7

Te mach'a la sts'une soc te mach'a la yac'bey ya'lele, ma'yuc sc'oplalic. Stuquel nax me ay sc'oplal te Diose, te ja' ya yac' ch'iuc stuquele.

Hageo 2:16

¿bila c'ot ta awentaic la awilic? Melel te c'alal ay mach'a bajt' ta banti busul soc ste'el te trigo, ay ta yo'tan te ya xloc' jtab ta jp'is tey a, pero ja' nax lajunp'is la sta. Soc teme ay mach'a bajt' ta estanque ta banti ya spasot vino, yu'un ya sloq'ues lajuneb yoxwinic (50) q'uib ta sc'op tey a, ja' nax ya sta jtab (20) q'uib.

Jonás 4:11

¿Ja'uc to balix a jiche te muc'ul lum Nínive te banti ay c'axem ta wacwinic ta jmil (120,000) alaletic te ma to sna'ic q'uinale, soc bayal chambalametic tey ae? ¿Ma bal yacuc jna'bey yo'bolil sbaic jiche? —xi' sc'oplal yu'un Dios te Jonase.

Ezequiel 36:35

Jich me ya yalic: “Ila awil te q'uinal jochole, yo'tic pajalix soc ts'unbil nichimaltic yu'un Edén. Te lumetic te jc'axel yich'ojic jinele, yo'tic ayix sjoyob ts'ajc'ul soc ayix yajwal”, xiic me.

Ezequiel 36:30

Ya me cac' te bayal ya sitin te te'etic soc te awalts'unubiletique, swenta yu'un ma ba ya ataiquix q'uexlal a, soc ma ba ya yilbeyex awocolic ta wi'nal a te yantic nacionetique.

Ezequiel 36:8

Pero te ja'exe, witsetic yu'un Israel, ya me spotsex niwac te'etic, soc bayal me sit ya xtuun yu'un te lum Israel cu'une, te mero nopolix ya sujt'ix tele.

Salmos 36:6

Te stojil awo'tan jich c'oem stoylejal te bit'il muc'ul witstiquile; te c'opetic te achapoj ta awo'tan jich c'oemic te bit'il muc'ul mar te c'ax najt' coel te sna'bilale. Te ja'at, Cajwal, ya acanantay te ants-winiquetic soc te chambalametique.

Génesis 4:12

Te c'alal ya awaiy awal ta lumq'uinal, ma me xyac' sit. Melmonel ya xc'axat ta q'uinal, soc ma xwejt' bay ya x'ainat —xi' sc'oplal yu'un te Diose.

Salmos 65:13

Te spamlejal ya xnojic ta chijetic soc tentsunetic; te stenlej xatal q'uinal ya me sc'u'inic trigo. Spisilic ya xc'ajinic soc ya x'awunic ta swenta yutsil q'uinal yaiyic.