Joel 1:2 - Bible in Tzeltal de Oxchuc y Tenejapa

² Mamaletic soc ta apisilic te yajwalex te lumq'uinale, aiybon me awaiyic jc'op. Mamaletic, ¿ay bal bi ora jich awilojic te bit'il ya awilic ta ora in to? ¿Ay bal awilojic jich te pajal soc te c'alal cuxulic ta q'uinal a te ame'-atatique?

Bible in Tzeltal Bachajón

² A'iya awa'iyic ini, mamaletic, a'iya awa'iyic spisil mach'atic nahinemic ta q'uinal. ¿Ay bal hich c'ohem ta pasel ta aworahil o ta yorahil te ame'atatique?

Joel 1:2 Referans Kwoze

Joel 2:2

Sc'aalelal te ijc' q'uinale, sc'aalelal te tocaletic soc xiweltic sba axinal. Jchajp soldadoetic c'oem, mero bayal, soc mero bayal yipic, la spuc sbaic ta ba witsetic, jich bit'il saquil q'uinal ya xchicnaj te c'alal ya sacube. Ma'yuc jich chicnajem ta ilel soc ma'yuc bi ora ya xchicnajix, ma'yuquix pajal soc ya xchicnaj.

Oseas 5:1

“Sacerdoteetic, aiya awaiyic stojol, ac'a tel achiquinic, lum Israel, aiya awaiyic, ja'ex te sts'umbalex te muc' ajwalile: Ja' ay ta awentaic te ya x'ac'botex castigo. Melel jich c'oemex te bit'il pejts' te la awich'ic aq'uel ta Mizpa; jich c'oemex te bit'il chojac' lijch'anbil yu'un stsaquel chambalam ta wits Tabor;

Jeremías 30:7

Ya me xnoptsaj tel sc'aalelal te mero xiweltic nax sbae; ma me ayuc jich sc'aalelal ya xc'ot yan a. Ja' me sc'aalelal te ya yaiy mel-o'tan te lum yu'un Jacob; ja'uc me to, ya me jcoltay.

Job 8:8

“Jac'beya ta stojolic te jaycaj ants-winiquetic te c'axic ta q'uinal ta namey tel, nopa ta swenta te bitic c'ax yu'unic ta nameye.

San Mateo 24:21

Ya me xtal bayal woclajel, te ma'yuc bay jich c'oem ta pasel ta xjajch'ibal to tel balumilal, soc ta ora to, soc ta patil bael.

San Mateo 13:9

Te mach'a ay xchiquine, ac'a me yaiy stojol ta lec —xi' te Jesuse.

Miqueas 3:9

Ajwaliletic soc jtsobwanejetic yu'un Israel, aiya me awaiyic stojol ta ora to. Te ja'exe ya awilayic te bila toj ta pasele; ja' ya ajinic spisil te bila toj aye.

Miqueas 3:1

Aiya awaiyic stojol yo'tic, ajwaliletic soc jtsobwanejetic yu'un Israel. ¿Yu'un bal ya acuy te ma'yuc ta awentaic ja'ex te ya ana'ic te bila stojil ta pasele?

Miqueas 1:2

Apisilic lumetic, aiya awaiyic stojol; yajwalex spisil te lumq'uinal, aiya me awaiyic: Te Cajwaltic ja' testigo ta scontroinbelex te ja'exe, te ya xc'opoj tel ta ch'ul templo yu'un.

Amós 5:1

Aiybon awaiyic jc'op, israeletic, aiya awaiyic te mel-o'tan cu'un ta atojolique:

Amós 4:1

Aiya awaiyic stojol, ja'ex antsetic te pajalex soc me' wacax ta Basán ta switsul Samaria, te ya atenic ta uts'inel te me'baetic, soc te c'axem to xan ya awilbeyic yo'tan yu'un te ma'yuc bila ay yu'unique; te ya awalbeyic te amamlalique: “Ich'aic tel vino ya cuch'tic”, te xaex ta stojolique.

Amós 3:1

Ja'ex israeletic, aiya awaiyic stojol te bila ya yal te Cajwaltic te la sloq'uesex tel ta Egipto:

Joel 1:14

Tsobaic te lume, coma awe'elic; tsobaic ta templo yu'un Cajwaltic, ja' te Dios awu'unique. Tsobaic te ancianoetic soc ta spisil te yajwal lumq'uinale, c'oponaic te Cajwaltique.

Oseas 4:1

Israeletic, aiya awaiyic te bila ya yal te Cajwaltique. Yalojix c'op ta stojol juez, melel ay c'op yu'un soc te mach'atic nainemic ta lumq'uinale. Yu'un te ants-winiquetic ma ba jun yo'tanic, ma ba c'ux ya yaiy sbaic, soc ma sna'beyic sba te Diose.

Daniel 12:1

“Ja' me yorail ya xchicnaj te Miguel, ja' te muc'ul jcanantaywanej ch'ul abat te ya scoltay te lum awu'une. Ja' yorail a te ay me bayal wocol, ma'yuc yan wocol jich c'oem ta pasel a te jayebix c'aal ay te nacionetique. Te c'alal ya sta yorail te jich ya xc'ot ta pasele, ya xcolic spisil te alumale, ja' te ts'ibubil sbiilic ta libro.

Jeremías 5:21

“Aiya awaiy stojol, lom bolat soc ma x'ana' q'uinal ta jyalel, ay asit, pero ma x'awil q'uinal a, ay achiquin, pero ma x'awaiy stojol c'op a”, uta me.

Isaías 34:1

Noptsajanic tel, lumetic, aiya awaiyic stojol; nacionetic, aiya awaiyic stojol. Ac'a yaiy stojol te lumq'uinal soc bitic ay tey a, te balumilal soc spisil te bitic ya yaq'ue.

Isaías 7:17

“Te Cajwaltic ya me yac' xtal wocol ta atojol, soc ta stojol te alumal, soc ta stojol te mach'atic ay awu'une, woclajel te ma'yuc bay jich c'oem ta pasel a ja' to c'alal la sloq'ues sba bael Efraín ta stojol Judá —xi'. (Ja' ya yalbey sc'oplal te muc' ajwalil yu'un Asiria.)

Salmos 49:1

Aiya awaiyic stojol lumetic ta apisilic te ayex ta spamal balumilale,

Job 21:7

¿Bi yu'un te ya to xcuxinic te mach'atic amen yo'tanic, soc te ay to yipic soc sc'ulejalic te c'alal ya xmamalubique?

Job 15:10

Te jo'otic yijil winicotiquix, bayal bitic quilojtic a te bit'il atate.

Job 12:12

“Te mamaletic ay sp'ijil yo'tanic; ja' ac'bot sp'ijilic yu'un te ya'wilalique.

Apocalipsis 2:7

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te jayeb mach'a ya xju' yu'un tsalawe, ya me cac'bey slo' te sit te' swenta cuxinel sbajt'el q'uinal, te ay ta bay yolil te yawal-sts'unub te Diose —xi'.