Joel 2:14 - Bible in Tzeltal de Oxchuc y Tenejapa

¹⁴ Ma wan ya yac'beyex castigo, ya wan sticunbeyex bendición: sit trigo soc vino yu'un smajt'an te Awajwalic, te Dios awu'unique.

Bible in Tzeltal Bachajón

¹⁴ ¡Ya wan suht sc'op soc ya wan yac' hilel bendición: ha te mahtanil harina soc malbil mahtanil yu'un Jehová, te Dios awu'unique!

Joel 2:14 Referans Kwoze

Jonás 3:9

Repente jich ya xlecub yo'tan cu'untic a te Diose, jich ma ba ya yac'otic ta lajel —xi' te ajwalile.

Hageo 2:19

Yo'tic aiya me awaiyic ja'ex, yo'tic nix ma me ba ya spasix falta ta yawil te sit awawal-ats'unubique. Ma to ba yac'oj sit te ts'usubil, te higuera, te granado, ni ja'uc te olivoe, pero yo'tic ya cac'bey bael bendición ta spisil”, xi' te Cajwaltique —xi'.

Joel 1:13

Jichex uuc sacerdoteetic te ya awac' abaic ta abatinel ta scajtijib ta chiq'uelsmajt'an Dios, lapaic ch'ixal pac', oq'uetaya te templo. Melel ta templo yu'un Dios awu'unic, ma'yuquix trigo soc cebada ni vino yu'un smajt'an Dios.

Sofonías 2:3

Leaic Cajwaltic ta apisilic te ja'ex te peq'uelex ta balumilal, mach'aex ach'uunejbeyic te smandale. Toj xawac' abaic soc pejc'ana abaic, te ayuc bit'il ya ataic canantayel a te sc'aalelal yilimba te Cajwaltique.

Jonás 1:6

Pero bajt' ta ilel yu'un te mach'a swentainej te jtij-barcoe, jich albot: —¿Bistuc te jun awo'tan wayalate? Jajch'an ta ora, c'opona te Dios awu'une. Repente ya sna' yo'bolil jbajtic. Jich ma ba ya xlajotic —la yut.

Amós 5:15

Ilayaic te bila amene, lecuc me awo'tanic yu'un te bila leque. Leaic te bit'il ya yich' chajbanel ta toj te c'opetique; jich te Cajwaltic Dios te Spisil ya xju' yu'une, repente ya xc'uxtay te jayeb xan mach'atic cuxajtic ta Israel.

2 Reyes 19:4

La yaiy te Cajwaltic te Dios awu'un te sc'op te abat te ticunbil tel yu'un te muc' ajwalil yu'un Asiria, swenta yu'un tal sbolc'optay te cuxul Diose. Te yacuc yac'bey castigo yu'un te bitic la yal la yaiy te Cajwaltic te Dios awu'une. C'opona Dios yu'un jiche te jayeb xan cuxulotique”, xi' me te muc' ajwalil —xiic.

2 Samuel 12:22

La sjac' te David: —Te c'alal cuxul to a te alalquerem, la jcom jwe'el soc oc'on, yu'un la cal: “Te ayuc ya sna'bon yo'bolil jba te Cajwaltique, soc yacuc yac' cuxinuc te alalquereme”, xoon ta co'tan.

Éxodo 32:30

Ta yan c'aal te Moisés jich la yalbey te lume: —Te ja'exe mero muc' mulil la apasic. Jich yu'un ta ora to ya me xmoon bael ta stojol te Cajwaltique. Ya quil teme ya jta te ya spasbeyex perdón —xi'.

2 Timoteo 2:25

soc te lamal yo'tan ya stojobtes te mach'atic ya xcontroinwanique, soc ya smaliy yil teme ayuc bit'il ya sujt'es yo'tanic ta stojol te Diose swenta yu'un ya me sna'ic uuc te smelelil c'ope.

Joel 1:16

Q'uelel jsitic a la quich'tic pojbeyel te jwe'eltique; ch'ay te yutsil q'uinal la caiytic ta templo yu'un te Dios cu'untique.

Joel 1:9

jich nix yacalic ta oq'uel te sacerdoteetic. Melel ta templo ma'yuquix sit trigo tey a soc ma'yuquix vino yu'un smajt'an Cajwaltic.

Isaías 65:8

Te Cajwaltic ya yal: —C'alal ay bayal ya'lel te ts'usube, te ants-winiquetic ma ba ya xch'ayic ni jtebuc, melel ya me xju' sloq'uesic bayal vino. Jich nix me ya jpas te jo'one, ta swenta xc'uxul co'tan ta stojol te abatetic cu'une, ma ba ya jin spamal te nacione.

1 Samuel 6:5

Pasaic jiche te sloc'ombail te sijt'ubel cu'untique, soc nix te ch'oetic yacal ta yuts'inel ta spamal te jq'uinaltique. Jich ac'a quich'tic ta muc' te Dios yu'un te israeletic, swenta jich ma ba ya yac'botiquix castigo te jo'otic, soc te diosetic cu'untic, soc ta spamal te jq'uinaltique.

Josué 14:12

Ja' swentail te ya jc'anbat yo'tic te q'uinal ta witstiquil te la yalbon stuquel te Cajwaltique. Ana'oj te sts'umbal muc'ul najt'il winic Anac tey ay yo'tic a. Ay muc'ul lumetic yu'unic te buen chapalic, te tey tulan yac'oj sbaic a. Ja'uc me to, ja' ay ta co'tan te Cajwaltic ya sjoinon soc ya scoltayon ta sloq'uesel bael, jich nix bit'il yaloj —xi' te Caleb.

Jeremías 26:3

Te ayuc bit'il ya yich'bat ta muc', te ya yijq'uitayic te bila amen ya spasique, te toj ya yac' sbaique, jich me ya jnop te ma ba ya cac'bey castigo yu'un sbolil te yat'elique, te jnopojix ya cac'beye.

Jeremías 18:8

teme ya yijq'uitay te bila amene, jich ma ba ya jticunix tel ta stojol te castigo te chapalix cu'une.

Jeremías 26:13

Tojtesa te awo'tanic soc te awat'elique, ch'uunbeyaic sc'op te Cajwaltic Diose, swenta jich ma sticunbeyex tel te woclajel te yalojbeyix sc'oplale.

2 Samuel 16:12

Teme yu'un ya yilbon jwocol te Cajwaltic, ya wan yac'bon bendición te bit'il bolc'optayel yacon ta yaiyel abi —xi'.