Jeremías 9:11 - Bible in Tzeltal de Oxchuc y Tenejapa

¹¹ “Te Jerusalén, ya jc'atp'un ta jbus nax tontiquil; xch'en ja'mal ts'i'etic ya xc'ot. Ya jc'atp'un ta jochol taquin q'uinal te lumetic ta sq'uinal Judá; soc ma me ayuc yajwal ya xjil ta jyalel —xi' te Cajwaltique.

Bible in Tzeltal Bachajón

¹¹ Te Jerusalén ya jsutp'in ta busul tontiquil, sna ha'mal ts'i'etic ya xc'oht; soc ya jsutp'in ta jihnem q'uinal te pueblohetic yu'un Judá, mayuc mach'a ya x'ayin tey a, xchi te Jehová.

Jeremías 9:11 Referans Kwoze

Isaías 25:2

Te lumetic la ac'atp'un ta busulbus tontiquil; te lumetic tulanic sts'ajc'ule, jiniquix. La ajinbeyix te muc'ul naetic yu'un te mach'atic acontrotaque; ma xju'ix ta cha'pasel ta sbajt'el q'uinal.

Jeremías 51:37

Busulbus me ya xjil te jinem ts'ajq'uetique; ja' me sna te ja'mal ts'i'etic ya xc'ot, ma me xju'ix nainel tey a, spisil mach'atic ya yilic, ya me x'ac'botic xiwtesel soc labanel te bit'il yan ta ilele.

Jeremías 10:22

“Aiya awaiyic, ay c'op jul tel, mero tulan nax ya xtal soc sc'opic te jpam lum ay ta norte. Ya sc'atp'unic ta jochol taquin q'uinal te sq'uinal Judá, ja' nax ya x'ainic tey a te ja'mal ts'i'etique.

Isaías 34:13

Te palacioetic yu'unic ya xch'i tel ch'ixetic tey a; soc te tulanil ts'ajq'uetic yu'unic ya xch'i chic-ch'ixetic soc tsujc'um-ch'ixetic tey a. Ja' me yawilic ya xc'ot te ja'mal ts'i'e, soc ja' me ta bay ya xc'o ainuc te mutetic avestruz sbiilique.

Isaías 13:22

Ja' nax tey ya x'awunic ta muc'ul naetic te ja'mal ts'i'etic, soc te bay t'ujbil palacioetic tey me ayic a te ja'mal jti'awal ts'i'etique. Nopolix ya xc'ot yorail te Babilonia; ma'yuquix bayal c'aal —xi' te Cajwaltique.

Miqueas 3:12

Ja'uc me to, ta awentaic te ja'exe, ya me xc'atp'uj ta joc'bil lum te Jerusalén; ja' te lum ta wits Sión, ta busulbus ya xc'ot. Soc te wits ta banti ay te templo ya me xmujc' ta ja'mal q'uinal.

Lamentaciones 3:47

xiwtesel, yaquiletic, jinel soc lajinel, ja' c'oemic ta jwentatic.

Lamentaciones 2:2

Te Cajwaltic ma'yuc bay la yijq'uitay junuc na yu'un Jacob; ta ora nax la sjin yu'un sc'ajc'al yo'tan te tulanil anjibal ts'ajq'uetic yu'un te t'ujbil Judá. La spejc'anbey te bit'il ya xmandalaj, soc la sliman ta lum te ajwaliletic yu'une.

Jeremías 34:22

Ya me calbey mandal te ya xcha'sujt'ic tel ta stojol te lum ta yaq'uel guerra. Ya me stsaquic, soc ya me yac'beyic sc'aal. Ta bay yantic lumetic ta sq'uinal Judá, ya me jpas te ya xjojch'aj ta jyalel, ma'yuc yajwal ya xjil. Jo'on Ajwalilon, jich ya cal —xi' te Cajwaltique.

Jeremías 26:18

—C'alal ay ta q'uinal te Ezequías te muc' ajwalil yu'un te Judá, te Miqueas te talem ta Moreset c'opoj ta swenta te Cajwaltic ta stojol spisil te lum Judá, jich la yal: “Jich la yal te Cajwaltic te Spisil ya xju' yu'une: ‘Te Sión ya xc'atp'uj jilel ta jinem q'uinal, te Jerusalén busulbus ya xjil te sts'ajc'ule, te switsul templo ya xnoj ta pimil q'uinal’, xi' me”, xi' ta yalel.

Jeremías 25:11

Spisil te lum ya xjin jilel, ya xc'atp'uj ta jinem ts'ajq'uetic. Lajuneb me xchanwinic (70) ja'wil ja' in nacionetic to ya me yac' sbaic ta xch'uunel smandal te muc' ajwalil yu'un Babilonia.

Salmos 79:1

Dios cu'un, te mach'atic ma ba xch'uunejat la yochintaybatix te aq'uinale. La sboltesbeyiquix sc'oplal te ch'ul templo awu'un, soc la sjiniquix jilel te Jerusalén.

Miqueas 6:16

Melel ja' at'unoj ta ch'uunel smandal soc ta spasel yat'el te Omri soc te mach'atic ay yu'un Acab, jich yacat ta spasel te bit'il la spasique. Ja' yu'un ya jpasbat ja'at soc te awinictac te ya awich'ic ilayel soc labanel; soc ya me xc'ot ta awenta te labanel yu'un te nacionetique —xi' te Cajwaltique.

Miqueas 1:6

Jich yu'un ya yal te Cajwaltique: —Ya jpasbey te lum Samaria, jbus nax ts'ajc' ya xc'ot. Jamal me q'uinal te tey ya yich' ts'unel a te ts'usubiletique. Ya jpucbey bael ta stenlej xatal q'uinal te tonetic yu'un te lume; t'anal ya quijq'uitaybey te yiptajibe.

Jeremías 26:9

¿Bi yu'un ya xjelawat ta yalel c'op ta swenta Cajwaltic ta templo? ¿Bi yu'un ya awal te jich me ya xjil te bit'il Silo te lume, soc te ya me yich' jinel soc ma'yuquix yajwal ya xjil, te xaate? —la yutic. Ta spisil lum la stsob sbaic tel ta templo, la sjoytayic te Jeremiase.

Jeremías 25:18

La cac'bey yuch' te Jerusalén, te lumetic yu'un Judá, te muc' ajwaliletic yu'une, soc te jtsobwanejetique, ta swenta sjinelic soc te ya xc'atp'ujic jilel ta jinem ts'ajq'uetic te ya yac' xiwel soc nijq'uel. Ja' me seña te boloben sc'oplalic asta ora to.

Isaías 44:26

Ja'uc me to, ja' ya cac' c'otuc ta pasel sc'op te abatetic cu'une; soc te lecuc ya xc'ot ta loq'uel te bitic chajbanbil yu'un te mach'atic jticuneje. Ya me cal ta jamal, te Jerusalén ya xnoj xan yajwal, soc te lumetic yu'un ta Judá ya me yich' xan pasel. Jo'on ya cac' jajch'uc xan te jinem ts'ajq'uetic yu'une.

Nehemías 4:2

Jich la yal ta stojol te sjo'taque, soc ta stojol te soldadoetic ta Samaria: —¿Bi ya scuy sbaic a te judioetique te lajemic ta wi'nale? ¿Yu'un bal ya scuyic te ya yich'ic aq'uel permiso te ya yac'beyic xan milbil smajt'an te Dios yu'unique? ¿Yu'un bal scuyojic te ya xju' yu'unic spasel ta jun nax c'aal? ¿Yu'un bal scuyojic te ya x'ach'ub yu'unic te c'ajq'uem-tonetic ya sjots'ic loq'uel, te tenajtic ta banti busajtic ta lume? —xi'.

Apocalipsis 18:2

Tulan awun ta c'op la caiy. Jich la yal: “Jinemix. Jinemix te muc'ul lum Babiloniae. Nainbilix yu'un te pucujetique. Ja' yawiliquix spisil ta jchajp te pucujetic te ilaybile. Xluchtijib c'otix spisil ta jchajp mutetic te ilaybile.

Levítico 26:32

“Ya me jlajinbeyex te alum-aq'uinalic, te acontroic te ya xtalic ta nainel tey a, yan nax q'uinal ya yaiyic yu'un.

Salmos 44:19

Pero la atenotic bael ta wocol ta yawil ja'mal ts'i'etic; la amucotic ta yaxinal lajel.

Jeremías 1:15

Jo'on Ajwalilon, smelelil ya calbeyex: Ya quic' tel spisil jmandalteswanejetic yu'unic te mach'atic ayic ta norte. Ya me xtalic te muc' ajwaliletic yu'unic, soc ya me yaq'uic smuc'ul nactijibic ta bay nix stojol yochibal Jerusalén, ta bay stojol sts'ajc'ul te ay ta sjoyobale, soc ta stojol spisil te lumetic yu'un Judá.

Jeremías 4:27

Te Cajwaltic jich ya yal: —Te lumq'uinale jochol ya xc'ot; ja'uc me to, ma ba ya jin ta jc'axel.

Jeremías 44:2

—Te Cajwaltic te Spisil ya xju' yu'un, te Dios yu'un Israel, ya yal: “Awilojic ja'ex ta spisil te bila woclajel la cac' taluc ta stojolic ta Jerusalén soc ta yantic lumetic ta Judá. Ta ora yo'tic jiniquix ta jyalel, ma'yuquix mach'a nainemic tey a

Jeremías 49:33

Te Hazor jochol ya xjil sbajt'el q'uinal, sna ja'mal ts'i'etic ya xc'ot. Ma'yuquix mach'a ya xbajt' ta nainel tey a, soc ma'yuc mach'a ya xc'ax —xi'.

Jeremías 50:3

Melel ta norte ya xmo tel jun nación ta scontroinbel sba soc, ya me sc'atp'unbey ta jochol q'uinal te slumale. Ma me ayuc ni ants-winiquetic, ni chambalametic, ya xbajt'ic xan ta nainel tey a, melel spisil me ya x'anic loq'uel —xi' te Cajwaltique.

Lamentaciones 1:4

Mel-o'tantic nax sba te beetic yu'un Sión, ma'yuc mach'a ya xtal ta q'uinetic. Te yochibal te lume jocholiquix; te sacerdoteetic ya x'oq'uic. Ma'yuc ta q'uinal ya yaiyic te ach'ixetique; te Jerusalén ch'auben yo'tanic.

Deuteronomio 29:23

Ya me yilic ta spisil te lumq'uinale, ja' nax ya xchicnaj azufre, ats'am soc c'ajq'uem lum. Ma me ayuc bila ya xju' ta ts'unel tey a, soc ma'yuc bila ya yac' sit tey a, ni junuc wamal ya xch'i tey a, jich te bit'il ta Sodoma, Gomorra, Adma soc Zeboim, te la slajin te Cajwaltic ta swenta sc'ajc'al yo'tan soc yilimba.

Salmos 107:43

Te mach'a ay sp'ijile ya sc'an te ay ta yo'tan ta spisil, soc te yacuc sna'beyic swentail te xc'uxul yo'tan te Cajwaltique.

Jeremías 8:22

¿Ma bal ayuc jtebuc poxil ta Galaad? ¿Ma bal ayuc mach'a ya xpoxtaywan tey a? ¿Bi yu'un ma xcol te jlumale?

Jeremías 16:10

“C'alal ya awalbey te lume, ya me sjojc'obat: “¿Bi yu'un la yal mandal Cajwaltic te la yac' taluc ta jtojoltic te bila amen te muc' ta jyalele? ¿Bila amen jpasojtic? ¿Bi mulil jpasojtic ta stojol Cajwaltic te Dios cu'untique?” xiic me.