Jeremías 8:7 - Bible in Tzeltal de Oxchuc y Tenejapa

⁷ Jich te cigüeña-mut ta sjamalul ch'ulchan, ya sna' te bi ora ya sujt' tele; te paloma, te ulich soc te smutil ja'e ya sna'ic te bi ora ya xbajt'ic ta yan q'uinale; yan te ja'at, lum cu'un, ma x'ana'beyic sba te mandaliletic cu'une.

Bible in Tzeltal Bachajón

⁷ Te cigüeña-mut ta sjamalil ch'ulchan ya sna' te jujucaj yorahil, soc te xpuliwoc, te ulich soc te smutil ha' ya sna'ic te bin ora ya suhtic talel; yan te pueblo cu'un ma sna'be sba te mandariletic yu'un Jehová.

Jeremías 8:7 Referans Kwoze

Isaías 1:3

Te j'at'el-wacaxe ya sna'bey sba te yajwale, te burro ya sna'bey sba te yawil swe'el yu'un yajwale. Yan te Israel te lum cu'une, ma sna'bonic jba, ni ma'yuc bi ya sna'ic —xi'.

Isaías 5:12

Te c'alal ayex ta we'el swenta q'uin, ay sc'op arpaetic, salterioetic, c'ayobetic soc amayetic, soc bayal uch'balil vinoetic. Ni ma x'ana'ic jtebuc te bila ya spas te Cajwaltique, ni ma'yuc ta wenta awu'unic te bitic yat'ele.

Cantares 2:12

T'omenix nichimetic ta aquiltic, c'otix yorail te c'ayoje, ya xchicnajix ta aiyel ta jlumaltic te yutsil sc'unil sc'ayoj te puliwoquetique.

Isaías 27:11

Te sc'ab te' ya yich' c'asel coel te c'alal ya xtaqueje; jich yu'un te antsetic ya stsobic, soc ya spas sc'ajq'uic a. Jich te lum te ma'yuc sp'ijile. Jich yu'un te Mach'a chicnantesot yu'une, ma sna'bey yo'bolil sba yu'un; te Mach'a pasot yu'une ma xc'uxtay.

Zacarías 5:9

La quil xan, chicnaj tel cheb antsetic, ay xiq'uic, yacalic ta lich'el bael yu'un ic'. Te xiq'uique, jich yilel te bit'il xic' muc'ul cigüeña-mute. Yacalic ta yich'el bael ta ic' te moch swenta p'isole.

Jeremías 4:22

Te Cajwaltic jich ya yal: —Te lum cu'une ma sna' q'uinal, ma sna'bon jba. Nich'aniletic te jich nax ayic ta q'uinal, ma xc'opoj yo'tanic jtebuc. Ja' nax ay sp'ijilic ta spasel te bila amene, ma ja'uc ya sna'ic spasel te bila leque —xi' te Cajwaltique.

Jeremías 5:6

Jich yu'un, ya me xloc' tel león-chojetic ta ja'mal, ya me xmilotic yu'un; te jti'awal ja'mal ts'i'etic ta jochol taquin q'uinal, ya me xti'otic yu'un; te leopardo-chojetic ya me xba milawanuc ta bay nopol te lumetic yu'unique, c'alal ya xloq'uic tel, ora me ya xmilotic yu'un; melel bayal la sle smulic te ants-winiquetique, ma ajtaybiluc te smuquen-mulique.

Habacuc 1:4

Ma ja'uc ay ta tuuntesel te mandaliletique; ja' nax ay ta pech'el ta teq'uel te bitic sc'oplal ya xc'ot ta jwentatique. Te bila amen ja' yac ta stenel te bila leque; jich yac ta jinel te chajbanele —xi'.