Joel 1:19 - Bible in Tzeltal de Oxchuc y Tenejapa

¹⁹ Cajwal, ja'at ya jc'oponat, melel lajix ta chiq'uel ta c'ajc' c'oem te swamalel te jochol q'uinale, soc lajix ta c'ajq'uel te te'etic ta q'uinaletique.

Bible in Tzeltal Bachajón

¹⁹ Ha'at, Jehová, ya cawtayat; como lajix ta chiq'uel ta c'ahc' te ya'malel te jochol q'uinal, soc lajix ta c'ahq'uel spisil te te'etic ta q'uinal.

Joel 1:19 Referans Kwoze

Jeremías 9:10

“Oc'anic soc ajc'anajanic ta witstiquil, c'ajintayaic mel-o'tan c'ayoj ta aquiltic, melel chic'biliquix, soc ma'yuc mach'a ya xc'axix tey a; ma'yuc bay ya xchicnajix sc'op te wacaxe, asta te mutetic soc te chambalametic te ya xti'awanique, bajt'iquix ta anel.

Salmos 50:15

C'oponawon te c'alal ayat ta wocole; jo'on me ya jcoltayat, ja'at me ya awich'on ta muc'”, xi' te Cajwaltique.

Amós 7:4

Ja' la yac'bon quil Cajwaltic in to: La quil la yich' ticunel tojc'al ta swenta castigo. Jc'axel la staquintesbey ya'lel ta bay mero sna'bilal mar, soc yaquix ta c'ajq'uel te q'uinale.

Miqueas 7:7

Ja'uc me to, ya jmaliy te Cajwale; ja' ayon ta smaliyel jtuquel te Dios te Jcoltaywanej cu'une, melel ya yaiybon stojol jc'op stuquel.

San Lucas 18:7

Ja' xan te Diose ¿ma bal yacuc scoltay te mach'a tsabil yu'un te ya x'albot wocol yu'un c'aal ajc'ubale? ¿Ya bal smaliy bayal c'aal te ya xcoltaywane?

Joel 2:3

Pajalic soc c'ajc', te spisil ya slajine. Ya xchic'awan te c'alal ma to xc'ax ae, soc manchuc me c'axemix a, pero ya to xchic'awan xan a. Te c'alal ma to xjulic ae, mero c'ax t'ujbil te q'uinale; te c'alal ya xbajt'ique, pajal soc jochol taquin q'uinal ya xjil yu'unic. Ma'yuc bila col jilel yu'unic.

Salmos 91:15

Te c'alal ya sc'oponon, ya me caiybey sc'op; C'alal ay swocol ya me xtalon ta sts'eel. Ya me cac' ta libre; ya me cac'bey yutsilal ta ich'el ta muc'.

San Lucas 18:1

Te Jesús la yalbey yaiyic yan seña-c'op, swenta yu'un jich me ya snopic te ma ba ya yijq'uitayic sc'oponel Dios spisil ora soc te ma xchebaj yo'tanic ta stojole.

Jeremías 14:4

Te mach'atic ya x'at'ejic ta c'altic ay swocol ya yaiy ta yo'tanic, soc ya smuc sjolic yu'un. Melel ma'yuc te ja'ale, te lumq'uinale jc'axel bacuben ta jyalel.

Amós 1:2

Jich la yal: —C'alal ya xchicnaj tel sc'op Cajwaltic jichuc chawuc ta wits Sión, ta Jerusalén, ya sayub te aquiltic soc te sba wits Carmelo —xi'.

Jeremías 3:9

Ma'yuc swocolil ta pasel la yaiy te la sboltes a te lumq'uinale. Mero ma junuc yo'tan ta jyalel, ba xch'uun te tonetic soc te te'etique.

Jeremías 9:9

¿Me yacuc cac'bey castigo yu'un? ¿Me jichuc ya sc'an cac'bey stoj te lum te bila ya spase? Jo'on Ajwalilon te jich ya cal.