Jeremías 9:23 - Bible in Tzeltal de Oxchuc y Tenejapa

²³ Te Cajwaltic ya yal: —Ma me toyemuc q'uinal ya yaiy te mach'a p'ije, ta scaj nax te sp'ijile; ma me jichuc ya spas te mach'a ay yipe, ta scaj nax te yipe; ma me jichuc ya spas te jc'uleje, ta scaj nax te sc'ulejale.

Bible in Tzeltal Bachajón

²³ Hich ya yal te Jehová: Te mach'a ay sp'ijil ma me stoybe sba ya'iy q'uinal yu'un te sp'ijile, soc te mach'a ay yip ma me stoybe sba ya'iy q'uinal yu'un te yipe, te mach'a ay sc'ulejal ma me stoybe sba ya'iy q'uinal yu'un te sc'ulejale.

Jeremías 9:23 Referans Kwoze

Isaías 5:21

¡Ya me awil awocolic, ja'ex te ya acuy abaic te p'ijexe, soc te ya ana'ic q'uinal ta lec ta ac'opique!

Eclesiastés 9:11

Ta balumilal ay yan bila quiloj: Ma ja'uc te mach'a ya xju' yu'un animal te ya stsalawan ta animale, soc ni ja'uc te mach'atic ma sna'ic xiwel te ya tsalawanic ta guerra. Ma ja'uc spisil ora ay swe'el yu'un te mach'atic ay sp'ijilique, ni ja'uc jc'ulejetic te mach'atic ay snopjibal yu'unique, soc ni ja'uquic te mach'atic p'ijubtesbilic te buen maliybilique. Ta spisilic ta ch'in ajc' nax te jich ya xc'ot ta swentaique.

Romanos 1:22

Ya yalic te p'ij yo'tanic ta sc'opique, ja'uc me to, bol te yo'tanique.

Ezequiel 7:19

Ya me xch'ojic ta calle te plata yu'unique; ya me xch'ayic jichuc c'a'pal te oro yu'unique. Ni oro ni plata yu'unic ma xju' ya xcoltayotic yu'un, te c'alal ya xc'ot sc'aalelal te yilimba te Cajwaltique. Ma xju' ya xlamantesbot swi'nalic yu'un, ma xju' ya xnojesbot xch'ujt'ic yu'un, melel ja' nix ta scaj a te oro te yalic ta mulile.

Proverbios 11:4

Ma xtuunix c'ulejalil a ta yorail te castigoe; yan te toj-o'tanile ya x'ac'awan ta libre yu'un te lajele.

Daniel 4:37

“Yo'tic, jo'on te Nabucodonosor, ya calbey wocol, ya quich' ta muc' soc ya jtoyesbey yutsil sc'oplal te Muc' Ajwalil ta ch'ulchane. Melel spisil te bitic ya spase mero melel ya xc'ot, soc mero stojil ya spas. Ya yac'bey spejc'an sbaic te mach'atic bayal sc'oplal ya scuy sbaique”, xi' te Nabucodonosor ta sjun.

Salmos 62:10

Ma me smuc'ulin awo'tanic te ac'ajc'alique; soc ma me xawac' yu'uninbeyex awo'tanic elec'. Teme ay bi ora c'ulejubexe, ma me ja'uc ya smuc'ulin awo'tanic te biluquetic awu'unique.

Deuteronomio 8:17

“Ma me ayuc ya xtal ta awo'tanic te jich ya awalique: “Te jc'ulejaltique, jo'otic ju' cu'untic ta swenta quiptic”, ma me xauquex.

1 Timoteo 6:10

Melel te bic'tal-o'tanil yu'un te taq'uine, ja' mero yisim yu'un spisil ta jchajp te bila amene. Ay mach'atic te scaj sbic'tal yo'tanic yu'un taq'uin te ch'ayix xch'uunjel yo'tanic yu'une. Jich la staiquix bayal swocolic ta c'axem to xan yu'un.

San Marcos 10:24

Te jnopojeletique bayal ayan yo'tanic yu'un te bila la yale, ja'uc me to, te Jesús la yalbey xan yaiyic: —Cal-jnich'nab, wocol ya x'och ta banti ay ta ajwalinel te Dios te mach'a yich'oj sba ta muc' soc te sc'ulejale.

Sofonías 1:18

Ta sc'aalelal yilimba te Cajwaltique, te ants-winiquetic ma xcoltayotic yu'un te plata soc te oro yu'unique. Melel te sc'aal yilimba Cajwaltic ya xlilaj ta c'ajq'uel yu'un spisil te lumq'uinale. Spisilic te mach'atic ayic ta balumilal ajc' nax ya yich'ic jinel ta jyalel.

Ezequiel 29:9

Ya me xc'atp'ujat ta jochol taquin q'uinal. Te ants-winiquetic ya me sna'ic te jo'on Ajwalilone. Jich la awal: “Cu'un te muc'ja' Nilo, jo'on la jpas”, xaat.

Isaías 10:8

Jich ya yal: “Spisil te muc' ajwaliletic, ja' jtsobwanejetic ya xc'ot ta spasel a te mandal cu'une.

Eclesiastés 2:19

Jna'oj te puersa jich ya xc'ote, manchuc me p'ij o bol yo'tan, pero ya me yu'uninbon te p'ijil c'op te ay bayal jwocol te ju' cu'un stael li'to ta balumilale. Ja' yu'un, ja' nix jich, mero tojol ta jyalel.

1 Samuel 17:42

C'alal te filisteo la yil te David te querem to, soc te mero tsaj yelaw soc buen t'ujbil, jich ma ba la yich' ta wenta.

Daniel 3:15

¿Jun bal awo'tanic ya atinan abaic ta stojol, soc ya ach'uunic te loc'omba te jo'on cac'oj ta pasele, te c'alal ya awaiyic te ya xc'opoj te at'ejibaletic yu'un música? Melel teme ma x'ac'an ya awich'ic ta muq'ue, yo'tic nix ya awich'ic ch'ojel ochel ta horno te banti tulan yac ta tilel te c'ajq'ue. Teme jich c'ote, ¿mach'a diosil ya xju' ya scoltayex? —xi'.

1 Corintios 1:31

Ja' swentail te jich ts'ibubil jilel ta Sjun te Diose: “Te mach'a toyol nax q'uinal ya yaiye, ja'uc me toyol nax q'uinal ya yaiy yu'un te Cajwaltique”, te xie.

Filipenses 3:8

Soc spisil te bitic ay ta q'uinale, mero ma'yuquix sc'oplal ta co'tan, ja' nax ay sc'oplal te ya jna'beyix sba ta lec te Cajwal Cristo Jesuse. Ja' ta swenta Cristo te la jch'ay jilel ta spisil. Jich c'oemix ta co'tan te bit'il c'a'pal, swenta yu'un ja' me ay sc'oplal cu'un ya xc'ot stuquel te Cristoe,

Filipenses 3:10

Ja' ya jc'an te yacuc jna'bey sba ta lec te Cristoe, soc te yacuc caiy ta co'tan te yu'el Dios te la yich' cuxesel tel ae, soc te yacuc cac' jba ta woclajel uuc jich te bit'il c'ax swocole, soc te yacuc jnopbey yo'tan te bit'il la yac' sba ta lajele.

Job 32:13

Swenta yu'un ma ba ya acuy abaic ta mero p'ij a, ja' te Dios stuquel te ya sjac'bey sc'op te Job, ma ja'uc te winique.

Proverbios 3:5

Ja' me ac'a smuc'ulin awo'tan ta lec te Cajwaltique, ma me ja'uc x'awich' aba ta muc' te sp'ijil ajole.

Proverbios 21:30

Ma'yuc p'ijil c'op ni tac'uyel ni sp'ijil sjol te ants-winiquetic te ya yaiy tsalaw ta stojol te Cajwaltique.

Isaías 20:5

Te israeletic ya me xnoj xiwel ta yo'tanic, soc ya me yaiyic q'uexlal ta yo'tanic, te smuc'ulinej yo'tanic te Etiopía soc te Egipto, te toyol nax q'uinal la yaiyic yu'une.

Isaías 47:10

Te ja'ate awich'oj aba ta muc' soc te bila amen ya apase; soc la anop ta awo'tan: “Ma'yuc mach'a ya yilon”, xaat. Te ap'ijil soc te bitic ya ana' ta ac'ope, la slo'layat. La anop ta awo'tan: “Jo'on nax, ma'yuc yan jich te bit'ilone”, xaat.

Jeremías 48:7

“Ja'at Moab, la awich' aba ta muc' soc awip soc ac'ulejal; ja'uc me to, ya me awich' tsaquel. Te Quemós te dios awu'une, ya xbajt' ta chuquel ta c'ubul, soc te sacerdoteetic yu'un, soc te mach'atic muc' sc'oplalique.

Jeremías 49:4

¿Bi yu'un cajal ya awac' aba yu'un te awipe? Te ja'at toyba lum, ya xlajix te awipe. Ja' smuc'ulinej awo'tan te ac'ulejal atsoboje, te jich ya awal: “¿Mach'a c'an yac'bon guerra?” te xaate.

Job 41:15

Te lomoetic yu'un, majq'uilaletic yilel te cholol yu'une, macajtic soc buen tulanic, pajalic soc tonetic yilel.

Salmos 33:5

Te Cajwaltic bin nax yo'tan yu'un te toj-o'tanil soc te bila toj ta pasele; te xc'uxul yo'tan, nojel ta spamal balumilal.

Salmos 34:3

Jun nax me ya cac' jbatic ta stoyesel sc'oplal Cajwaltic te stalel ay ta ich'el ta muq'ue.

Salmos 44:9

Pero yo'tic la aloq'uesotiquix ta atojol; la awac'botiquix caiytic q'uexlal. Ma ba ya xloc'atix ta guerra soc te soldadoetic cu'untique.

Jeremías 31:34

Ma'yuquix mach'a ya xp'ijubtesot yu'un sjo'tac ni spat-xujc' ta swenta sna'belonic jba, melel spisilic me, bay muc'-biq'uit, ya me sna'bonic jba. Ya jpasbey perdón te bila amen spasoje, soc ma ba ya jna'bey xan te smulique. Jo'on Ajwalilon, jich ya cal —xi' te Cajwaltique.

Jeremías 48:14

“Ma me xyal te Moab: “Jo'otic tulanotic, ay quiptic yu'un guerra”, ma me xiuc.

Miqueas 6:8

Te Cajwaltic la yalbatix, ja'at ants-winic, te bila lec ya sc'an pasel soc te bila a te ya smaliybat te ja'ate: Ja' te ya apas te bila toj ta pasele, te junajem awo'tan ta stojol; soc te peq'uel awac'oj aba ta xch'uunel sc'op spisil ora te Dios awu'une.