Jeremías 8:8 - Bible in Tzeltal de Oxchuc y Tenejapa

⁸ ¿Bit'il ya xju' awu'unic yalel: ‘P'ijotic, melel ay ta jwentatic te mandaliletic yu'un te Cajwaltique’, te xaexe? Te bila ya sts'ibuyic soc te splumae; mero jpaslot; tojol nax ya sts'ibuyic.

Bible in Tzeltal Bachajón

⁸ ¿Bin ut'il ya xhu' yac awal: Ho'otic ay jp'ijiltic, ay ta jtojoltic te ley yu'un Jehová, te xchihexe? Melel ha la sutp'in ta lot te lotil pluma yu'un te mach'atic ya xts'ihbajic.

Jeremías 8:8 Referans Kwoze

San Juan 9:41

Jesús la yalbey yaiyic: —Te yu'unuc ma'situquexe, ma'yuc amulic te jichuque. Ja'uc me to, ya awalic te jamal asitique, ja' ma xch'ay amulic yu'un —xi' te Jesuse.

Romanos 1:22

Ya yalic te p'ij yo'tanic ta sc'opique, ja'uc me to, bol te yo'tanique.

San Mateo 15:6

ma yejt'aluc ya xc'uxtayix te sme'-state”, te xaexe. Jich ta swenta te costumbre awu'unique ma'yuquix sc'oplal ya xc'ot ta ch'uunel awu'unic a te bila yaloj ta mandal te Diose.

Salmos 147:19

Te Cajwaltic la yac'bey sna' Jacob te sc'ope; la yac'bey sna' Israel te mandaliletic yu'un, soc te bitic xchapoj ta yo'tane.

Job 12:20

Ya scom ta c'op te jtac'uywanejetique, ya spojbey sp'ijil te jchajbanwanej-mamaletique.

Oseas 8:12

Manchuc me jo'on la jts'ibubey bayal sp'ijubtesel, ja'uc me to, jchajp nax c'ot ta yo'tanic.

Proverbios 17:6

Te mamaletic, ja' me scoronaic c'oem te smamataque; te alnich'anetic toyol q'uinal ya yaiyic yu'un te sme'-statique.

Job 11:12

Te bi c'aalil ya xyanaj te ja'mal burroe, ja' to me ya sna' q'uinal a te bol-o'tan winique.

Jeremías 4:22

Te Cajwaltic jich ya yal: —Te lum cu'une ma sna' q'uinal, ma sna'bon jba. Nich'aniletic te jich nax ayic ta q'uinal, ma xc'opoj yo'tanic jtebuc. Ja' nax ay sp'ijilic ta spasel te bila amene, ma ja'uc ya sna'ic spasel te bila leque —xi' te Cajwaltique.

Jeremías 18:18

Te ants-winiquetic la yal: —Ya jchajbanbeytic sc'oplal ta ch'ayel ta jc'axel te Jeremías. Melel ay sacerdoteetic te ya sp'ijubtesotique, ni ma'yuc falta ta jtojoltic te mach'atic p'ijic te ya yac'botic jna'tic, ni ma spas falta j'alwanejetic te ya sc'asesbotic caiytic te bi ya yal te Diose. Ja' lec ya jlebetic smul, swenta yu'un ya me smilic te Jeremías. Ma me xquich'tic ta muc' te bila ya yale —xiic.

Jeremías 19:7

Tey ta bay lum to ya jinbey ta jc'axel te bila xchapoj te Judá soc te Jerusalén. Ya me cac' tsalotuc yu'un te scontrotac soc te ya xmilotic yu'une. Te sbaq'uetalic ya me xti'ot yu'un te xulemetic soc te jti'awal chambalametique.

Isaías 43:27

Te sbabial ame'-atat la sta smul; te maestroetic awu'unic jelawic ta jtojol;

Jeremías 2:8

Te sacerdoteetic ma la sleonic, te jp'ijubteswanejetic yu'un te lum cu'une, ma la yich'onic ta muc', te jtsobwanejetic la stoy sbaic ta jtojol, te j'alwanejetic ja' c'opojic ta swenta Baal soc bajt'ic ta stojol te loc'ombaetic te ma xtuunic ta jyalele.

Jeremías 48:14

“Ma me xyal te Moab: “Jo'otic tulanotic, ay quiptic yu'un guerra”, ma me xiuc.