Jeremías 9:5 - Bible in Tzeltal de Oxchuc y Tenejapa

⁵ Juju-jtul ya jlaban jbatic soc yan, soc ma'yuc mach'a ya yal te bila smelelile. C'aemotiquix ta yalel lot; c'ax amenotic, ma xju' cu'untic sjelel co'tantic, xoon yu'un.

Bible in Tzeltal Bachajón

⁵ Jujutuhl ya slo'loy te mach'a sjoc sba soc, mayuc mach'a ya yal te bin smelelil. La ya'beyic snop yalel lot te yehique, ya ya'telinic spasel te bintic chopol.

Jeremías 9:5 Referans Kwoze

Habacuc 2:13

Te Cajwaltic te Spisil ya xju' yu'une ya me spasbat te ma'yuc yutsil ya xc'ot te awat'el soc te awocole; melel ta spisil te awat'ele ya me yich'ic lajinel ta c'ajc'.

Miqueas 6:12

Te jc'ulejetic tey ta lum ja'ic spisilic j'uts'inwanejetic; jpas-lotetic soc jlo'laywanejetic spisilic te yajwale.

Isaías 57:10

Lubat yu'un bayal beel, ma la ana' stojol ta spisil te ma'yuc stuule. Ay ta ac'ab te bila ipajemat a, jich yu'un ma ba lubat.

Job 15:5

Ja' ta scaj te amen awo'tan, ja' yu'un jich ya xc'opojat, ya xtal ta awo'tan te c'opetic ya xlo'laywane.

1 Timoteo 4:2

Soc ya me xjajch' yantaybeyic sc'op te mach'atic cheb yo'tanique, te puro lotil c'op ya yalique, te jc'axel pimuben yo'tanic. Ma'yuc bila ya xc'otix ta yo'tanic xujt'uc.

Efesios 4:25

Jich yu'un ma me xapasiquix lot. Juju-jtulex c'opona abaic ta puro smelelil soc te apat-axujq'ue, yu'un jun nax ayotic ta jpisiltic.

Miqueas 6:3

Jich ya yal te Cajwaltique: —Jac'bon jc'op, lum cu'un. ¿Bila jpasojbat, o bila a te la cuts'inat yu'une?

Ezequiel 24:12

Pero totoben ta jc'axel te ni ja'uc ya xlecub yu'un te c'ajq'ue’, xi' me.

Jeremías 9:8

Te yeique, jich bit'il yat'ejibal t'im c'oem yu'un lajel; yacalic ta yalel lo'laywanej ta c'op. Lec nax ya spatbey sbaic yo'tanic yilel soc sjo'tac, pero ta smelelil ja' nax yac xchajbanbel spejts'ul c'oem.

Jeremías 9:3

Ja' mero chapalic yu'un yalel te lotetique, jich c'oem te bit'il ya st'imuyiquix bael t'im. Ta bay lum tey yac ta at'el a te lote, ma ja'uc te smelelile; yan yan ta bats'ejel bael te bila amene. Ja' nix tulan la yalix stuquel te Cajwaltique: —Ma ba ya ac'anic te ya ana'bonic jbae —xi'.

Isaías 5:18

¡Ya me awil awocolic, ja'ex te ya awich'ic te bila amen ta swenta lot, ja'ex te ya awich'ic te mulil, jich te bit'il mach'a ya stas carreta!

Proverbios 4:16

Melel ma sc'an slaman sbaic ja' to teme la spasic te bila amen ta pasele; asta ma ba ya xtal swayelic, teme ma'yuc mach'a ya yaq'uic yaluque.

Salmos 140:3

Te yaq'uic mero jayic, pajal soc yac' jti'awal chan; te sc'opic pajal soc svenenoil ye ajachan.

Salmos 64:3

Ya sjuxbey ye yaq'uic c'oem jichuc puñal; soc jich te bit'il ya yich' t'imuyel bael yat'ejibal t'imalte', ya yac' bael sc'opic te ay svenenoile.

Salmos 50:19

Ya awabatin te awe ta spasel te bila amen; ya amandaltes te awe ta yalel lot.

Salmos 7:14

Ilawilic te mach'a amen yo'tane: nojel ta yo'tan bitic amen, ya me yac' ayinuc jichuc alal te lote.

Job 11:3

¿Ya bal acuy te scaj te bayal ya xc'opojat te jich ya jquejch'an jbatic ta c'ope? ¿Ya bal acuy te ma'yuc sujt'ib cu'untic te ac'op ta labanwaneje?

Génesis 19:11

Soc la sc'atp'un ta ma'sit te winiquetic, te queremetic, te mamaletic tejc'ajtic ta c'op ta ti'nail. Jich lubic ta sleel te ti'naile.

Salmos 52:3

Ja' ya amulan te bila amen, ma ja'uc ya amulan te bila leque; ja' ya amulan te lot, ma ja'uc ya amulan te bila melele.

Jeremías 7:28

Albeya: “Ja' in nación to ma xch'uunbonic jc'op jo'on te Ajwalilon te Dioson yu'une, ni ma sc'anic tojtesel. Te stojil yutsil yo'tanique ch'ay c'axel ta yeic ta jyalel”, uta me —xi' te Cajwaltique.

Jeremías 12:6

Asta te mero awermanotaque, te jun ana soque, ya yac'at ta c'abal, soc ya yawtayat ta ixta c'op ta apat. Ma xawac' smuc'ul awo'tan yu'unic, manchuc teme lec nax sc'op te ya sc'oponate.

Jeremías 12:13

La sts'unic trigo, pero jch'ix la stulic loq'uel; spisil te yat'elique tojol nax. La staic falta soc te trigo ta scaj sc'aal stulanil quilimba —xi' te Cajwaltique.

Jeremías 13:23

¿Ya bal xju' yu'un ya sacubtes sba te ijc'al winique? ¿Ya bal xju' ya xch'aytes spintoil te leopardo-choje? Ja' nix jich te ja'exe, awat'elinejic spasel te bila amene, ma xju'ix awu'unic spasel te bila leque.

Jeremías 51:58

Jo'on Ajwalilon te Spisil ya xju' cu'une, ya cal: Te spimil sts'ajc'ul ta sjoyobal Babilonia jc'axel me ya xjin coel ta jyalel; te smuc'ul yochibalic te ts'ajq'ue, ya me yich'ic chiq'uel. Tojol nax at'ejic te nacionetique, tojol nax swocolic yu'un lubel, melel ya xlaj ta c'ajq'uel spisil —xi'.

Jeremías 51:64

Jich me ya awal: “Jich me ya xmul coel te Babilonia, ma ba ya xcha'jajch' xan tel, yu'un te tulan woclajel ya sticun tel te Cajwaltique”, xaat me —xi'. Tey laj loq'uel spisil sc'op te Jeremiase.

Malaquías 2:10

¿Yu'un bal ma junuc nax Jtatic ta jpisiltic, ja' te Dios te la xchicnantesotic ta jpisiltic? ¿Bi yu'un nix a te ya jlo'lay jbatic juju-jtul te yacotic ta jelawel a te trato la spas Dios soc te antiguo jme'-jtatique?

Jueces 2:10

Lajic ta spisil te israeletic te ayiquix ta q'uinal a te c'alal cuxul to a te Josué. Ja' yu'un te mach'atic ayinic xan ta patil, ma la sna'beyiquix sba te Cajwaltic, soc spisil te bitic la spas ta xc'uxtayel te Israele.

Proverbios 12:5

Te mach'a toj yo'tan, ja' ya snop te bitic toj ta pasele; yan te mach'a amen yo'tane, ja' nax ay ta yo'tan lo'laywanej.

Jeremías 4:22

Te Cajwaltic jich ya yal: —Te lum cu'une ma sna' q'uinal, ma sna'bon jba. Nich'aniletic te jich nax ayic ta q'uinal, ma xc'opoj yo'tanic jtebuc. Ja' nax ay sp'ijilic ta spasel te bila amene, ma ja'uc ya sna'ic spasel te bila leque —xi' te Cajwaltique.