Jeremías 9:10 - Bible in Tzeltal de Oxchuc y Tenejapa

¹⁰ “Oc'anic soc ajc'anajanic ta witstiquil, c'ajintayaic mel-o'tan c'ayoj ta aquiltic, melel chic'biliquix, soc ma'yuc mach'a ya xc'axix tey a; ma'yuc bay ya xchicnajix sc'op te wacaxe, asta te mutetic soc te chambalametic te ya xti'awanique, bajt'iquix ta anel.

Bible in Tzeltal Bachajón

¹⁰ Ya x'oc'on soc ya x'ahcanajon yu'un te witsiltic, ya jc'ayojtay mel-o'tan c'ayoj yu'un te aquiltic ta jochol taquin q'uinal, como la yich'ic jinel, mayuc mach'a ya xc'axix tey a, soc ma ba ya xchicnajix yoq'uel wacaxetic; te mutetic ta ch'ulchan soc te chambahlametic ta q'uinal bahtic ta ahnel.

Jeremías 9:10 Referans Kwoze

Jeremías 12:4

¿Jayeb to c'aal ya xjalaj te taquejem te lumq'uinale te ya xtaquej te aquiltique? Te chambalametic soc te ja'mal mutetic yacalix ta lajel ta scaj amen te yajwal te lumq'uinale, te ya scuyic te ma x'awil te bila ya spasique.

Oseas 4:3

Jich yu'un te lumq'uinal yaquix yoc'taybel sba c'oem; ma'yuquix yipic te mach'atic tey ayic ae, soc ma'yuquix yipic te ja'mal chambalametic soc te mutetique, ja' nix jich ya xlajic te chayetic ta mar.

Ezequiel 33:28

Te lumq'uinal jochol me ya xjil cu'un soc jinem ya xjil. Ya me jlajinbey te yip te mero stoyoj sba yu'une. Te witsetic yu'un Israel jochol taquin q'uinal me ya xjilic, ma me ayuc mach'a ya xc'ax xan ta witsetic.

Ezequiel 29:11

Ma ba ya xc'ax ants-winiquetic, ni chambalamuc tey a. Cha'winic (40) ja'wil ma'yuc mach'a ya xju' ya xnain tey a.

Ezequiel 14:15

“Teme ya jticun jti'awal chambalametic ta lumq'uinal, te yu'un ya smilbey te yajwal soc ya sc'atp'un ta jochol taquin q'uinale te banti ma'yuc mach'a ya sc'an ya xc'ax ta scaj xi'el te jti'awal chambalametique,

Jeremías 12:10

Bayal jtsobwanej-controinwanejetic la sjinbonic te ts'usubile, la spech'bonic jilel ta teq'uel. La sc'atp'unbonic ta jochol taquin q'uinal, ja' te q'uinal te jmulanej ta leque.

Jeremías 7:29

Jerusalén, joxa loq'uel te stsotsil ajole, ch'oja bael. C'ajintaya mel-o'tan c'ayoj ta ch'in witsetic ta jochol taquin q'uinal. Melel te Cajwaltic ilinem ta stojol te awinictaque, la spijt'esix soc la xch'ojix bael ta yo'tan.

Lamentaciones 2:11

Ya xtup'ix jsit yu'un te oq'uele; soc ya slajinbon ya caiy te co'tane. C'alal ta lum bajt' sbujts' te q'uinale, yu'un te la yich'ix jinel ya quil te lum cu'une, yu'un te la quil te muc'-biq'uit yacalic ta lajel ta calleetic yu'un te wi'nale.

Lamentaciones 1:16

Ja' ya yac'on ta oq'uel, nojelic ya'lel jsit yu'un. Melel ma'yuc mach'a ya smuc'tesbon co'tan; ma'yuc mach'a ya yac'bon xan yach'il yip te co'tane. Te jnich'nabe la yich'ic jinel; melel te jcontro, c'ax to xan ju' yu'unic a te bit'ilotique.

Jeremías 23:10

Te lume nojel ta yo'tanic mulwej; ja' te ants-winiquetic buen animal ya xbajt'ic ta spasel te bila amene, mero ya stuuntesic yip sbaq'uetalic ta spasel te bila ma stojiluque. Ja' swentail te la yut jilel Cajwaltic te q'uinale, jich a taquej te lumq'uinale, c'ajq'uem yilel a jil te aquiltic ta jochol taquin q'uinal.

Jeremías 14:6

Te ja'mal burroetic, ya xcojt'ajic ta t'axal witstiquil, ya yich'ic ic' jich bit'il ja'mal ts'i'etic; ya x'ijc'ub q'uinal ya yilic, melel ma'yuc aquiltic ya swe'elinic —xi' te Cajwaltique.

Jeremías 8:18

Te xc'uxul jwocole ma'yuc xpoxil, ya xcomix co'tan ya caiy.

Jeremías 2:6

Ma la anopic ta awo'tanic te ya aleonic, jo'on te la jloq'uesex tel ta Egipto, te la quiq'uex bael ta jochol taquin q'uinal, taquin te q'uinale, soc puro jemeltic, ja' te q'uinal te ma'yuc ja' tey ae, nojel nax yu'un te bitic xiweltic sbae, ja' te lumq'uinal te ma'yuc mach'a ya xnain tey a, ja' te ma'yuc mach'a ya xju' xc'ax tey a.

Isaías 49:19

Puro jinbil ts'ajq'uix ta neelal te alumale; jinbil, jojch'ajem jilel awu'un te lumq'uinale. Ja'uc me to, ta ora yo'tic te aq'uinale ch'in me ya xc'ot, yu'un ta scaj te ants-winiquetique. Te mach'atic la sjinate c'ubul ayic.

Isaías 41:15

Ya jc'atp'unat ta sloq'uesjibal spat trigo te yach'il soc te lec ye; ya me awuy te witstiquile, ya me ac'atp'un ta tan, ya me awuy jichuc c'ajben te bay bujajtique.

Jeremías 50:3

Melel ta norte ya xmo tel jun nación ta scontroinbel sba soc, ya me sc'atp'unbey ta jochol q'uinal te slumale. Ma me ayuc ni ants-winiquetic, ni chambalametic, ya xbajt'ic xan ta nainel tey a, melel spisil me ya x'anic loq'uel —xi' te Cajwaltique.

Ezequiel 27:2

—Ja'at winic, c'ajintaya ta stojol Tiro te c'ayoj swenta lajel in to,

Joel 1:13

Jichex uuc sacerdoteetic te ya awac' abaic ta abatinel ta scajtijib ta chiq'uelsmajt'an Dios, lapaic ch'ixal pac', oq'uetaya te templo. Melel ta templo yu'un Dios awu'unic, ma'yuquix trigo soc cebada ni vino yu'un smajt'an Dios.

Joel 1:19

Cajwal, ja'at ya jc'oponat, melel lajix ta chiq'uel ta c'ajc' c'oem te swamalel te jochol q'uinale, soc lajix ta c'ajq'uel te te'etic ta q'uinaletique.

Amós 5:1

Aiybon awaiyic jc'op, israeletic, aiya awaiyic te mel-o'tan cu'un ta atojolique:

Amós 5:16

Jich ya yal te Cajwaltic Dios te Spisil ya xju' yu'une: —Ay me oq'uel ta yolil lum, ta spisil calleetic ay me awetic.Jich me ya yalic: “¡Ay! ¡Ay!”, xiic me ta oq'uel. Ya me x'ic'otic tel ta oq'uel te mach'atic ayic ta c'alc'altic, soc te mach'atic yat'elinejic oq'uel yu'un te mel-o'tane.

Miqueas 2:4

Jich me yorail te ya yich' c'ajintayel ta atojolic c'ayojetic swenta mel-o'tan. Jich me ya yalic: “Jc'axel la quich'tic jinel ta jyalel; te lum cu'untic, te ja' yu'un te Cajwaltic, la yich' jelel yajwal, ma'yuc mach'a ju' yu'un scomel; te jq'uinaltic la spucbeyix sbaic te jtsalwanejetic cu'untique”, xiic me —xi' te Cajwaltique.

Jeremías 2:15

¿Bi yu'un ya snutsic jichuc león-chojetic te tulan nax ya x'awunic ta jyalele? Ma'yuc yutsil la yijq'uitaybeyic jilel te slumale; te lumetic yu'unique la yich' chiq'uel, soc ma'yuquix mach'a jil tey a.

Jeremías 12:11

Jochol taquin q'uinal la yijq'uitaybonic, soc t'axal a jil, oq'ueltic sba ya quil. Spamal te lumq'uinale, jochaj jilel ta jyalel, ma'yuc mach'a ya xc'opoj yo'tan yu'un.

Lamentaciones 5:18

Te wits Sión ja' jinem ts'ajq'uetic c'oem; xtal xbajt'ic tey a te waxetique.

Ezequiel 6:6

Ta spisil te banti nainemexe, te lumetic ya me yich'ic lajinel, soc te toyol ch'uunjibaletic ya me yich'ic busanel ta jinel. Te scajtijib ta chic'beyel smajt'an awu'unic jc'axel me ya yich'ic jinel ta spisil, soc ya me yich'ic wuyel ta jc'axel te loc'ombaetic awu'unique, soc te scajtijib ta chic'beyel spom awu'unique ya me yich'ic wuyel. Ta spisil te bila apasojique, ya me yich'ic lajinel ta jc'axel.

Miqueas 3:12

Ja'uc me to, ta awentaic te ja'exe, ya me xc'atp'uj ta joc'bil lum te Jerusalén; ja' te lum ta wits Sión, ta busulbus ya xc'ot. Soc te wits ta banti ay te templo ya me xmujc' ta ja'mal q'uinal.