Joel 1:11 - Bible in Tzeltal de Oxchuc y Tenejapa

¹¹ Ja'ex te ya x'at'ejex ta yawil trigo soc ta yawil ts'usubile, oc'anic me yu'un mel-o'tan. Melel ma'yuc swentail c'ot te ts'unubiletic, ma'yuc swentail c'ot te sit trigo, soc ma'yuc swentail c'ot te sit cebada.

Bible in Tzeltal Bachajón

¹¹ Mela awo'tanic, ha'ex te ya x'a'tejex ta q'uinal; ahcanajanic, ha'ex te ya x'a'tejex ta ts'usubiltic, mela awo'tanic yu'un te trigo soc te cebada, como ch'ay te sit te awal-ts'unubile.

Joel 1:11 Referans Kwoze

Isaías 17:11

te bi c'aalil ya ats'une, ya acanantay, ya awac' te ya xchicnaj loq'uel spul ta yan c'aalil. Ja'uc me to, te c'alal ya xtal te xchamel soc te bila amen te ma'yuc ta poxtayele, ya me xch'ay ta jc'axel te site.

Jeremías 9:12

¿Mach'a a te bayal sp'ijil ta swenta sna'beyel swentail in to? ¿Mach'a ac'bot sna' stojol yu'un Cajwaltic swenta ya xju' yu'un xcholbel yaiy te yantique? ¿Bi yu'un te lum te jineme, te taquinix jichuc jochol taquin q'uinal ta bay ma'yuc mach'a ya xc'axix tey a?

Romanos 5:5

Soc smuc'ul co'tantic ya me jmaliytic te cutsilaltic, melel te xc'uxul yo'tan te Diose, malbilix ta co'tantic ta swenta te Ch'ul Espíritu te ac'bilotiquix yu'une.

Amós 5:16

Jich ya yal te Cajwaltic Dios te Spisil ya xju' yu'une: —Ay me oq'uel ta yolil lum, ta spisil calleetic ay me awetic.Jich me ya yalic: “¡Ay! ¡Ay!”, xiic me ta oq'uel. Ya me x'ic'otic tel ta oq'uel te mach'atic ayic ta c'alc'altic, soc te mach'atic yat'elinejic oq'uel yu'un te mel-o'tane.

Jeremías 50:16

Ma me mach'a xawijq'uitayiquix ta sq'uinal Babilonia; ma me ayuc mach'a ya yaiy awal tey a, soc ma me mach'a ya yaiy c'ajoj. Te ya yilic te jinawanej guerra, te jyanlumetic ya me sujt'ic bael ta slumal, juju-jtul ya x'anic bael ta slum-sq'uinalic.

Ezequiel 30:2

—Ja'at winic, c'opojan ta jwenta, jich xawal: “Jich ya yal te Cajwaltique: ‘Awunanic, yu'un te c'aal

Jeremías 14:2

—Te Judá ya x'oc' yu'un mel-o'tan, te lumetic yu'une ay swocolic, te ants-winiquetic limilic ta lum. Te Jerusalén ya xtoyix yawic yu'un te xc'uxule.