Jeremías 9:7 - Bible in Tzeltal de Oxchuc y Tenejapa

⁷ Ja' yu'un te jo'on Ajwalilon te Spisil ya xju' cu'une, ya cal: ¿Bi yan ya xju' ya jpas yu'un te lum cu'une? Ja' nax ya cac' ta c'ajc' swenta slecubtesel.

Bible in Tzeltal Bachajón

⁷ Ha yu'un hich ya yal te Jehová te scuentahinej spisil: Ilawil, ya cac'ticlan ta c'ahc' scuenta lecubtesel soc ya jtsahticlan, como ¿bin yan ya xhu' ya jpas ta stojol te pueblo cu'une?

Jeremías 9:7 Referans Kwoze

Isaías 1:25

Ya me jach xan jc'ab ta atojol; ya jchic'bat ta jc'axel te bila amene; jich ya jpocbat loq'uel spisil te amule.

Malaquías 3:3

Te Cajwaltic ya me slecubtes te sacerdoteetic, ja' te mach'atic sts'umbal Leví, jich bit'il mach'a ya slecubtes plata soc oro ta c'ajc'. Ta patil jich me ya xju' ya yaq'uic majt'anil ta stojol te Cajwaltique, jich te bit'il ya sc'an ya spasique.

Jeremías 6:27

Te Cajwaltic la yalbon: —Ya cac'bat ta awenta te ya awac'bey spasel ta prueba te lum cu'une. Tsajtaya bi yilel te yat'elique —xi'.

Isaías 48:10

Jo'on la cutstesex; ja'uc me to, ma jichuc te bit'il ya yich' utstesel te plata. Jich la cutstesex ta woclajel, ta swenta sc'aal horno c'oem.

1 Pedro 4:12

Quermanotac te c'uxex ta co'tane, ma me x'ayan awo'tanic teme ay awocolic yu'un te yiljibal awo'tanic te bayal xc'uxul jich bit'il c'ajc' te ya xc'ot ta awentaique. Ma me xacuyic te ma'yuc bay jich ya xc'ot ta stojol te yantique.

1 Pedro 1:7

Melel te bit'il ay xch'uunjel awo'tanique, ay yiljibal awo'tanic yu'un. Jich c'oem te bit'il oro te bayal yutsilal te ya yich' ultesel ta c'ajc' yu'un ya yich' ilel teme ma'yuc scape. Te xch'uunjel-o'tanil te ya spasot ta pruebae, c'ax jich ay sc'oplal stuquel te bit'il ay sc'oplal te oro te puersa ya xlaje. Teme chican te ay xch'uunjel awo'tanique te pasbil ta pruebae, lec me sc'oplal ya xc'ot, soc ay me yutsil, soc bayal me sc'oplal ya xc'ot te c'alal ya xchicnaj tel te Jesucristoe.

Jeremías 31:20

“Te lum Efraín, ja' te jnich'an te c'ux ta co'tane; ja' te jnich'an te bayal sc'anoj te co'tane. Manchuc me ya cac'bey tulan comel, ma ba ya quijq'uitay ta sna'ulayel; ya stij sba co'tan yu'un, c'ax muc' ya jna'bey yo'bolil sba. Jo'on Ajwalilon, jich ya cal.

2 Crónicas 36:15

Te Cajwaltic Dios yu'un te antiguo sme'-stat, la sticunbey sjultesibal yo'tanic ta swenta te j'alwanejetic yu'une, melel la sna'bey yo'bolil sba te lum yu'un soc te awilal ta bay naineme.

2 Samuel 13:26

Te Absalón jich la yal xan: —Teme ma xju'e, ac'a bael sjoinotic te jbanquil Amnón —xi'. La sjojc'obey te Davide: —¿Bi yu'un te ya ac'an ya sjoinat te Amnón? —xi'.

Salmos 55:22

Ac'beya ta swenta Cajwaltic te bila ay awocol yu'une, ja' me ya yac'bat awip stuquel; ma'yuc bi ora ya yac' yaluc stuquel te mach'a ya xch'uunbot smandal yu'une.

Salmos 62:5

Ja' nax ta stojol Dios ya jta lamal q'uinal; ja' ya xtal ta stojol stuquel te smuc'ul co'tane.

Salmos 120:4

Ja' me te buen jay sni' yat'ejibal t'imalte'etic yu'un guerra; ja' me te tsajal ac'al yu'un tulanil te'.

Isaías 59:3

Te ja'exe boloben ac'abic yu'un ch'ich'; boloben sbic'tal ac'abic yu'un te milawe. Te awe'ic ya yal loq'uel lot; te awaq'ue ya yal loq'uel mulil.

Jeremías 5:1

Te Cajwaltic ya yal: —Beenanic ta bay calleetic yu'un Jerusalén, ila me awilic ta lec, leaic ta parqueetic, te ayuc mach'a ya ataic tey a te toj ya x'at'eje, te smelelil ya sc'an yac' sba. Teme ay ya ataique, ya me jpasbey perdón te Jerusalén.

Oseas 4:1

Israeletic, aiya awaiyic te bila ya yal te Cajwaltique. Yalojix c'op ta stojol juez, melel ay c'op yu'un soc te mach'atic nainemic ta lumq'uinale. Yu'un te ants-winiquetic ma ba jun yo'tanic, ma ba c'ux ya yaiy sbaic, soc ma sna'beyic sba te Diose.