Joel 1:10 - Bible in Tzeltal de Oxchuc y Tenejapa

¹⁰ Te lumq'uinal jochol jilel; te lumq'uinaletic, yacalic ta mel-o'tan. Jc'axel laj te trigoe, jc'axel taquejix te ts'usubiletique, sayubeniquix te olivoetique.

Bible in Tzeltal Bachajón

¹⁰ Jimbilix te c'altic, ay ta mel-o'tan te q'uinale, como laj te trigo, taquijix te yach'il vino, ch'ayix te aceite.

Joel 1:10 Referans Kwoze

Oseas 4:3

Jich yu'un te lumq'uinal yaquix yoc'taybel sba c'oem; ma'yuquix yipic te mach'atic tey ayic ae, soc ma'yuquix yipic te ja'mal chambalametic soc te mutetique, ja' nix jich ya xlajic te chayetic ta mar.

Oseas 9:2

Te lum Israel ma me ayuc trigo ni vino yu'unic; te yach'il vino yu'une ma me tic'uc a.

Jeremías 12:11

Jochol taquin q'uinal la yijq'uitaybonic, soc t'axal a jil, oq'ueltic sba ya quil. Spamal te lumq'uinale, jochaj jilel ta jyalel, ma'yuc mach'a ya xc'opoj yo'tan yu'un.

Joel 1:5

¡Cuxa awo'tanic, ja'ex jyacubeletic! Ochanic ta oq'uel, j'uch'-vinoetic, melel ya me awich'ic pojbeyel te ya'lel ts'usub awu'unique.

Hageo 1:11

Jo'on te ma ba la cac' tel ja'al ta lumq'uinal, soc ta witstiquil, soc ta sba te trigo, te ts'usubiletic, te olivoetic, soc ta sba te bitic ya yich' tulbeyel sit te ts'unul ta lumq'uinale. Ma ba la cac' tel ja'al ta atojolic ja'ex ants-winiquex, soc ta stojol te chambalametic awu'unique, soc ta sba awawal-ats'unubic —xi' te Cajwaltique.

Joel 1:12

Taquejix te ts'usubile, tojol ch'ay te higueraetique. Taquin a jilic uuc te granadoetic, te palmaetic, soc ste'el manzanaetic, soc ta spisil ste'el te q'uinaletique. Jich ch'ay te yutsil yo'tanic spisil te ants-winiquetique.

Jeremías 48:33

Ma x'aiyotix stojol aw yu'un yutsil q'uinal ta bay yawil awalts'unubil yu'un Moab. Te vino ma'yuquix tey a ta bay yawile. Ma'yuc mach'a ya spits' ta teq'uel te ts'usube, ma'yuquix c'ayoj yu'un yutsil q'uinal tey a.

Jeremías 12:4

¿Jayeb to c'aal ya xjalaj te taquejem te lumq'uinale te ya xtaquej te aquiltique? Te chambalametic soc te ja'mal mutetic yacalix ta lajel ta scaj amen te yajwal te lumq'uinale, te ya scuyic te ma x'awil te bila ya spasique.

Isaías 24:11

Te ants-winiquetic ya x'oq'uic ta calleetic, yu'un laj te vino; laj ta jc'axel spisil te sbujts'-o'tanile, jc'axel la yich'ix bael tenel, ma'yuquix sbujts' q'uinal ta balumilal.

Levítico 26:20

Tojol me ya alajin awipic ta ts'unbajel, melel te lumq'uinal ma'yuc bila ya xju' ya yac'beyex sit, soc ni ja'uc ya yac' sitic awu'unic te te'etic ta aq'uinalique.

Génesis 4:12

Te c'alal ya awaiy awal ta lumq'uinal, ma me xyac' sit. Melmonel ya xc'axat ta q'uinal, soc ma xwejt' bay ya x'ainat —xi' sc'oplal yu'un te Diose.

Isaías 15:6

Te pozoetic yu'un Nimrim taquiniquix jilel, te aquiltic yacal ta bacubel, lajemiquix te te'etique, ma'yuquix bay xujt'uc yaxic te yabenale.

Isaías 24:7

Ma'yuquix lec te vino, te ts'usubiltic tsacotic ta chamel; te mach'atic bin nax yo'tanic ta q'uinale, noj yo'tanic yu'un te mel-o'tane.

Joel 2:19

Jich la yal: —Ya me jticunbeyex trigo, vino soc aceite, ja' to teme noj ach'ujt'ique. Ma'yuquix bi ora ya cac' slabanex te mach'atic ma ba xch'uunejone.

Habacuc 3:17

“Jich yu'un, ya me xnoj sbujts' co'tan yu'un ta scaj te Cajwaltic te jcoltaywanej cu'une. Ya me calbey yutsilal, manchuc me ma xnichin te higueraetic, manchuc me ma xyac' sit te ts'usubiletic soc te olivoetic, manchuc me ma'yuc bila ya jtsobtiquix loq'uel ta lumq'uinal, soc manchuc me ma'yuquix wacaxetic ta snaique.

Malaquías 2:3

Soc la to yal xan: —Ya me jpojbeyex te awat'elic, soc ya me jtujq'uiybeyex ta asitic te stsa' chambalametic te ya awiq'uic tel ta milele. Pajal ya xbaex ta ch'ojel soc te stsa' chambalametique.