Jeremías 8:4 - Bible in Tzeltal de Oxchuc y Tenejapa

⁴ La yalbon te Cajwaltique: —Ja'at, Jeremías, albeya yaiy te alumal in jc'op to: “Te c'alal ay mach'a ya xyal, ya sjach sba tel; te c'alal ya xch'ay yu'un te bee, ya xcha'sujt' bael tey a.

Bible in Tzeltal Bachajón

⁴ Hich me yac awalbe: Hich yaloj te Jehová: Te mach'a ya xyahl, ¿ma bal yacuc xhahch? te mach'a ya xhowiy bahel, ¿ma bal yacuc suht xan tal?

Jeremías 8:4 Referans Kwoze

Proverbios 24:16

Manchuc me ya xyal juqueb buelta, pero ya me xjajch' xan juqueb buelta. Yan stuquel te mach'atic amen yo'tanique, ya me xc'oic bael ta lajel stuquelic.

Miqueas 7:8

Ja'at nación te jcontroate, ma me binuc nax awo'tan yu'un te jwocole. Manchuc me yalon, ya me xjajch'on; manchuc me la sjoytayon te ijc' q'uinal, te Cajwal ja' saquil q'uinal cu'un stuquel.

Oseas 6:1

La'ic ta apisilic, sujt'ucotic ta stojol te Cajwaltique. Ja' nix la stsacotic, ja'uc me to, ja' nix ya xpoxtayotic; la yejch'entesotic, ja'uc me to, ya spotsbotic.

Jeremías 3:1

Te Cajwaltic jich ya yal: —Teme ya sujt'es yinam te winique: te ants teme ya xba yic' sba soc yan winic, jich ma spas te ya x'ic'ot xan yu'un te sbabial winique. Melel teme jich ya spase, mero chujc'ul sc'oplal ya xc'ot ta spamal q'uinal. Ja'uc me to, jich c'oemat ja'at Israel. La apas mulwej soc bayal winiquetic, ¿ya to bal ac'an sujt'at tel ta jtojol? Jo'on Ajwalilon, jich ya cal.

Isaías 55:7

Te mach'a amen yo'tane ya sc'an te ya yijq'uitay te sbee; te mach'a ay mulil ta yo'tan, ya me yijq'uitay te bitic sna'oje. Sujt'anic tel ta stojol te Cajwaltique, jich me ya sna'beyex yo'bolil abaic stuquel; sujt'anic tel ta stojol te Dios cu'untique, te ma p'isbiluc nax yutsil yo'tan ta spasel perdón.

Amós 5:2

Te t'ujbil ach'ix Israel te ma'yuc bay bolobene, lajix ta jinel, yalix, ma xjajch'ix ta yan buelta. Limil jilel ta slum-sq'uinal, ma'yuc mach'a ya sjach jajch'el.

Oseas 14:1

Israel, sujt'esa awo'tan ta stojol Cajwaltic te Dios awu'une, te ja'at scaj amul te yalate.

Oseas 7:10

Te stoybail Israel ja' nix testigo te ya x'alot yu'une. Manchuc me jich, ma ja'uc ya sujt'ic tel yu'un, ma ba ya sleic te Cajwaltic te Dios yu'unique.

Ezequiel 18:23

Te jo'on Ajwalilon ma jc'an te ya xlaj te mach'a amen yo'tane; ja' ya jc'an te ya xyanaj te yat'ele, soc te ya xcuxine. Jo'on Ajwalilon te jich caloje.

Isaías 44:22

Jo'on la jch'aybatix ta jc'axel te faltaetic soc te muliletic awu'une, jich bit'il ya xch'ay ta jc'axel te tocale. Sujt'anic tel ta jtojol, melel cac'ojatix ta libre —xi'.

1 Reyes 8:38

aiybeya me sc'op jiche spisil mach'atic ya sc'oponat soc ya xbic'taj ta atojol, mach'auc a, o ta spisil te lum Israel awu'une, te c'alal ya yil teme ay swocole, teme ay bi c'ux obol sba yu'une, teme ya stoy tel sc'ab ta sc'oponbelat ta stojol te templo in to, aiybeya me c'alal ta ch'ulchan. C'alal ta banti nainemat, pasbeya me te perdón, coltaya, ac'a c'otuc ta swentaic awu'un chican te bi yilel te bila spasojique, melel ja'at nax ana'oj te bila xchapoj ta yo'tan soc te bit'il ay te yo'tan te ants-winiquetique.

Jeremías 36:3

Te ayuc bit'il ya xc'ot ta yo'tanic te mach'atic ayic ta Judá spisil te woclajel te jnopoj ya jticunbey tele, te yacuc yijq'uitay te bila amen ya spasique, jich ya jpasbey perdón yu'un —xi'.

Jeremías 23:14

Quiloj te j'alwanejetic ta Jerusalén, ya spasic bitic ilaybil: ya spasic mulwej soc lo'laywanej, ya sjajch'bey xan yo'tanic mach'atic amenic te ma'yuc mach'a ya yijq'uitay sba yu'un te bila amen ya spase. Ja'ic soc te mach'atic yajwal te lume jich c'oemic ta co'tan te bit'il Sodoma soc Gomorra.

Jeremías 4:1

Te Cajwaltic jich ya yalbat: —Teme ya ac'an sujt'at tel, Israel, ja' me ya sujt'at tel ta jtojol. Teme ya aloq'ues bael te loc'ombaetic awu'un te ilaybile soc te ma q'uejeluc ya awac' aba ta jtojole,

Jeremías 3:22

Sujt'anic tel ta jtojol, ja'ex te toyba alnich'anexe; jo'on ya jch'aybeyex te atoybailique —xi' te Cajwaltique. Jich ya yalic te israeletique: —Li' ayotic to, ya sujt'otic tel ta atojol, melel ja'at Cajwalticat te Diosat cu'untique.