Biblia Todo Logo
Bib sou entènèt

- Piblisite -




Jeremías 8:5 - Bible in Tzeltal de Oxchuc y Tenejapa

5 Jich yu'un, Israel, ¿bi yu'un la atoy aba ta jtojol? Jerusalén, ¿bi yu'un te sbajt'el q'uinal ma x'ac'an ach'uunone? ¿Bi yu'un la awat'elin spasel te toybaile, te ma x'ac'an ya sujt'at tele?

Gade chapit la Kopi

Bible in Tzeltal Bachajón

5 ¿Bin yu'unix a te spisil ora howiyem bahel te pueblo Jerusalén ini? La smech'ic te lo'loyel, ma sc'anic ya suhtic talel.

Gade chapit la Kopi




Jeremías 8:5
26 Referans Kwoze  

Te Cajwaltic jich ya yal: —Yantic nax te uts'inele, yantic nax te lote. Te lum cu'un ma sc'an sna'bonic jba.


Cajwal, te bila ya alebey te ants-winiquetic, ja' te jun yo'tanic ta atojole. Te castigo la awac'bey, ma ba c'ux la yaiyic; la awac'bey tulan swocolic, pero ma teyuc la snopic a. Tulan ta jyalel te yo'tanique, c'ax to jich te bit'il ton; ma la sc'an sujt'ic bael ta bay lequil be.


Pero te ants-winiquetic ma ba la sc'an xch'uunic. La swalac'patiyic te Diose, jich la spas sbaic te bit'il ma x'och c'op ta xchiquinique.


Jich yu'un tsajtaya me abaic, ma me xap'ajic te mach'a yac ta c'ope. Melel teme ma ba colic te mach'atic la sp'ajic te c'alal c'oponotic ta tulan yu'un Dios li'to ta balumilale, ¿bit'il c'an colucotic jo'otic teme ya jp'ajtic ta comel yu'un te Mach'a yac ta c'op ta jtojoltic c'alal to ta ch'ulchane?


ja'uc me to, ma x'ac'anic te ya xtalex ta jtojole, yu'un ma x'ac'anic te ya xcuxinexe.


Te lum cu'un c'ubul ayic ta jtojol, tulan yo'tanic. Ya yawtayic te mach'a ay ta ch'ulchan ta sc'opique; ja'uc me to, ma'yuc mach'a ya xcoltayot yu'un.


Ya snojes snaic yu'un te bitic ya yelc'anique, jich bit'il ja'mal mutetic te ya xnoj yu'unic te scorralique. Jich tulan la yac' sbaic, soc jc'ulej ya xc'otic,


Te mach'atic jich ya spasique, ta mero melel jich c'oem te bit'il yacalic ta slo'el c'ajc'al tane; melel ya yac' sbaic ta lo'layel yu'un te lotil nopjibaletique. Te mach'atic jich ya spasique, ma xju' ya scoltay sbaic. Mero ma'yuc sp'ijilic ta sna'el stojol te bitic ay ta sc'abic te puro lote.


Ya yalbeyic ta stojol te mach'atic ay bila ya yilique: —Ma me ayuc bila ya awilic-ya yutic. Soc ya yalbeyic ta stojol j'alwanejetic: —Ma me ayuc ya awalbotic te bila smelelil te ac'bilex ana'ic stojole. C'oponawotic ta lequil c'op, ma me x'apojbotic te bila ay ta co'tantic.


Ja'uc me to, spisil ora ma me xawac' ch'ayuc te bila ach'uunejique, ja' to te c'alal ya xtalone.


Tsajtayaic me spisil te sc'opique, soc ac'a me ta awo'tanic ta bay leque.


Te Israel toyol yac'oj sbaic, jich te bit'il wacax te ma mansubenuque. ¿Ya bal scanantay ta bay t'ujbil aquiltic te Cajwaltique? ¿Pajal bal ya yil soc te bit'il ch'in chijetique?


Te antse ¿ya bal xju' xch'ay ta yo'tan te xch'alil te ya yac' sba ta mulanel a? Ja'uc me to, te lum cu'une, mero c'ax bayalix c'aal te ch'ayon ta yo'tane.


Yan teme ja' nax ya awat'elinic spasel toybail, ma me ayuc xpoxil, ora me ya xlajex ta guerra —xi'. Ja' nix te Cajwaltic te la yal loq'uel ta ye.


Tsaca me ta spisil awip te ap'ijubtesele, ma me ayuc bi ora ya xch'ay awu'un; at'elina me spasel, melel ja' me acuxlejal stuquel.


Jich yu'un, ya me xloc' tel león-chojetic ta ja'mal, ya me xmilotic yu'un; te jti'awal ja'mal ts'i'etic ta jochol taquin q'uinal, ya me xti'otic yu'un; te leopardo-chojetic ya me xba milawanuc ta bay nopol te lumetic yu'unique, c'alal ya xloq'uic tel, ora me ya xmilotic yu'un; melel bayal la sle smulic te ants-winiquetique, ma ajtaybiluc te smuquen-mulique.


La yal te lume: —Cajwal, manchuc teme ja' nix ya yalotic te jmultique, at'ejan ta swenta te bit'il ay ta ich'el ta muc' te abiile. Bayal buelta ma junuc co'tantic ta atojol, jtaoj jmultic ta atojol.


Ta spisil Israel la xc'axintaybat te nopjibal awu'une, soc ma ba la sc'an la xch'uunbat te amandale. Ja' yu'un julem castigo ta jtojoltic, ja' te jc'axel albil sc'oplal ta mandaliletic te la yal te Moisés, ja' te abat awu'une. Jich c'ot, melel ja' yu'un te la jta jmultic ta atojole.


¿Sbajt'el bal q'uinal ya x'ilinat? ¿Sbajt'el bal q'uinal ya xjalaj te awilimbae?”, te xaate. Te c'alal jich yacat ta yalel a, la apas spisil te bila amen te ju' awu'une —xi' te Cajwaltique.


Te Cajwaltic la spuc j'il-q'uinaletic, soc jich la yalbey te lum yu'une: —Aiya me awaiyic ta lec te c'alal ya xchicnaj ta aiyel señaile —xi'. Ja'uc me to, te lume jich la yal: —Ma jc'antic quich'tic ta muc' —xiic.


Aiya awaiy stojol, balumilal: Ay bi tulan swocolil ya cac'bey tel ta stojol te lume, ja'ix sit swocolil te bila amen la xchajbane; melel ma la spasic te la yich'bonic ta muc' te jc'ope, la yilaybonic te p'ijubtesel cu'une.


Ja'uc me to, ma la sc'an sujt'es yo'tanic ta jtojol. Jich yu'un ya me sujt'ic bael ta Egipto; te Asiria ja' me ya xmandaltesotic yu'un.


Ja' nix jich yacalic ta spasel mulil. Ya yultesic ta c'ajc' te splataique, ya spas yajcananic a, chican bi yilel ya smulan spasel te mach'a ya sna'ic spasele. Ora ya yalic: —Ac'beyaic milbil smajt'an —xiic. Te ants-winiquetic ya sbujts'iyic te yajcananique, ja' te sloc'omba alal toro.


Swiv nou:

Piblisite


Piblisite