Jeremías 9:26 - Bible in Tzeltal de Oxchuc y Tenejapa

²⁶ Jich bit'il te Egipto, te Judá, Edom, Amón soc Moab, soc spisil te mach'atic ayic ta jochol taquin q'uinal te ya sjoxic te stsotsil sjolic ta xujc' xchiquinique. Melel spisil te lumetic to, soc nix te lum Israel, ta smelelil ma ba yich'oj circuncisión ta yo'tanique —xi'.

Bible in Tzeltal Bachajón

²⁶ ha te Egipto, te Judá, Edom, Amón soc Moab, soc spisil te mach'atic ya xnahinic ta jochol taquin q'uinal te ya sloq'ues te stsotsel sjolic ta xuhc schiquinique. Como spisil te nacionetic ini ma ba yich'ojic circuncisión ta smelelil, soc ha nix hich te pueblo Israel ma ba yich'ojic circuncisión ta yo'tanic, xchi.

Jeremías 9:26 Referans Kwoze

Jeremías 4:4

Ants-winiquetic ta Judá soc Jerusalén, ac'a abaic ta yich'el circuncisión soc na'bonic jba te Awajwalonique, ac'a ta awo'tanic te smarcail te tratoe. Ma me ta scajuc amen awat'elic te tey ya xtil jajch'el jichuc c'ajc' te quilimbae, ya me xtil te ma'yuc mach'a ya xju' yu'un stubele.

Levítico 26:41

ja' nix jichon ya me jtoy jba ta atojolic, ya me quiq'uex bael ta slum-sq'uinalic te acontroique, tey me ya xc'o spejc'an sba a te stoybail awo'tanic swenta amulic, soc ya me atojic te amulique.

Ezequiel 44:7

Ja'ex ya aboltesic te templo cu'une, melel ya awaq'uic ochel jyanlumetic tey a. Ja'ic te ma ba yich'ojic te marca yu'un te trato cu'une, ma'yuc ta yo'tanic ni ta sbaq'uetalic yich'ojic. Ya sjinbeyic sc'oplal, melel ya awac'bonic jwe'elin te xepuil soc te xch'ich'el te milbil majt'anile. Jich ya ajinbonic a te trato cu'une, ta scaj te mero ilaybil sba awat'elique.

Hechos 7:51

“Ja'uc me to, te ja'exe ma x'ac'anic tojobtesel. Te awo'tanique soc te achiquinique pajal c'oemic soc te mach'a ma sna'beyic sba te Diose. Apasojic ta contro spisil ora te Ch'ul Espiritue. Te bila la spasic te antiguo tatiletic cu'untique, ja' nanix jich ya apasic te ja'exe.

Jeremías 49:32

Elc'anbeyaic te scamelloic soc spisil te xchamsbalamique. Ya me jpuc bael ta bayuc ta juju-jejch' q'uinal te winiquetic te ya xjox xujc' xchiquinic; spisil ta juju-jejch' ya me cac'bey tel jinel ta stojolic. Jo'on Ajwalilon, jich ya cal.

Ezequiel 44:9

“Ja' yu'un jo'on te Ajwalilon ya cal: Ma xju' ya x'och jtuluc jyanlum ta templo cu'un, te ma'yuc yich'oj ta yo'tan ni ta sbaq'uetal te marca yu'un te trato cu'une. Ni ja'uc te nainemic ta yolil israeletic te jyanlumetique.

Deuteronomio 30:6

Ya me yac'beyex ta awo'tanic smarcail te trato, soc nix te patil alnich'anetic awu'unique, swenta yu'un c'ux me ya awaiyic ta spisil awo'tanic soc ta spisil ach'ulelic. Jich me ya awich' acuxlejalic a.

1 Samuel 14:6

Jonatán jich la yalbey te abat yu'une: —La', c'axucotic bael ta jejch'. Ya me xc'ootic c'alal ta banti ayic te jchajp soldadoetic te ma ba xch'uunejic te cuxul Diose. Ora ay bi ya spasbotic ta jtojoltic te Cajwaltic, melel ma ba wocol ya yaiy stuquel teme ya yac'otic ta tsalaw soc jteb nax winiquetic, o teme tsobol winiquetique —xi' te Jonatán.

1 Samuel 17:26

Jich te David la sjojc'obey te mach'atic ayic ta sts'eele: —¿Bila ya yac'beyic te winic ya smil te filisteo, te jich ya xlaj sc'oplal ta labanel te soldado-israeletique? ¿Mach'a ya scuy sba a te filisteo te ma ba xch'uunej te cuxul Diose te jich tal stijulabey jajch'el slab yo'tanic te soldadoetic yu'un te cuxul Diose? —xi'.

Jeremías 6:10

La cal te jo'one: —¿Mach'a me ya yaiybon jc'op, teme ya jc'opon, soc teme ya calbey yaiy in c'op to? Cajwal, smacoj xchiquinic, ma xju' ya yaiyic stojol; ya slabanic te ac'ope, ma'yuc yutsil yo'tanic yu'un.

Jeremías 10:1

Aiya awaiy, lum Israel, te sc'op Cajwaltic te ya yalbate.

Jeremías 40:11

Jich nix te judioetic te ayic ta Moab, Amón, Edom soc te yantic nacionetique, la yaiyic stojol te la sc'an yo'tan te muc' ajwalil yu'un Babilonia te ay judioetic te la yac' xan jilel ta sq'uinalic, soc te ja' ac'ot jilel ta ajwalil yu'unic te Gedaliase.

Ezequiel 31:18

Ma'yuc junuc te'etic ta Edén pajal soc ta swenta smuc'ul soc ta swenta stoyolil. Pero pajal me ya xco bael soc yantic te'etic yu'un Edén tey ta lum ta ye'tal balumilale, swenta yu'un ya me sjoin ta nainel c'oem yantic mach'atic ma ba xch'uunejic Dios, soc nix te mach'atic lajic ta guerra. Te muc'ul te'e, ja'at me faraón soc ta spisil te alumale. Jo'on Ajwalilon te jich caloje”, uta me —xi' te Cajwaltique.

Ezequiel 32:19

¿C'ax bal jich at'ujbilal a te bit'il yantique? Coan, limana aba ta sts'eelic te mach'atic xch'uunejic lotil diosetique”, xaat me ta c'ayoj.