Jeremías 9:8 - Bible in Tzeltal de Oxchuc y Tenejapa

⁸ Te yeique, jich bit'il yat'ejibal t'im c'oem yu'un lajel; yacalic ta yalel lo'laywanej ta c'op. Lec nax ya spatbey sbaic yo'tanic yilel soc sjo'tac, pero ta smelelil ja' nax yac xchajbanbel spejts'ul c'oem.

Bible in Tzeltal Bachajón

⁸ Te yehique, ha ya'tejibalul t'ihmalte' te ya xlajinwan, ha nax ya ya'iy lot. Ta ye ya yalbeyic lamal q'uinal te mach'a jun yo'tan soc, pero ta yo'tanic ya schahpambe syacol.

Jeremías 9:8 Referans Kwoze

Salmos 28:3

Ma me pajaluc ya atason bael soc te mach'atic amenique; ma me xc'ot ta jwenta awu'un te bila ya xc'ot ta swenta te mach'atic amen yat'elique. Tojol nax te t'ujbil ya xc'opojique, melel ta yutil yo'tanic nojel ta mulil.

Jeremías 9:3

Ja' mero chapalic yu'un yalel te lotetique, jich c'oem te bit'il ya st'imuyiquix bael t'im. Ta bay lum tey yac ta at'el a te lote, ma ja'uc te smelelile; yan yan ta bats'ejel bael te bila amene. Ja' nix tulan la yalix stuquel te Cajwaltique: —Ma ba ya ac'anic te ya ana'bonic jbae —xi'.

Salmos 120:3

¿Bi xan yan ya x'ac'botat ta awenta, ja'at te ya xlo'laywan te awee?

Salmos 57:4

Pacalonix ta lum ya caiy, ayonix ta yolil león-chojetic ya caiy, ja' te león-chojetic ya sti'ic ants-winiquetique; te sbaquel yeique pajal soc lanzaetic, pajal soc yat'ejibal t'imalte'etic, te yeique pajal soc ye puñal.

Salmos 55:21

Mero lamal te sc'opique, c'axem jich sc'unil a te bit'il mantequilla; pero te sjolique, te yo'tanique, snopoj guerra stuquel. Mero lamal sc'opic, c'axem jich sc'unil a te bit'il aceite; pero c'ux ya caiytic te sc'opique, pajal soc milaw, melel jich c'oemic te bit'il puñal.

Salmos 12:2

Ya spas sbaic ta lot; lec sc'opic yaiyel, ja'uc me to, ma jichuc te yo'tanique.

2 Samuel 3:27

C'alal c'ot ta Hebrón te Abner, te Joab la yic' bael ta jejch' ta sti' yochibal te lume, swenta yu'un ya xc'opoj ta stuquel soc. Tey la yejch'entes ta xch'ujt', jich laj te Abner. Jich la sujt'esbey spacol te milbot te yijts'in Asael.

Jeremías 9:5

Juju-jtul ya jlaban jbatic soc yan, soc ma'yuc mach'a ya yal te bila smelelile. C'aemotiquix ta yalel lot; c'ax amenotic, ma xju' cu'untic sjelel co'tantic, xoon yu'un.

Jeremías 5:26

Melel ta bay te lum cu'une, ay tey a te winiquetic te amen yo'tanique, jich ya xmujc'taywanic te bit'il mach'atic ya smil ja'mal mutetique, te ya spasic pejts' swenta yu'un ay mach'atic ya spejts'uyic a.

Salmos 64:8

Ja' ni me ya xyalesotic yu'un te sc'opique; te mach'atic ya x'ilawanic ya xlabanotic yu'un.

Salmos 35:20

Melel ma ja'uc ya sleic te lamal q'uinale; ja' ya xchajbanic te muquen bila ya spasic ta stojol te mach'atic lamal yo'tanic ta jlumale.

Proverbios 25:18

Te mach'a ya sle ta c'op te spat-xujc', jich c'oem te bit'il martillo, o cuchillo, o t'im te jay sni'e.

Jeremías 9:4

Asta jo'tac ma spas te ya quich'beytic ta muc' te sc'opique; manchuc teme quermano jbatic soc, ma xju' ya quich'tiquix ta muc'. Melel te mach'atic quermano jbatic soque, ja' nax ya xlo'laywanic; te mach'a jo'tac jbatic soque, ja' nax ya jle jbatic ta c'op juju-jtul.

Miqueas 6:12

Te jc'ulejetic tey ta lum ja'ic spisilic j'uts'inwanejetic; jpas-lotetic soc jlo'laywanejetic spisilic te yajwale.

Salmos 12:3

Cajwal, bula loq'uel soc yisim te mach'atic cheb yo'tanic soc te ya stoy sbaique.

Salmos 62:5

Ja' nax ta stojol Dios ya jta lamal q'uinal; ja' ya xtal ta stojol stuquel te smuc'ul co'tane.

Jeremías 5:9

¿Ma bal yacuc cac'bey castigo yu'un? ¿Ma bal yacuc cac'bey stoj te lum te jich ya spase?