Joel 2:19 - Bible in Tzeltal de Oxchuc y Tenejapa

¹⁹ Jich la yal: —Ya me jticunbeyex trigo, vino soc aceite, ja' to teme noj ach'ujt'ique. Ma'yuquix bi ora ya cac' slabanex te mach'atic ma ba xch'uunejone.

Bible in Tzeltal Bachajón

¹⁹ Te Jehová hich ya sjac'be sc'op te pueblo yu'une: Ya jticombeyex trigo, yach'il vino soc aceite, tic' ya xnoj ach'uhtic yu'un; mayuquix bin ora ya cac' te yac awich'ic labanel ta yohlil te nacionetique.

Joel 2:19 Referans Kwoze

Ezequiel 34:29

Ya me cac'bey buen lec sq'uinalic, ma me ayuquix bi ora ya yaiyic wocol yu'un wi'nal, soc ma me ayuquix bi ora ya xlabanotiquix yu'un te yantic nacionetique.

Ezequiel 36:15

Ma ba ya caq'uix te ya xchicnaj ta aiyel xan bol c'opetic yu'un te jyanlumetique. Ma ba ya xtalix ixta c'op yu'un te yantic lumetique, melel ma'yuquix bi ora ya alajinbey yal-snich'nabic te lum yu'unique. Jo'on Ajwalilon, te jich caloje’, xi' me”, uta me —xi' te Cajwaltique.

San Mateo 6:33

Ja' me xaleic neeluc te bit'il ay ta ajwalinel te Diose soc te bila toj ta pasel yu'une. Jich me ya yesmantesbeyex spisil te bila ya xtuun awu'unique.

Joel 2:24

Ya me xloc' lec sit atrigoic, bayal me ya x'esmaj te aceite awu'unic, soc tsobol me ya x'esmaj te vino awu'unique.

Jeremías 31:12

“Ya me xtalic soc ya me xc'ajinic yu'un yutsil yo'tanic ta sba wits Sión, ay me sbujts' ya yaiyic te utsilal yu'un te Cajwaltique: ja' te trigo, te vino soc aceite, te chijetic soc te wacaxetique. Jich me c'oemic yilel te bit'il awalts'unubil te bueno ya yich' malel ta ja'e, soc ma me xch'ayix te yipique.

Joel 1:10

Te lumq'uinal jochol jilel; te lumq'uinaletic, yacalic ta mel-o'tan. Jc'axel laj te trigoe, jc'axel taquejix te ts'usubiletique, sayubeniquix te olivoetique.

Oseas 2:15

Ya me cac'bey xan te ts'usubiletic yu'un, soc ya me jc'atp'un te xatal q'uinal Acor te tey me ya xchicnaj a te smuc'ul yo'tane. Tey me ya sjac'bon jc'op a jich bit'il te c'alal ach'ix toe, jich bit'il te bi c'aalil loc' tel ta Egipto.

Ezequiel 39:29

Te jo'one, ma'yuquix bi ora ya jwalac'patiyix, soc la jmalix bael yip cu'el ta stojol te lum Israele. Jo'on Ajwalilon te jich caloje —xi' te Cajwaltique.

Levítico 26:5

Yacalex to me ta tsobel trigo a te c'alal ya sta yorail ya xloc' te ts'usubile, soc yacalex to me ta stsobel ts'usub a te c'alal ya sta yorail ts'unbajele. Ay me awe'elic asta ja' to teme buen ya xnoj ach'ujt'ique, soc mero bin nax me awo'tanic ya x'ainex ta alum-aq'uinalic.

Oseas 2:21

Jo'on Ajwalilon, tulan ya cal: Jich me yorail te ya cal tel mandal ta ch'ulchan, te ch'ulchan ya yac' tel ja'al ta lumq'uinal.

Oseas 2:22

Te lumq'uinal ya me yac' trigo, vino soc aceite; jich me ya yalic: “Dios ya sts'unotic”.

Deuteronomio 11:14

ya me yac' taluc ja'al ta yorail otoño, soc ta yorail primavera swenta yu'un jich me ya atsobeyic sit te atrigoic, soc jich me ay vino soc aceite awu'unic.

Rut 1:6

Te Noemí la yaiy stojol te ma'yuquix wi'nal ta slumal, te na'botix yo'bolil sbaic yu'un Dios, ac'botiquix lec swe'elic.

Ezequiel 36:29

Ya me jcoltayex, ma me ayuc bila ya sboltesex. Ya me cac' te ya x'esmaj te trigo, ma ba ya caq'uix taluc wi'nal ta atojolic.

Ezequiel 36:30

Ya me cac' te bayal ya sitin te te'etic soc te awalts'unubiletique, swenta yu'un ma ba ya ataiquix q'uexlal a, soc ma ba ya yilbeyex awocolic ta wi'nal a te yantic nacionetique.

Zacarías 8:12

Melel te lamal q'uinal ya me yich' ts'unel ta yolilic. Ya me yac' sit te sts'usubilic, soc ya me sitin te bila ya yich' ts'unel a ta lumq'uinale, soc te ch'ulchan ya me yac' coel tel sts'ujulel. Ta spisil, jo'on me ya cac'bey yu'uninic te mach'atic lum cu'un te ya xjilique.