Jeremías 8:3 - Bible in Tzeltal de Oxchuc y Tenejapa

³ Te ants-winiquetic te cuxulic xan ya xjilic, te c'ax amen te yo'tanique, ta bayuc ya x'ainic te c'alal ya jpuc baele, ma ba ya sc'an yo'tanic te ya xcuxinique, ja' ya sc'aniquix te ya xlajique. Jich ya cal, jo'on Ajwalilon te Spisil ya xju' cu'une —xi'.

Bible in Tzeltal Bachajón

³ Ya slehic slajelic, ma ha'uc scuxlejalic, spisil te mach'atic cuxul ya xhilic yu'un te jcaj ts'umbalil ini te chopol yo'tanic, ta spisil banti ya jpucticlan bahel, xchi te Jehová te scuentahinej spisil.

Jeremías 8:3 Referans Kwoze

Apocalipsis 9:6

Te bi ora jich ya xc'ot ta pasele, ya me sc'an slajelic te ants-winiquetique, ja'uc me to, ma ba ya staic. Manchuc teme yo'tanuc ya sc'an xlajique, ja'uc me to, ya x'an bael ta stojolic te lajele.

Jeremías 29:14

Ya me cac' jba ta tael awu'unic te ja'exe; ya me jel te bit'il ayexe. Ta spisil te nacionetic ta bay la jpuquex baele, ya jloq'uesex tel tey a; ya me jtsobex, ya me sujt'ex tel, ya xloq'uex tey a ta bay la jticunex bael ta mosoil. Jo'on Ajwalilon, jich ya cal’, xi'.

Jeremías 23:8

ja'uc me to, jich me ya awalic: “Ta swenta bit'il cuxul te Cajwaltic, jich la sloq'uesbey tel sts'umbal Israel ta bay norte, soc ta spisil te lumetic ta bay la spuc baele”, xaex me. Tey me ya xba ainuquic ta bay mero te slum-sq'uinalique —xi'.

Jeremías 23:3

Jo'onix ya quic' tel te jayeb xan chijetic te bay la cac' anuc bael ta lumetique, ya jtsob tel, soc ya cac' sujt'uc tel ta bay te swe'elique, swenta yu'un ya me yac' bayal yalatac.

Deuteronomio 30:4

Manchuc me ac'botex awijq'uitay alumalic, mero c'ubul la awich'ic puquel bael ta balumilal, pero tey me ya yac' talanic a te Cajwaltic Dios, tey me ya xba sleex tel a.

Jonás 4:3

Ja' yu'un, Cajwal, wocoluc lajinbonix te jcuxlejale. Ja' mero lequix ya caiy te ya xlajone, ja' ma jc'anix te cuxulone —xi' ta stojol te Cajwaltique.

Daniel 9:7

Te ja'at Cajwal, toj awo'tan atuquel. Pero te judiootique yo'tic ya xtal q'uexlal ta co'tantic, jichic te mach'atic ayic ta Jerusalén soc ja' nix jichic te yantic israeletic, te c'ubul ayique soc te nopol ayique, te la ach'oj c'axel ta scaj te la stoy sbaic ta atojole.

Deuteronomio 30:1

“Ya me sta yorail te ya xtal ta atojolic te bitic la calbeyexix awaiyique, te bitic swenta bendición soc te bitic swenta castigo te la cac'beyex atsaique. Pero teme la asujt'es awo'tanic tey a ta bay nacionetic te banti ya xch'ojex bael te Cajwaltic Diose,

Apocalipsis 6:16

Soc jich caj yalbeyic te witstiquile soc te ch'entiquile: “La' net'awotic, macawotic ta sit te Mach'a nacal ta smuc'ul nactijibe. Ma me staotic te yilimba te Alalchije.

Jeremías 40:12

Jich yu'un, sujt'ic bael ta Judá spisilic ta bay pujq'uemic bael ta q'uinale, ba stejc'an sbaic ta stojol Gedalías ta Mizpa. Jich nix la yat'elinic stsobel bayal vino soc sit te'etic.

Jeremías 29:28

Asta sticunejbotiquix carta ta Babilonia, te la yal tey a: ‘Te bit'il ic'otex bael ta Babilonia, ya xjalajex bayal ja'wil tey a; pasaic anaic soc junuc awo'tanic tey a, soc ts'unaic te'etic te ya sitinique, we'elinaic te site’, xi' ta yalel”, xi' te scartae —xi' te Cajwaltic ta stojol te Jeremiase.

1 Reyes 19:4

Te Elías toj bael ta jochol taquin q'uinal. Sjunal c'aal been, ja' to c'o snajc'an sba ta ye'tal retama-te'. Mero yo'tanuc ya xlajix, jich la yal: —¡Tiq'uix a, Cajwal! Lajinbonix te jcuxlejale. Ja' mas lec te ya xlajone, jich bit'il lajic te antiguo jme'-jtate —xi'.

Jeremías 6:9

Te Cajwaltic te Spisil ya xju' yu'une ya yal: —Te israeletic te ya xjilic xan tey a, ya yich' leel, soc ya me yich' leel xan yan buelta; jich bit'il ay ta leel ta bay yabenal ts'usub, te ja' to chican ma'yuc ya xjil p'ijuc ts'usub —xi' te Cajwaltique.

Amós 3:1

Ja'ex israeletic, aiya awaiyic stojol te bila ya yal te Cajwaltic te la sloq'uesex tel ta Egipto:

Miqueas 2:3

Ja' swentail te jich la yal te Cajwaltique: —Jo'on chapalix cu'un ta jcontroinbelex te ja'exe. Ya jticun tel tulan woclajel te ma xju' ya acoltay aba yu'une. Ma xju'ix te soc nax toybail ya xbeenexe, melel ya me sta yorail ya xc'ot te awocolique.

Levítico 26:33

Yan te ja'exe, ya me jpuquex bael ta yantic nacionetic, jloq'uesej me jpuñal a ya jnutsex bael. Te alum-aq'uinalic ya xc'atp'uj ta jochol q'uinal, jich nix te lumetic awu'unic ya xc'atp'ujic ta jinem ts'ajq'uetic.

Jeremías 44:2

—Te Cajwaltic te Spisil ya xju' yu'un, te Dios yu'un Israel, ya yal: “Awilojic ja'ex ta spisil te bila woclajel la cac' taluc ta stojolic ta Jerusalén soc ta yantic lumetic ta Judá. Ta ora yo'tic jiniquix ta jyalel, ma'yuquix mach'a nainemic tey a

Jeremías 44:6

Jich yu'un, te quilimba til jajch'el jichuc c'ajc' ta lumetic ta Judá soc ta calleetic ta Jerusalén. Jinic jilel, jojch'ajic ta jc'axel asta c'alal ora yo'tic.