Jeremías 9:15 - Bible in Tzeltal de Oxchuc y Tenejapa

¹⁵ Te jo'on Ajwalilon te Spisil ya xju' cu'une, te Dioson yu'un Israel, ja' swentail te ya cal: Ya cac'bey swe'ic te bila bayal xch'aale, ya cac'bey yuch'ic ja' te capal soc veneno.

Bible in Tzeltal Bachajón

¹⁵ Ha yu'un hich ya yal te Jehová te scuentahinej spisil, te Dios yu'un Israel: Ilawil, te pueblo ini ya ca'be swe' ch'ahco' soc ya ca'be yuch'ic ha' te ay svenenohil.

Jeremías 9:15 Referans Kwoze

Jeremías 8:14

Te lum ya me yalic: —¿Bistuc ya x'ainotic li'to? Ya xbootic jpisiltic ta lumetic te tulanic sts'ajc'ule, repente ya smilotic ta jc'axel. Te Cajwaltic te Dios cu'untic ya yac'otic ta lajel; ya yac'botic cuch'tic ja' te capal soc veneno, melel yacotic ta spasel mulil ta stojol.

Lamentaciones 3:15

Te Cajwaltic la snojesbon ta co'tan te bila ay xch'aale; ch'a te uch'balil la yac'bone.

Salmos 80:5

Ja' la awac' jwe'elintic c'oem te ya'lel jsitique; ja' cuch'baltic c'oem awu'un te ya'lel jsitique.

Jeremías 23:15

Jich yu'un, te jo'on Ajwalilon te Spisil ya xju' cu'une, ya cal ta stojolic te mach'atic j'alwanejetique: Ya cac'bey swe'ic te bila bayal xch'aale; ya cac'bey ja' yuch'ic te yich'oj veneno. Melel te mach'atic j'alwanejetic ta Jerusalén pujq'uemix yu'unic te bila amen ta spamal te lumq'uinale —xi' te Cajwaltique.

Apocalipsis 8:11

Ch'aal Wamal sbiil te eq'ue. Mero ch'a c'ot te ja'etic yu'une. Jich laj bayal ta jtul te ants-winiquetic ta swenta te ja'e, yu'un mero c'ax jelawen nax xch'aal c'ot.

Lamentaciones 3:19

Ya jna' te ayon ta mel-o'tan soc te jtuquel ayone, te ch'auben co'tan yu'un te woclajel ya caiye;

Jeremías 25:15

Te Cajwaltic te Dios yu'un Israel, la yalbon: —Ilawil te copa te nojel yu'un vino, ja' te quilimbae. Tsaca soc ac'beya yuch' spisil te nacionetic ta bay ya jticunat baele.

Isaías 2:22

Ma me ja'uc xan ya smuc'ulin yo'tan te ants-winiquetic, melel jteb nax stael stuquelic. Te xcuxlejal ants-winic, jich nax me te bit'il ya sjic' te yo'tane.

Isaías 2:17

Te mach'atic muc' yac'oj sbaic soc te toyol yac'oj sbaique, jc'axel me ya yich'ic pejc'anel ta jyalel. Te bi c'aalil ya xc'ot ta pasele, ja' nax me stuquel te Cajwaltic te ya yac' ta ilel te smuc'ule;

Salmos 75:8

Te Cajwaltic yich'oj ta sc'ab te svasoil te yilimba, jich c'oem te bit'il capbil vino te pajubene. Te bi ora ya sp'is stuquel te vino, spisilic te mach'atic amen yo'tanic ta lumq'uinal ya me slajinic yuch'el, ma'yuc jxujt'uc ya xjil yu'unic.

Salmos 69:21

La yac'bonic veneno ta jwe'el; soc te c'alal taquej co'tan, la yac'bonic cuch' vinagre.

Salmos 60:3

La awaq'uix c'axuc yu'un tulan pruebaetic te lum awu'une, la awac'botiquix vino c'oem te ya xjowejotic yu'une.

Deuteronomio 29:18

Ma me ayuc ants o winic ta awolilic ta chajbalchajp te yo'tic ya yijq'uitay ta yo'tan te Cajwaltic Dios cu'untic, ta scaj te ya xbajt' ta yich'el ta muc' te lotil diosetic yu'unic te nacionetique. Ma me ayuquex ni jtuluc te pajalex soc yisim ch'aal wamal te ay svenenoile.

Deuteronomio 28:36

“Te Cajwaltic ya me yac'at ta chuquel bael soc te muc' ajwalil awu'un, ta jun nación te ma'yuc x'awile, soc te ni ja'uc xyilic te ame'-atate. Tey me ya sujat ta abatinel yu'un yan diosetic a, te pasbil ta te' soc ta ton.

Jeremías 24:10

Ya jticunbey guerra ta stojolic, wi'nal soc chamel te ya xmilawane, ja' to me te ma'yuc jtuluc ya xjil ta slumalic te la cac'bey yu'uninic soc te antiguo sme'-statique —xi' te Cajwaltique.

Jeremías 44:27

Melel ayon me ta yilel ta sticunel tel woclajel ta atojolic, te ma swentauc awutsilalique. Spisilic te judioetic te nainemic ta Egipto, ya me xlajic ta jc'axel ta guerra o ta wi'nal.

Jeremías 49:37

Ya me cac' xnijc' te Elam ta stojol te scontrotaque. Ya me jticun tel te bila amen; ya me cac' tel ta stojol te quilimbae. Soc ya me jticun tel guerra te ya xtal sjin jilel ta jc'axele. Jo'on Ajwalilon, tulan ya cal.

Ezequiel 5:2

Te bi ora ya xlaj te guerra ta stojol te lume, chic'a jtomuc te stsotsil ajol ta yolil te lume. Patil ya me atsac jun cuchillo, set'a xan jtomuc te stsotsil ajol ta sjoyobal sti'il te lume. Te jtom xan ya xjile, puca bael ta ic'. Te jo'one ya me xboon ta spat ta smilel ta puñal te winiquetic ta lume.

Ezequiel 5:12

Ya me xlaj jun ta yoxebal ta c'ajc'al chamel te alumale, soc ya me xchamic ta wi'nal ta yutil alumal. Jun xan ta yoxebal ya me xlajic ta milel yu'un te contro ya xtal ta sjoyobale. Te yan jun xan ta yoxebal jileme, ya me jpuc bael ta xchanxujc'ul balumilal. Te jo'one ya me xboon ta spatic soc jpuñal ta smilel.