Joel 2:21 - Bible in Tzeltal de Oxchuc y Tenejapa

²¹ Binuc nax me awo'tan, lumq'uinal, ma me xiwat, melel te Cajwaltic ay bitic muc' ya spas.

Bible in Tzeltal Bachajón

²¹ Ma me xiwat, lumq'uinal, tse'eluc awo'tan soc ayuc yutsil awo'tan, como te Jehová ay bintic muc' ya spasticlan.

Joel 2:21 Referans Kwoze

Isaías 54:4

Ma me xiwat, ma me xjilat ta q'uexlal; ma ba ya yixtac'optayex, ma me ayuc bi ya xq'uexawat yu'un. Ya me xch'ay ta awo'tan te bit'il q'uexawat te c'alal ach'ixat to a, soc ma me x'ana' xan te la awich' ilayel yu'un te me'ba antsate,

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Jeremías 33:3

Awtayawon, ya jac'bat. Soc jich ya calbat bitic muc' sc'oplal soc te bitic ma xju' ta na'el awu'une.

Isaías 35:1

Ac'a bujts'najuc yo'tan te jochol taquin q'uinale, ja' nix te q'uinal te ma'yuc ya'lele; ac'a me nojuc sbujts' yo'tan, ac'a me nichinuc.

1 Samuel 12:16

“Ja' yu'un, ma me xjajch'ex bael te banti ayexe, ya me awilic te muc' señail ya spasbeyex awilic te Cajwaltique.

Zacarías 8:15

Pero yo'tic, ma jichuc ya jpasix; la jnopix te ay bila lec ya jpasbeyiquix te Jerusalén soc te Judá. Ja' yu'un, ma me xiwex.

Joel 2:20

Ya me jloq'uesbeyex ta atojolic te c'ulubetic ya xtalic ta norte, ya me cac' bael ta jochol taquin q'uinal. Ya me cac'bey sjic' ja' ta Mar Muerto te j'il-q'uinal yu'un ta naile, ya me cac'bey sjic' ja' ta Mar Mediterráneo te j'il-q'uinal yu'un ta spate. Tey me ya xc'a' sbaq'uetalic, tey me ya xtuub a. Muc' me te bitic ya jpase —xi'.

1 Samuel 12:24

Yan te ja'exe, ja' nax ya sc'an te ya ach'uunbeyic smandal te Cajwaltic, soc ya me ach'uuntayic ta mero melel soc ta mero spisil awo'tanic. Ja' me x'ana'ic te mero bayal bi spasojbeyex te Cajwaltique.

Deuteronomio 4:32

“Ilawil teme ay jich c'oem ta pasel ta namey tel, te c'alal Dios la spas te ants-winic ta balumilal; ilawil ta spamal balumilal, teme ay jich c'oem ta pasel te c'ax muc' sc'oplal te bila c'oem ta pasel ta ora in to.

Salmos 98:8

Ac'a me spac' sc'abic te muc'ja'etic; junuc me ac'a yac' sbaic ta aw te witstiquil yu'un sbujts' yo'tanic

Génesis 15:1

Patil te Abram c'oponot yu'un Dios te chicnaj ta sit yilel, jich albot: —Ma xiwat, Abram, jo'on jcanantaywanejon awu'un, muc' me amajt'an ta bay nax c'alal —xi' sc'oplal.

Oseas 2:21

Jo'on Ajwalilon, tulan ya cal: Jich me yorail te ya cal tel mandal ta ch'ulchan, te ch'ulchan ya yac' tel ja'al ta lumq'uinal.

Isaías 44:23

Ja'at ch'ulchan, awunan, binuc nax awo'tan yu'un te bila spasoj te Cajwaltique. Toyesaic ta alel, “Bin nax yutsil”, xaanic me, ja'ex te ayex ta yet'al balumilale. Ja'ex witstiquil soc ja'maletic ta apisilic soc te te'etic awu'unique, binuc nax me awo'tanic ta aw. Melel te Cajwaltic la yac' ta ilel te yutsilale; libre la yac' te Israel, te lum yu'un Jacob.

Isaías 55:12

“Te ja'exe bin nax me awo'tanic ya xloq'uex tel tey a, lamal nax me q'uinal awaiyic ya sujt'ex bael ta alumal. C'alal ya yilex te toyol witstiquil soc te ch'in witsetic, ora nax ya xc'ajinic yu'un yutsil yo'tanic, soc spisil te te'etic ta q'uinal ya me spac' sc'abic awu'un.

Salmos 71:19

Dios cu'un, c'oem c'alal ta ch'ulchan te toj-o'tanil awu'une, mero muq'uic te bitic apasoje; ma'yuc mach'a yan jich te bit'il ja'ate.

Joel 2:26

Te ja'exe, ya me xwe'ex ta lec, ja' to teme noj ach'ujt'ique. Jich me ya awalbonic yutsil jc'oplal jo'on te Ajwalilon te Dioson awu'unique, melel te jo'on ay bayal jchajp at'eliletic muq'uic la jpas ta awentaic. Ma me ayuquix bi ora ya xtaot yu'un q'uexlal te lum cu'une.