Joel 2:20 - Bible in Tzeltal de Oxchuc y Tenejapa

²⁰ Ya me jloq'uesbeyex ta atojolic te c'ulubetic ya xtalic ta norte, ya me cac' bael ta jochol taquin q'uinal. Ya me cac'bey sjic' ja' ta Mar Muerto te j'il-q'uinal yu'un ta naile, ya me cac'bey sjic' ja' ta Mar Mediterráneo te j'il-q'uinal yu'un ta spate. Tey me ya xc'a' sbaq'uetalic, tey me ya xtuub a. Muc' me te bitic ya jpase —xi'.

Bible in Tzeltal Bachajón

²⁰ Ya cac' namijuc bahel ta atojolic te soldadohetic talemic ta norte, ya jticon bahel ta jochol taquin q'uinal: te nahil ay yu'unic ya x'ochic bahel ta mar ta stojol sloq'uib c'ahc'al, te patil ay yu'unic ya x'ochic ta mar ta stojol smahlib c'ahc'al. Ya xc'a'ic soc ya xmo stuhil, muc' bintic spasticlanejic.

Joel 2:20 Referans Kwoze

Zacarías 14:8

Ya me xc'ot ta pasel te ya xloc' ta Jerusalén cuxul ja'. Te ja'e ya me x'oquin ta yorail invierno soc ta yorail verano, olil me ya xbajt' ta stojol Mar Muerto, te yan olile ya me xbajt' ta stojol Mar Mediterráneo.

Amós 4:10

—La jticunbeyex tel te bila la yac'beyex awocolic, jich bit'il la jticunbey tel ta stojol te egipcioetic. La cac' te ya xlajic ta guerra te queremetic awu'unic; soc la cac'bey yu'uninbeyex acaballoic te acontroique. La cac'beyex awaiybeyic stuil te mach'atic lajem awu'unique. Ja'uc me to, ma ba la asujt'es awo'tanic ta jtojol yu'un —xi' ta tulan te Cajwaltique.

Isaías 34:3

Te animaetic ya me yich'ic ijq'uitayel, te sbaq'uetalique ya me xjajch'ic ta tuubel, te xch'ich'elic ya me x'oquin jichuc ja' ta witstiquil.

Deuteronomio 11:24

Te banti ya ateq'uic te lumq'uinale, ja' me awu'unic ya xc'ot. Te sti'ile ya me xjajch' ta jochol taquin q'uinal, ya xc'ot c'alal ta Líbano, soc ya xjajch' ta muc'ul ja' Éufrates ya xc'ot c'alal ta Mar Mediterráneo.

Ezequiel 47:18

“Te sti'il ta stojol sloq'uib c'aal, ya me xjajch' bael ta jun punto te ay ta yolil Haurán soc Damasco, c'alal ta lum Tamar, slac'oj sba soc Mar Muerto, ta sjilil bael te muc'ja' Jordán, te ya xtuun swenta mojón yu'unic te slum-sq'uinal Galaad soc Israel.

Éxodo 10:19

Jich te Cajwaltic la sjelbey bael sbe te iq'ue. Tulan jajch' te ic' ta smalib c'aal, la yic' bael te c'ulubetique. La yac' bael ta Mar Rojo, ma'yuc jcojt'uc c'ulub jil ta Egipto.

2 Reyes 8:13

Jich la sjac' te Hazael: —Pero jichon ya caiy te bit'il ts'i'e. ¿Bit'il ya xju' cu'un spasel te bila ya awale? —xi'. Jich c'opoj te Eliseo: —Te Cajwaltic la yac'bonix jna' te ja'at ya x'ochat ta muc' ajwalil yu'un Siria —xi'.

Éxodo 8:14

Te lume la stsobic te xch'uch'etic te lajeme, la sbusanic. Ta bayuc ay ta spamal te q'uinale, bayal tuub.

Salmos 126:3

Melel, mero muc' sc'oplal bila la spasbotic te Cajwaltique, mero bin nax co'tantic yu'un.

Malaquías 3:11

Ma xcac' xtal xchamel ta awawal-ats'unubic soc te ts'usubiltic awu'unique.