Joel 1:14 - Bible in Tzeltal de Oxchuc y Tenejapa

¹⁴ Tsobaic te lume, coma awe'elic; tsobaic ta templo yu'un Cajwaltic, ja' te Dios awu'unique. Tsobaic te ancianoetic soc ta spisil te yajwal lumq'uinale, c'oponaic te Cajwaltique.

Bible in Tzeltal Bachajón

¹⁴ Puca ta halel te ya scom swe'elic, hala ta tsoblej, tsoba abahic ta sna Jehová te Dios awu'unic, te mamaletic soc spisil mach'atic nahinemic ta q'uinal, c'oponahic te Jehová.

Joel 1:14 Referans Kwoze

Jonás 3:8

Ja' lec ac'a me slapic te ch'ixal paq'ue, soc ac'a me sc'oponic Dios ta mero spisil yo'tanic. Ac'a me yijq'uitayic ta juju-jtul te sbolilic soc yeleq'uic, spisil soc bitic amen yacalic ta spasel.

2 Crónicas 20:13

Spisilic te Judá tec'ajtic ta stojol Cajwaltic, tey ayic a te yinamic soc te snich'nabic, asta tey ayic a te alaletique.

Levítico 23:36

Ta jujun c'aal ja' to c'alal ya sts'acaj te juqueb c'aal, ya me achiq'uic majt'anil swenta quich'jibal ta muc' jo'on te Ajwalilone. Ta swaxaquebal c'aal ya me apasic xan ch'ul tsoblej, ya me achiq'uic majt'anil swenta quich'jibal ta muc' awu'unic. Sjunal me c'aal te q'uine, ma me ayuc bila at'elil ya apasic a.

Nehemías 8:18

Te q'uin la spasic ta swenta te Diose, jalaj juqueb c'aal. C'alal to ta xjajch'ibal soc c'alal ta slajibal te q'uine, te Esdras jujun c'aal la yawtaybey yaiyic te sc'op Dios ts'ibubil ta slibroil te mandaliletic yu'un te Diose. Ta swaxaquebal c'aal la yich' pasel tsoblej te mero bayal yutsil sc'oplale, jich nix bit'il costumbre jajch'em ta pasele.

2 Reyes 10:20

Ja' yu'un la yal te ya yich' puquel ta alel te ya yich' pasel buen q'uin yu'un Baal. Jich la yich' pasel yu'unic.

Ester 4:16

“Baan tsoba spisilic te judioetic ayic ta Susa, albeya ac'a scom swe'elic cu'un. Ma me ayuc bi ya swe' yuch'ic oxeb c'aal soc oxeb ajc'ubal. Jo'on soc te criadaetic cu'une jich me ya jpastic uuc. Ta patil ya me xba quil te muc' ajwalile, manchuc me ma jichuc ya yal te leye. Teme ya smilon a, ac'a smilon”, xi'.

Jeremías 36:9

Ta sbalunebal u ta yo'ebal ja'wil yat'el ta ajwalil a te Joacim, snich'an Josías, te muc' ajwalil yu'un Judá, la yich' pucbeyel sc'oplal te ya spasic ayuno ta stojol Cajwaltic ta spisilic te mach'atic yajwal Jerusalén soc mach'atic ay talemic ta yantic lumetic yu'un Judá.

Joel 1:2

Mamaletic soc ta apisilic te yajwalex te lumq'uinale, aiybon me awaiyic jc'op. Mamaletic, ¿ay bal bi ora jich awilojic te bit'il ya awilic ta ora in to? ¿Ay bal awilojic jich te pajal soc te c'alal cuxulic ta q'uinal a te ame'-atatique?

Jonás 3:5

Ta spisil te yajwal te lume, muc'-biq'uitetic, la xch'uunic te Diose, soc la yalic mandal te ya scom swe'elic soc te ya slapic ch'ixal pac'.

Sofonías 2:1

Ja'ex ants-winiquetic te ma'yuc aq'uexlalic, tsoba abaic, jun xawac' abaic,

Jeremías 14:2

—Te Judá ya x'oc' yu'un mel-o'tan, te lumetic yu'une ay swocolic, te ants-winiquetic limilic ta lum. Te Jerusalén ya xtoyix yawic yu'un te xc'uxule.