Jeremías 9:4 - Bible in Tzeltal de Oxchuc y Tenejapa

⁴ Asta jo'tac ma spas te ya quich'beytic ta muc' te sc'opique; manchuc teme quermano jbatic soc, ma xju' ya quich'tiquix ta muc'. Melel te mach'atic quermano jbatic soque, ja' nax ya xlo'laywanic; te mach'a jo'tac jbatic soque, ja' nax ya jle jbatic ta c'op juju-jtul.

Bible in Tzeltal Bachajón

⁴ Tuhlutuhl ac'a stsahtay sba ta stojol te mach'a sjoquinej sba soc, ma me ha'uc ya smuc'ulin yo'tan te yermano, como spisil yermano ya xlo'loywan, soc spisil mach'a sjoquinej sba soc ya xlehawan ta c'op.

Jeremías 9:4 Referans Kwoze

Jeremías 6:28

Cajwal, ta spisilic mero toybaetic ta jyalel; bayal ya xjelawic ta c'op, soc jowejem sjolic; pajal soc bronce soc tulanil taq'uinetic.

San Mateo 10:21

“Ay me yermano sbaic te ya yac' sbaic ta milele. Soc ay me tatil te ya yac' ta milel te yal-snich'ane. Soc ay me alnich'anetic ya xjajch' scontroinic te sme'-statique, soc ya me yaq'uic ta milel.

Levítico 19:16

“Ma me x'ochat ta le-c'op soc te alumale. “Ma me xawac' aba a teme ay ya yich' milel te alumale. Jo'on Ajwalilon.

Jeremías 12:6

Asta te mero awermanotaque, te jun ana soque, ya yac'at ta c'abal, soc ya yawtayat ta ixta c'op ta apat. Ma xawac' smuc'ul awo'tan yu'unic, manchuc teme lec nax sc'op te ya sc'oponate.

Proverbios 25:18

Te mach'a ya sle ta c'op te spat-xujc', jich c'oem te bit'il martillo, o cuchillo, o t'im te jay sni'e.

Proverbios 10:18

Te mach'atic ya smuc slab yo'tanic, yacalic me ta lot; soc te mach'atic ma sna'ic q'uinal, ya spucbey sc'oplal yantic.

Salmos 15:3

ja' te ma'yuc mach'a ya sbolc'optaye; ja' te mach'a ma'yuc bila amen ya spasbey te sjo'taque; ja' te mach'a ma sboltesbey sc'oplal te spat-xujq'ue;

Génesis 32:28

La yal te winique: —Ma jichuquix abiil te Jacob, Israel abiil ya xc'otix, yu'un la atsal aba soc Dios soc winiquetic, soc ju'ix awu'un —xi' sc'oplal yu'un.

1 Tesalonicenses 4:6

Ma me ayuc mach'a ya yac'bey swocol yantic soc ma me ayuc ya slo'lay yermano, melel ya me x'ac'bot tulan castigo yu'un te Cajwaltic teme jich ya spasique, jich bit'il tulan sc'oplal la calbeyex awaiyic ta neelal to.

San Lucas 21:16

Ja'uc me to, ya me x'ac'otex ta c'abal yu'un te ame'-atate, soc te abanquil awijts'inabe, soc te apat-axujq'ue, soc te mach'a c'ux la awaiy aba soc ta neelale. Ay me ya smilex ta patil.

San Mateo 10:17

Tsajtaya me abaic ta stojol te ants-winiquetique, melel ya me yaq'uex ta sc'ab te muc'ul tsobleje, soc ya me yac'beyex castigo ta sinagogaetic,

Ezequiel 22:9

Ay ya spasic lot swenta jich ya x'ac'ot ta lajel yu'un a te yantique. Ay ya xwe'ic-x'uch'ajic ta witsetic ta yich'el ta muc' te loc'ombaetique. Ay ya spasic te bitic mero ilaybil sbae.

Proverbios 6:19

ja' te lotil testigo te ma meleluc te bi ya yale, soc te mach'a ya sjach majtomba ta stojol yermanotac.

Proverbios 6:16

Ay waqueb ta jchajp, asta juqueb, te bila jc'axel yilayej te Cajwaltique:

Salmos 101:5

Ya me jcom te mach'atic muquen ya slebeyic smul te spat-xujq'ue; ma jc'an te mach'a toyba, soc te muc' ya yac' sbae.

Isaías 59:13

Jelawotic soc ma tojuc co'tantic ta stojol Cajwaltic; ma la jc'an jt'untic te Dios cu'untique. La jpastic uts'inwanej soc muquen xchajbanel controinwanej; la jchajbantic aiyej ta swenta slo'layel a te yantique.

Jeremías 9:8

Te yeique, jich bit'il yat'ejibal t'im c'oem yu'un lajel; yacalic ta yalel lo'laywanej ta c'op. Lec nax ya spatbey sbaic yo'tanic yilel soc sjo'tac, pero ta smelelil ja' nax yac xchajbanbel spejts'ul c'oem.

Malaquías 2:10

¿Yu'un bal ma junuc nax Jtatic ta jpisiltic, ja' te Dios te la xchicnantesotic ta jpisiltic? ¿Bi yu'un nix a te ya jlo'lay jbatic juju-jtul te yacotic ta jelawel a te trato la spas Dios soc te antiguo jme'-jtatique?

Proverbios 4:16

Melel ma sc'an slaman sbaic ja' to teme la spasic te bila amen ta pasele; asta ma ba ya xtal swayelic, teme ma'yuc mach'a ya yaq'uic yaluque.

Proverbios 4:17

Te bila swe'el yuch'el ya yaiye ja' te bila amen ta pasel soc te uts'inwaneje.

Isaías 9:16

Te jtsobwanejetic, ja' la sjowtesic te lume; te mach'atic la xch'uunbey sc'opic, ch'ayic ta jc'axel.