Joel 2:17 - Bible in Tzeltal de Oxchuc y Tenejapa

¹⁷ Ac'a oq'uicuc te sacerdoteetic, ja' te abatetic yu'un te Cajwaltique. Jich ac'a yalic ta yolil te yochibal Ch'ul Awilal soc te scajtijib ta chiq'uel majt'anile: “Cajwal, pasbeya perdón te lum awu'une; ma xawac' te ay mach'a ya xlabanot yu'un te mach'atic awu'une; ma xawac' te ya x'u'uninot yu'un yantic nación, soc te jich ya yalic te mach'atic ma ba xch'uunejate: ‘¿Banti ay te Dios yu'unique?’ xiic me”, xiuc me sc'op te sacerdoteetique.

Bible in Tzeltal Bachajón

¹⁷ Te sacerdotehetic, ha te a'batetic yu'un Jehová, ac'a oq'uicuc ta ohlil yu'unte yochibal te templo soc te scajtajib ta chiq'uel mahtanil, hich ac'a yalic: Jehová, pasbeya perdón te pueblo awu'une, ma xawac' ta labanel te bin ay awu'un, yu'un ya x'u'untayot yu'un te nacionetique. ¿Bin yu'un te hich ya yalic ta yohlil te pueblohetic: Banti ay te Dios yu'unic, te xchihique?

Joel 2:17 Referans Kwoze

Ezequiel 8:16

Jich la yic'on bael ta yamac'ul ta yelaw te templo yu'un Cajwaltique. Ta yochibal te ch'ul templo, ta yolil te yochibal soc te scajtijib ta chiq'uel majt'anile, ay jo'eb xcha'winic (25) winiquetic te swalac'patiyejic te ch'ul templo. Tinajtic bael ta stojol ta banti ya xloc' tel c'aal, yac'ojbey sta lum te sti'baique, yacalic ta xch'uunel te c'aale.

Salmos 115:2

¿Bistuc ya sjojc'oic te mach'atic ma'yuquic ta atojole: “¿Banti ay te Dios yu'unique?”, te xiique?

Salmos 79:10

Ma me xyalic te mach'atic ma ba xch'uunejate: “¿Banti ay te Dios yu'unique?” te xiique. Ac'a quiltic bit'il ya asujt'esbey spacol te la yich'ic milel te abatetic awu'une; soc yacuc yilic uuc te mach'atic ma ba xch'uunejate.

San Mateo 23:35

Jich yu'un te ja'exe, ja' me ya xc'ot ta awentaic stojel te la yich' malel xch'ich'el spisil te mach'atic toj yo'tanic te lajemiquix tele, jich bit'il te Abel te la yich' malel xch'ich'el ta xjajch'ibal, ja' to c'alal ta Zacarías te snich'an Berequiase te la yich' malel xch'ich'el ta bay olilal ay yu'un te xchic'jibal smajt'an Dios soc te temploe.

Amós 7:2

Patil la quil te c'ulubetic yacaliquix ta slajinel ta jyalel te aquiltic ta lumq'uinale, jich la cal: —Cajwal, pasbon perdón. ¿Bit'il c'an cujch'uc yu'un te Jacob te lum awu'une? Melel c'ax ch'in ta jyalel —xoon yu'un.

Joel 1:9

jich nix yacalic ta oq'uel te sacerdoteetic. Melel ta templo ma'yuquix sit trigo tey a soc ma'yuquix vino yu'un smajt'an Cajwaltic.

Oseas 14:2

Sujt'esa awo'tanic ta stojol te Cajwaltique, jich me ya awalic ta sc'oponel te Diose: —Pasbotic perdón yu'un spisil te jmultique; tsacbotic soc yutsil awo'tan te amajt'an te ya caltic loq'uel ta quetique.

1 Reyes 6:3

Te jtsal cuarto ay ta yochibal te templo, baluneb metro snajt'il, pajal soc te sjamalul te templo, soc chaneb metro soc olil te sjamalule.

Éxodo 34:9

Jich la yal: —¡Cajwal! ¡Cajwal! Teme melel te lec c'oemon ta asite, joinawotic bael jiche. Te lume, melel nix a ma spejc'an sbaic ta jyalel, ma xch'uunic mandal. Pasbon perdón yu'un a te jmul soque. Lumucotic me awu'un —xi' te Moisese.

Miqueas 7:10

Ya me yil te jcontro, soc ya me xpotsot ta q'uexlal yu'un. Melel la yalbon: —¿Banti ay te Ajwalil te Dios awu'une? —xi' ta yalel. Ja'uc me to, ta ora yo'tic ya me jmulan yilel te ya yich' teq'uel jichuc ajch'al ta calleetic.

Amós 7:5

Jich la calbey: —Coma aba, Cajwal, wocoluc a. ¿Bit'il c'an cujch'uc yu'un te Jacob te lum awu'une? Melel ch'in ta jyalel —la cut.

Ezequiel 20:9

Pero ma jichuc la jpas, swenta yu'un jich ma xbolob yutsil jc'oplal ta stojol te nacionetic te banti nainemic ta yolilique. Melel ta yolilic te nacionetique, la cac' jba ta na'el ta swenta cat'el ta stojolic. La calbey te ya jloq'ues tel ta Egipto.

Isaías 37:20

Ta ora yo'tic, Cajwal, Dios cu'untic, coltayawotic ta sc'ab, swenta yu'un ta spisil nacionetic ta balumilal ya me sna'ic te ja'at Cajwalticat, te jip jtul Diosat a —xi' ta sc'oponel.

Salmos 89:51

Cajwal cu'un, jich ya yuts'in co'tantic te acontrotaque; jich ya yuts'inbey yo'tan ta spisil ora te mach'a tsabil awu'une.

Salmos 89:41

Spisil te mach'atic ya xc'axic, ya yelc'anic bael te bila ya smulanique; te spat-xujc' ya xlabanot yu'un.

Salmos 79:4

Te mach'atic ayic ta sti'il te jq'uinaltic ya slabanotic yu'un; soc ya stse'luyotic te mach'atic ayic ta sjoyobale.

Salmos 74:10

Dios cu'un, ¿jayeb xan c'aal te jich ya yuts'in co'tantic ta c'op te controe? ¿Jayeb xan ora te ya sbolc'optayate?

Salmos 42:10

C'alal ta jbaquel c'oem xc'uxul te uts'inel yu'un te jcontrotaque; spisil ora ya sjojc'obonic: “¿Banti ay te Dios awu'une?” xiic.

2 Crónicas 8:12

Te Salomón spisil ora la yac'bey milbil smajt'an Cajwaltic te ya yich' chiq'uel ta scojt'ole. Tey la yac' a ta scajtijib smajt'an Cajwaltic te ay ta stojol yochibal templo, te spasojbeye.

Deuteronomio 32:27

pero ma jc'an te ya xlabanwanic ta jtojol te jcontrotaque. Ma ba la jc'an te ya stoy sbaic yu'un, teme jich ya yalique: “Ma ja'uc te Cajwaltic te jich la spasbotic in to, jo'otic nix la jpastic ta swenta quiptic”, teme xiique’, xi' te Cajwaltique.

San Mateo 27:43

Teme ja' smuc'ulinej yo'tan te Diose, ac'a coltayotuc yu'un ta ora to teme jich yo'tane, melel jich yaloj: “Ja' Snich'anon te Diose”, te xie —xiic.

Malaquías 1:9

Ya ac'anbeyic Dios te yacuc sna'botic yo'bolil jbatique; ja'uc me to, teme ya awaq'uic majt'anil te ma lecuque, ma me xacuyic te bin nax yo'tan ya stsacbeyex te Diose. Te Cajwaltic te Spisil ya xju' yu'un jich ya yal:

Nehemías 9:36

“Pero ilawil, yo'tic ochemotiquix ta mozoil, tey nix ta lumq'uinal te la awac'bey te antiguo jme'-jtatic swenta yu'un ya swe'elinic te bitic ya xloc' ta sq'uinalique.

Joel 1:13

Jichex uuc sacerdoteetic te ya awac' abaic ta abatinel ta scajtijib ta chiq'uelsmajt'an Dios, lapaic ch'ixal pac', oq'uetaya te templo. Melel ta templo yu'un Dios awu'unic, ma'yuquix trigo soc cebada ni vino yu'un smajt'an Dios.

Salmos 42:3

Ta c'aal, ajc'ubal, ja' jwe'el c'oem ya caiy te ya'lel jsite. Te c'alal jich ayon ae, spisil ora ya sjojc'obonic: “¿Banti ay te Dios awu'une?” xiic.

2 Crónicas 7:20

ya me jloq'uesex bael ta lumq'uinal te cac'ojbeyexe. Ya me jch'oj loq'uel ta jtojol te templo te ch'ultesbilix cu'une. Ya me cac' slabanex spisil te yantic nacionetique.

1 Reyes 9:7

ya me jbul loq'uel te Israel ta lumq'uinal te cac'ojbeye. Ya me jch'oj loq'uel ta jtojol te templo te la jch'ultesixe soc te Israele. Ya me x'och ta labanel spisil ora yu'un spisil nacionetic.

Deuteronomio 28:37

Ilaybil aba ya x'ilotat tey a. Spisil ta jchajp labanwanej-c'op ya me yalic ta awenta ta spisil ta jchajp te lumetic te banti ya yic'at bael te Cajwaltique.

Números 25:6

Ja'uc me to, ay jtul israel-winic te la yic' bael ta sna jtul madián ants ta sit Moisés soc ta sit ta spisil te israeletic te stsoboj sbaic, te yacalic ta oq'uel ta yochibal te Nailpac' te bay ya yich' c'oponel te Cajwaltique.

Isaías 22:12

Te bi c'aalil ya cale, te Cajwaltic te Spisil ya xju' yu'une, la yiq'uex ta oq'uel soc ta mel-o'tan, te ya ajox loq'uel stsotsil ajolique, soc te ya alapic te ch'ixal paq'uetic.

Josué 7:9

Teme ya yaiy stojol te cananeoetic soc spisil te mach'atic nainemic ta spamal q'uinale, ya me xtal smilotic ta jc'axel, ni ma'yuc jna'jibaltic ya xjil. ¿Bi ya apas te bit'il muc' te abiile? —xi' te Josué.

Salmos 42:4

Te bi ora ya jna'e, ya xtoy xan ya caiy te jwocole. Ya xtal ta co'tan te bi ora yacon ta bael soc a te ants-winiquetique te ya quic' bael ta templo yu'un Dios, capal ta aw swenta yutsil q'uinal yaiyic soc swenta yalbeyel wocol te Cajwaltique. Mero muc'ul q'uin c'ot yu'unic.

Salmos 42:11

¿Bi yu'un ya xpejc'aj co'tan? ¿Bi yu'un bayal ya x'ayan co'tan? Ja' ya jmaliy te Diose, ya to calbey xan yutsil sc'oplal. Ja' Dios cu'un stuquel, ja' stuquel te jcoltaywanej cu'une.