Jeremías 8:9 - Bible in Tzeltal de Oxchuc y Tenejapa

⁹ Ja'uc me to, te p'ijic ta sc'opique, peq'uel me ya xjilic. Ya me xnijc' yo'tanic, jichuc chambalametic te ya x'ochic ta pejts'e. ¿Banti ay te sp'ijilic, te bit'il ma la sc'anbonic te jc'ope?

Bible in Tzeltal Bachajón

⁹ Ya x'ac'otic ta q'uexlal te mach'atic ay sp'ijilic, ya xlaj yip yo'tanic soc ya x'ochic ta yaquil. La sp'ajic te sc'op Jehová, ¿banti ay te sp'ijilique?

Jeremías 8:9 Referans Kwoze

Jeremías 6:15

Ya me sc'an ya xq'uexawic yu'un te bit'il jich ya spasic te ma sts'ijq'uix cu'une. Ja'uc me to, ma'yuquix q'uexlal ya yaiyic yu'un, ni ma niwan sna'ic te bila a te q'uexlale. Ja' yu'un, te c'alal ya cac'bey castigo, ya sc'ojch'in sbaic soc ya me xyalic jich bit'il te yantique. Jo'on Ajwalilon te jich ya cale —xi' te Cajwaltique.

Job 5:12

ja' ya sjinbey te bila chapal yu'un te mach'a p'ij yac'oj sbae, soc ma'yuc swentail ya xc'ot.

Jeremías 6:19

Aiya awaiy stojol, balumilal: Ay bi tulan swocolil ya cac'bey tel ta stojol te lume, ja'ix sit swocolil te bila amen la xchajbane; melel ma la spasic te la yich'bonic ta muc' te jc'ope, la yilaybonic te p'ijubtesel cu'une.

Isaías 19:11

Te ja'exe, te bol jtsobwanejex yu'un lum Zoán, te ayex ta tojteswanej soc ap'ijilic yu'un Egipto, ta smelelil, jtojteswanejex te ma x'ana'ic q'uinale. ¿Bit'il loc' ta alel awu'unic ta stojol te faraón: “Ja' sts'umbalotic te mach'atic p'ijique, ja' sts'umbalotic te muc' ajwaliletic ta namey q'uinale”, te xaexe?

Salmos 19:7

Mero lec te p'ijubtesel yu'un te Cajwaltique, melel ya x'ach'ub jcuxlejaltic yu'un. Te smandal Cajwaltic jun nax bi ya yal, melel ya xpasot ta p'ij yu'un te mach'a ma sna' q'uinale.

Deuteronomio 4:6

Ac'a me c'otuc ta pasel awu'unic, soc jich me xapasic bael spisil ora, melel jich me ya sna'ic a te yantic lumetic te ay sp'ijil awo'tanic soc te spisil ya ana'beyic swentaile. Te c'alal ya sna'ic te bit'il ay te mandaliletic, jich me ya yalic: “Mero bayal sp'ijil yo'tan, soc sna'ojbey swentail spisil, ja' muc'ul nación in to”, xiic me.

2 Timoteo 3:15

Melel ta awalalil to ana'oj te bila ts'ibubil jilel ta Xch'ul Sjun te Diose, te ja' ya yac'bat sp'ijil awo'tan te bit'il ya xcolat ta swenta xch'uunjel awo'tan ta stojol te Cristo Jesuse.

Ezequiel 7:26

Ma me xquejch'aj wocol ta stojolic; xtal xc'ax ya xjul ta stojolic te amen c'opetique. Tojol me ya yac' swocolic ta sleel j'alwanej yu'un Dios, te yu'un ay bila ya x'ac'bot sna'ic yu'une. Ma me ayuc sacerdoteetic te ya xju' ya xp'ijubtesotic yu'une. Soc ma me ayuc principaletic te ya yich'ic tojtesel yu'unique.

Jeremías 49:7

Ja' sc'oplal Edom yu'un Cajwaltic te Spisil ya xju' yu'une: —¿Yu'un bal ma'yuquix mach'a ay sp'ijil ta Temán? ¿Yu'un bal ma sna'iquix te bila ya spasic te mach'atic ay sp'ijil sjolique? ¿Ch'ay balix te sp'ijilique?

Isaías 8:20

swenta yu'un ya x'ac'botic sna'ic te bila ya yal —xiic me. Jich nix ya yalbeyex a, pero te bila ya yalique puro jowil c'op.

2 Reyes 17:15

Ja' la xch'aybeyic te mandaliletic yu'un Cajwaltic, soc te c'op xchapoj soc te antiguo sme'-statique, soc te smandal albotic yu'une. La st'unic diosetic te ma'yuc sc'oplale, ja' nix jich ma'yuc swentail bajt'ic yu'un. Ja' la st'unbeyic stalel te nacionetic ayic ta spat-xujq'uic, manchuc me ja' te bi combilic ta spasel yu'un te Cajwaltique.

Isaías 29:14

Ja' yu'un ay me señailetic soc jchajp at'eliletic, ya me cac' xch'ay jilel q'uinal yaiyic yu'un te lume. Te sp'ijil sc'op te mach'a p'ijique ya me xch'ay ta jc'axel; te sp'ijil sjol te mach'atic ay sp'ijil yo'tanique ya me xch'ay —xi'.

Jeremías 15:6

Ja'at la awijq'uitayon ta awo'tan, sujt'at bael ta apat. Jo'on Ajwalilon, jich ya cal. Jich yu'un lubenonix ta maliybelex; jich la jtoy jc'ab ta swenta cac'belat castigo, soc la jinat.

Jeremías 19:7

Tey ta bay lum to ya jinbey ta jc'axel te bila xchapoj te Judá soc te Jerusalén. Ya me cac' tsalotuc yu'un te scontrotac soc te ya xmilotic yu'une. Te sbaq'uetalic ya me xti'ot yu'un te xulemetic soc te jti'awal chambalametique.

Amós 2:4

Jich ya yal xan te Cajwaltique: —Te mach'a ayic ta Judá bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel ma la sc'an yo'tanic te p'ijubtesel yu'un Cajwaltic, soc ma la xch'uunbeyic te mandaliletic yu'une. Ja' la xch'uunic te yajcananic te la xch'uunic te sme'-statique.

Zacarías 13:4

“Te c'alal ya sta sc'aalelal ya me xq'uexawic te j'alwanejetic te ay bi la yil ta sc'opique. Ma me ayuc mach'a ya slo'lay teme ya slapic te c'u'il nujc'ul yu'un j'alwanejetic,

Job 5:13

Ja' ya spotsbey yo'tan te mach'a p'ije, ja' te mach'a ay sp'ijil ya scuy sba ta stuquel-o'tane, ya sjowtesbey te bila xchapoj te mach'a amene.

Isaías 43:27

Te sbabial ame'-atat la sta smul; te maestroetic awu'unic jelawic ta jtojol;

Jeremías 2:8

Te sacerdoteetic ma la sleonic, te jp'ijubteswanejetic yu'un te lum cu'une, ma la yich'onic ta muc', te jtsobwanejetic la stoy sbaic ta jtojol, te j'alwanejetic ja' c'opojic ta swenta Baal soc bajt'ic ta stojol te loc'ombaetic te ma xtuunic ta jyalele.